Read Ndebele-IBhayibhili Elingcwele 2006 Unumeri 9 Bible Online

Unumeri 9 - Ndebele-IBhayibhili Elingcwele 2006 bible

Unumeri 9

¹I Nkosi yasikhuluma kuMozisi enkangala yeSinayi, ngomnyaka wesibili emva kokuphuma kwabo elizweni leGibhithe ngenyanga yokuqala, isithi:

²Futhi abantwana bakoIsrayeli kabagcine iphasika ngesikhathi salo esimisiweyo.

³Ngosuku lwetshumi lane lwenyanga le, kusihlwa, lizaligcina ngesikhathi salo esimisiweyo; ngokwezimiso zalo zonke langokwemithetho yalo yonke liligcine.

⁴Ngakho uMozisi wakhuluma kubantwana bakoIsrayeli, ukuthi bagcine iphasika.

⁵Basebegcina iphasika ngosuku lwetshumi lane lwenyanga yakuqala, kusihlwa, enkangala yeSinayi; njengakho konke i Nkosi eyamlaya ngakho uMozisi, benza njalo abantwana bakoIsrayeli.

⁶Kwakukhona-ke amadoda ayengcolile ngenxa yesidumbu, ukuthi ayengelakugcina iphasika ngalolosuku. Asondela phambi kukaMozisi laphambi kukaAroni ngalolosuku.

⁷Lalawomadoda asesithi kubo: Thina singcolile ngenxa yesidumbu; sivinjelelwani ukuze singanikeli umnikelo we Nkosi ngesikhathi sawo esimisiweyo, phakathi kwabantwana bakoIsrayeli?

⁸UMozisi wasesithi kuwo: Manini, ukuze ngizwe ukuthi i Nkosi izalilayani.

⁹I Nkosi yasikhuluma kuMozisi isithi:

¹⁰Tshono ebantwaneni bakoIsrayeli uthi: Uba ngulowo lalowo phakathi kwenu loba owezizukulwana zenu ezangcola ngenxa yesidumbu, loba esekuhambeni khatshana, uzagcina iphasika e Nkosi ni.

¹¹Ngenyanga yesibili, ngosuku lwetshumi lane, kusihlwa, bazaligcina; bazalidla lesinkwa esingelamvubelo lemibhida ebabayo.

¹²Kabayikutshiya lutho lwalo kuze kube sekuseni, bangephuli thambo lalo; bazaligcina ngokwezimiso zonke zephasika.

¹³Kodwa umuntu ohlambulukileyo, ongekho ekuhambeni, oyekela ukugcina iphasika, lowomphefumulo uzaqunywa usuke ebantwini bawo, ngoba kanikelanga umnikelo we Nkosi ngesikhathi sawo esimisiweyo; lowomuntu uzathwala isono sakhe.

¹⁴Uba-ke owemzini ehlala njengowezizwe kini agcine iphasika e Nkosi ni, ngokwesimiso sephasika langokomthetho walo, uzakwenza njalo. Kuzakuba lesimiso esisodwa kini lakowemzini lakowokuzalwa elizweni.

¹⁵Langosuku ithabhanekele elamiswa ngalo, iyezi lasibekela ithabhanekele, ithente lobufakazi; lakusihlwa kwakukhona phezu kwethabhanekele njengokubonakala komlilo kwaze kwaba sekuseni.

¹⁶Kwakunjalo isikhathi sonke: Iyezi lalisibekela, njalo kwaba lokubonakala komlilo ebusuku.

¹⁷Kwakusithi lapho iyezi liphakanyiswa lisuka phezu kwethente, langemva kwalokho abantwana bakoIsrayeli basuke; lendaweni lapho iyezi elima khona, abantwana bakoIsrayeli bamisa khona amathente abo.

¹⁸Ngokomlayo we Nkosi abantwana bakoIsrayeli basuka, langokomlayo we Nkosi bamisa amathente abo: Bahlala enkambeni insuku zonke iyezi elalihlala ngazo phezu kwethabhanekele.

¹⁹Lalapho iyezi lihlala isikhathi eside phezu kwethabhanekele insuku ezinengi, abantwana bakoIsrayeli bagcina imfanelo ye Nkosi, kabasukanga.

²⁰Kwasekusithi lapho iyezi liphezu kwethabhanekele insuku ezinlutshwana; ngokomlayo we Nkosi bahlala enkambeni, futhi ngokomlayo we Nkosi basuka.

²¹Kwasekusithi lapho iyezi likhona kusukela kusihlwa kuze kube sekuseni, lapho iyezi liphakanyiswa ekuseni, basuka. Loba kusemini kumbe ebusuku, lapho iyezi liphakanyiswa basuka.

²²Kumbe uba iyezi lalihlala isikhathi eside phezu kwethabhanekele okwensuku ezimbili, loba inyanga, loba umnyaka, lihlezi phezu kwalo, abantwana bakoIsrayeli bahlala enkambeni, kabasukanga. Kodwa lapho liphakanyiswa, basuka.

²³Ngokomlayo we Nkosi bamisa inkamba, langokomlayo we Nkosi basuka. Bagcina imfanelo ye Nkosi ngokomlayo we Nkosi ngesandla sikaMozisi.