Read Ndebele-IBhayibhili Elingcwele 2006 Umikha 1 Bible Online

Umikha 1 - Ndebele-IBhayibhili Elingcwele 2006 bible

Umikha 1

¹Ilizwi le Nkosi lafika kuMika weMoreshethi ensukwini zikaJothamu loAhazi loHezekhiya, amakhosi akoJuda aliboniswa ngeSamariya langeJerusalema.

²Wathi: Zwanini, bantu lonke, ulalele lawe mhlaba lakho konke okukuwo; iNkosi uJehova kayibe ngumfakazi ngani, iNkosi isethempelini layo elingcwele.

³Ngoba khangela, i Nkosi iyasuka endaweni yayo, izakwehla inyathele endaweni eziphakemeyo zomhlaba.

⁴intaba zizancibilika ngaphansi kwayo lezihotsha ziqekezeke, zincibilike njengengcino phambi komlilo. zibe njengamanzi ageleza emaweni.

⁵Konke lokhu kungenxa yezono zikaJakobe, langenxa yezono zikaIsrayeli. Siyini isono sikaJakobe yini? Kasisiyo iSamariya yini? Siyini isono sikaJuda yini? Kasisiyo iJerusalema yini?

⁶Ngakho ngizadiliza iSamariya ngiyenze ibe yindawo yezivini, ngiphosele amatshe ayo esihotsheni, ngiphande izisekelo zayo.

⁷Zonke izithombe zalo ezibaziweyo zizaphahlazwa, lawo wonke amahlawulo alo okuwula azatshiswa ngomlilo, lezifanekiso zonke zalo zibulawe; ngoba lizizuze ngamahlawulo amawule, zizabuyiselwa emahlawulweni okuwula.

⁸Ngenxa yalokhu ngizalila ngikhaIe, ngihlubule ngihambeze, ngikhale njengamakhanka, ngilile njengezintshe.

⁹Ngoba amanxeba alo kawapholi, lokhu sekufikile lakoJuda; kufinyelele esangweni labantu bami eJerusalema.

¹⁰Lingakuxoxi eGathi, lingakhali inyembezi; lizibhuqe ethulini eBetiLeyafra.

¹¹Dlulani, lina beShafiri, lihambeze lilenhloni; abakhe eZanani kabaphumanga emzini wabo; abeBetiEzeli bayakhala, kabalamandla okulisiza.

¹²Ngoba abakhe eMarothi balindele okuhle belovalo. ngoba okubi kwehlile kuvela e Nkosi ni, kwafika esangweni leJerusalema.

¹³Bophelani enqoleni amabhiza ale jubane, lina beLakishi; laliyikuqala kwezono zeZiyoni, ngoba iziphambeko zakoIsrayeli zatholakala kini.

¹⁴Ngakho-ke lizanika uMoreshethiGathi isipho sokuvalelisana; iBetiAkizibi lizakuba yinkohliso emakhosini akoIsrayeli.

¹⁵Ngizalilethela umnqobi, lina beMaresha; udumo lukaIsrayeli luzayacatsha ebhalwini lweAdulamu.

¹⁶Phucani inwele zenu ukuze likhalele abantwana elibathandayo; phucani libe njengokhozi, ngoba bazathunjwa kini.