Read Ndebele-IBhayibhili Elingcwele 2006 Umikha 3 Bible Online

Umikha 3 - Ndebele-IBhayibhili Elingcwele 2006 bible

Umikha 3

¹Ngathi: Zwanini, lina nhloko zakoJakobe, lani ziphathamandla zakoIsrayeli. Kakusikho okwenu yini ukwazi ukulunga?

²lina elizonda okuhle, lithande okubi, elebula isikhumba sabantu bami, lihlubule inyama emathanjeni abo,

³elibadla inyama abantu bami, lihlinze isikhumba sabo, lephule amathambo abo, libaqobe njengenyama esembizeni lanjengenyama esebhodweni.

⁴Lizakhuleka e Nkosi ni, kodwa kayiyikuliphendula; izalifihlela ubuso bayo ngalesosikhathi, ngoba lenzile okubi.

⁵I Nkosi ithi ngabaprofethi abaduhisa abantu bami, ababathembisa ukuthula lapho besazuza ukudla, kodwa lowo ongabaniki ukudla balwe laye:

⁶Ngakho lizafikelwa yibusuku obungelambono, kube mnyama, lingabe lisavumisa; ilanga lizabatshonela abaprofethi, losuku lube mnyama tshu.

⁷Ababoni bazayangeka, labavumisi babe lenhloni, bambomboze imilomo yabo, ngoba kungaveli impendulo kuNkulunkulu.

⁸Kodwa mina nginikwe amandla, lokulunga lesibindi, ukuze ngimtshele uJakobe iziphambeko zakhe loIsrayeli isono sakhe.

⁹Zwanini lokhu, lina nhloko zendlu kaJakobe, lani ziphathamandla zendlu kaIsrayeli, elinenga ukulunga, lihlanekele bonke ubuqotho,

¹⁰elakha iZiyoni ngegazi, leJerusalema ngobubi.

¹¹Inhloko zayo zahlulelela izipho, labapristi bayo bafundisela inkokhelo, labaprofethi bayo bavumisela imali; kanti beyama e Nkosi ni besithi: I Nkosi kayikho phakathi kwethu yini? Okubi kakuyikusehlela.

¹²Ngakho ngenxa yenu iZiyoni izalinywa njengensimu, leJerusalema ibe lunxiwa oludilikileyo, lentaba yethempeli iphenduke ibe lihlathi.