Read Ndebele-IBhayibhili Elingcwele 2006 Umikha 5 Bible Online

Umikha 5 - Ndebele-IBhayibhili Elingcwele 2006 bible

Umikha 5

¹Hlomisa amabutho akho, wena Jerusalema! izitha zikuvimbezele; zizatshaya umbusi wakho, wena Israyeli, esihlathini ngenduku.

²Kodwa wena, Bhethelehema Efratha, omncinyane ukuthi ube phakathi kwezizwe zakoJuda, kuzavela kuwe othile ozakuba ngumbusi wakoIsrayeli, okudabuka kwakhe kusukela endulo.

³Ngakho-ke uzabanikela, aze abelethe ohelelwayo, besekubuya koIsrayeli abaseleyo kubafowabo.

⁴Uzakuma eluse umhlambi wakhe ngamandla e Nkosi, ngobukhosi bebizo le Nkosi uNkulunkulu wakhe. Bazavikeleka, ngoba khathesi esemkhulu kuze kube semingceleni yomhlaba;

⁵uzaletha ukuthula. Lapho umAsiriya engena elizweni lakithi, enyathela emhlabathini wethu, sizahlomisa abelusi abayisikhombisa leziphathamandla zabantu eziyisificaminwembili;

⁶bazabusa ilizwe iAsiriya ngenkemba, lelizwe likaNimrodi, basophule kumaAsiriya lapho engena elizweni lakithi lalapho enyathela phakathi kwalo.

⁷Abaseleyo bakoJakobe bephakathi kwabantu abanengi bazakuba njengamazolo avela e Nkosi ni lanjengomkhizo phezu kotshani, okungalindeli muntu, okungahlaleli muntu.

⁸Abaseleyo bakaJakobe phakathi kwezizwe, bephakathi kwabantu abanengi bazakuba njengesilwane esiphakathi kwenyamazana zeganga, njengebhongo lesilwane eliphakathi komhlambi wezimvu, esithi lapho sidabula phakathi kwawo sibambe, sinyathele sidabule iziqa, kungabi khona osizayo.

⁹Isandla sakho, Israyeli, sizaphakanyiswa phezu kwezitha zakho, zichithwe zonke izitha zakho.

¹⁰Kuzakuthi ngalezonsuku, itsho i Nkosi, ngiqede amabhiza akho phakathi kwakho, ngichithe inqola zakho,

¹¹ngichithe lemizi yelizwe lakini, ngidilizele phansi inqaba zakini.

¹²Ngizaqeda abathakathi phakathi kwenu, kungabe kusaba khona labachasisa ngemibono,

¹³ngibulale izithombe zenu ezibaziweyo, ngidilize imizi yenu; kalisayikuphinda likhothamele umsebenzi wezandla zenu.

¹⁴Ngizasiphuna elizweni izixuku zenu, ngichithe lemizi yenu,

¹⁵ngiphindisele ngokuthukuthela langolaka ezizweni ezingalalelanga.