Read Ndebele-IBhayibhili Elingcwele 2006 Unarhume 2 Bible Online

Unarhume 2 - Ndebele-IBhayibhili Elingcwele 2006 bible

Unarhume 2

¹Umchithi ukufikele, wena Nineve, gcina inqaba zakho, ulinde indlela, uqinise ukhalo lwakho, uqinise amandla akho.

²Ngoba i Nkosi ibuyisa ubukhosi bukaJakobe bube njengobukhosi bukaIsrayeli; ngoba abahlaselayo balikhwexule ivini. baqeda ingatsha zalo

³Izihlangu zamaqhawe akhe zibomvu, amabutho akhe agqoke okuyibubende, lenqola zakhe ziphazima njengamalangabi lapho sezilungisa; amabhiza ayagidagida.

⁴Izinqola ziyatheleka emigwaqweni, ziphoseka le lale ezigcawini, zikhanye njengezihlanti, ziphazime njengemibane.

⁵Kubizwe izinduna, zikhubeke ekuhambeni kwazo, zigijimele emithangaleni, zimise izivikelo.

⁶Kuvulwe amasango asemfuleni, lesigodlo sizancibilika.

⁷Inkosikazi ithunjwe, incekukazi zayo zikhale njengamajuba, zitshaye izifuba zazo ngenxa yosizi.

⁸INineve injengechibi elilamanzi afohlayo. Bamemeza besithi: Manini! manini! kodwa kakho ophendukayo.

⁹Phangani isiliva, phangani igolide. Inotho yalo lezinto zalo ezinhle kazilakuphela.

¹⁰Seliseleze, kaliselalutho, lichithekile; inhliziyo ziphele amandla, amadolo ayatshayana, lobuhlungu busenkalweni zonke, bamukumele.

¹¹Singaphi isikhundla sesilwane lezimbalu zezilwane lapho isilwane esasiletha khona esikubambileyo, lalapho amabhongo aso ayehlala khona engethuki lutho?

¹²Isilwane sabamba okwenele imidlwane yaso, sabambela lezilwanekazi zaso; sagcwalisa izimbalu ngesikubambileyo lezikhundla zaso ngenyama.

¹³Khangela, ngimelene lawe, kutsho i Nkosi yamabandla; ngizatshisa ngomlilo inqola zakho, lenkemba izaqeda amabhongo ezilwane akho; ngizaquma konke okubambayo kusuke emhlabeni, lelizwi lezithunywa zakho kalisayikuzwakala.