Read Ndebele-IBhayibhili Elingcwele 2006 Urhabakhukhu 1 Bible Online

Urhabakhukhu 1 - Ndebele-IBhayibhili Elingcwele 2006 bible

Urhabakhukhu 1

¹Leli yilizwi aliboniswayo uHabakuki umprofethi.

²Ngizakuncenga kuze kube nini, Nkosi, ukuze ungizwe, loba ngimemeze kuwe ngobubi, ungangisizi?

³Ungitshengiselani okubi lenkathazo? Ukuchitheka lobubi kuphambi kwami, kukhona ukulwisa lokuxabana.

⁴Umlayo ubuthakathaka, lesahlulelo kasiphumeleli. Ngoba omubi uphica olungileyo, ngakho ukulunga kuyahlanekelwa.

⁵Khangelani phakathi kwezizwe, libone limangale kakhulu. Ngoba mina ngenza imisebenzi ensukwini zenu elingayikuyikholwa lapho ulilandiselwa.

⁶Ngoba, khangelani, ngivusa amaKhaladiya, isizwe esibabayo lesiphangisayo, esidabula emhlabeni wonke ukuyathumba indawo zokuhlala ezingeyisizo ezaso.

⁷Siyesabeka, sitshayisa uvalo, isahlulelo lodumo lwaso kuvela kuso.

⁸Amabhiza aso alejubane kulezingwe, ayesabeka kulempisi ehamba kusihlwa; abagadi bamabhiza aso baqhubekela phambili, bevela elizweni elikhatshana, bandize njengokhozi oluphangisa ukudla.

⁹Bonke bafikela ukwenza ububi, lokwesabeka kwabo kuhambela phambi kwabo; babuthe abathunjiweyo babe ngangetshebetshebe.

¹⁰Yisizwe esiklolodela amakhosi, lababusi sibahleka usulu, sihlekisane ngazo zonke inqaba, ngoba sibuthelela umhlabathi, sizithathe.

¹¹Sivunguze njengomoya, sedlule, singabantu abamandla abo angunkulunkulu wabo.

¹²Kawusuye owasendulo yini, wena Nkosi Nkulunkulu wami oNgcwele? Kasiyikufa. Nkosi, wenzile lesisizwe ukuthi sibe yisigwebo; wena Dwala, usimisele ukutshaya.

¹³Wena omehlo akho ahlambulukile kakhulu ukuthi abone okubi, ongelakukhangela okungalunganga. ubakhangelelani abakhohlisayo? Uthulelani lapho ababi beqeda abalungileyo kulabo?

¹⁴Wenza abantu babe njengenhlanzi zolwandle, njengezinto ezibahabayo ezingelankosi.

¹⁵Isizwe samaKhaladiya siyabakhupha bonke ngengwegwe, sibadonse ngembule, sibabuthe ngembule laso elihudulwayo; ngalokho-ke siyathokoza sijabule.

¹⁶Ngakho-ke siyalihlabela imbule laso, sitshisele imbule laso elihudulwayo impepha; ngoba lisizuzela ukudla okunengi lokumnandi.

¹⁷Sizaqhubeka ukusebenzisa amambule aso kokuphela, langokubulala izizwe kokuphela uomo yini?