Read Ndebele-IBhayibhili Elingcwele 2006 Uzakariya 10 Bible Online

Uzakariya 10 - Ndebele-IBhayibhili Elingcwele 2006 bible

Uzakariya 10

¹Celani e Nkosi ni izulu ngesikhathi sentwasa, e Nkosi ni eyenza amayezi eziphepho, enika abantu izihlambo zezulu, enika bonke utshani egangeni.

²Ngoba izithombe ezithiwa amatherafi zikhuluma ize, labavumisi babona okungamanga, labaphuphi balandisa amaphupho ayinkohliso, ukududuza kwabo kuyize. Ngakho-ke abantu bayahambahamba njengezimvu, bahlupheke ngoba bengelamelusi.

³Ukuthukuthela kwe Nkosi kuyavutha ngabelusi, izaphindisela abakhokheli; ngoba i Nkosi yamabandla izawuhambela umhlambi wayo uJuda, izabenza babe njengebhiza lobukhosi empini.

⁴Kuzaphuma ilitshe lengonsi kibo, kuphume isikhonkwane sethente, kuphume idandili lempi, kuphume bonke ababusi.

⁵Bebonke bazakuba njengamaqhawe empini anyathela udaka lwezindlela; bazakulwa ngoba i Nkosi ilabo, bayangise abagadi bamabhiza.

⁶Mina ngizamqinisa uJuda. ngikhulule uJosefa. Ngizababuyisa ngoba ngilesihawu kibo, babe njengokungathi kangizanga ngibalahle; ngoba ngiyi Nkosi uNkulunkulu wabo, ngizabaphendula.

⁷UEfrayimi uzakuba njengeqhawe, inhliziyo yabo ithokoze njengokungathi ithokoziswa liwayini. Abantwana babo bazabona lokho bathabe, inhliziyo zabo zizajabula e Nkosi ni.

⁸Ngizabatshayela ikhwelo, ngibabuthe, ngoba ngibahlengile, babebanengi njengakudala.

⁹Njalo ngibachithachithe phakathi kwezizwe, kanti lemazweni akhatshana bazangikhumbula, bazakondla abantwana babobabuye.

¹⁰Ngizababuyisa ekhaya bevela elizweni leGibhithe, ngibaqoqe eAsiriya; ngizabaletha elizweni leGileyadi leLebhanoni, kuwo kungasali ndawo.

¹¹Ulwandle luzakwehlelwa yikuhlupheka okukhulu, lamagagasi olwandle azatshaywa, kutshe lenziki zonke zeNile; kwehliswe ukuzigqaja kweAsiriya, kusuke intonga yobukhosi yeGibhithe.

¹²Amandla abo azakuba se Nkosi ni, bahambe bethokoza ebizweni layo, kutsho i Nkosi.