Read Ndebele-IBhayibhili Elingcwele 2006 Uzakariya 2 Bible Online

Uzakariya 2 - Ndebele-IBhayibhili Elingcwele 2006 bible

Uzakariya 2

¹Ngaphakamisa amehlo ami, ngabona, khangela, umuntu ephethe intambo yokulinganisa.

²Ngasengisithi kuye: Uya ngaphi? Wathi kimi: Ngiyalinganisa iJerusalema, ngibone ukuthi bungakanani ububanzi bayo lobude bayo.

³Khangela, kwasekusiza ingilosi eyayikhuluma lami, lenye ingilosi yayihlangabeza.

⁴Yona yathi: Gijima, utshele leliyana ijaha uthi: iJerusalema lizakuba ngumuzi ongelamiduli ngenxa yobunengi babantu lezifuyo ezikilo.

⁵Ngoba mina ngizakuba ngumduli womlilo olizingelezeleyo, lolivikeleyo, kutsho i Nkosi, ngibe yinkazimulo phakathi kwalo.

⁶Heyi! Balekani elizweni lenyakatho, kutsho i Nkosi; ngilihlakazele emazweni wonke njengemimoya yomine yamazulu.

⁷Heyi! Balekani, lina bantu beZiyoni abahlala eBhabhiloni.

⁸Ngoba i Nkosi yamabandla yangithuma ngenxa yodumo lwayo ezizweni ezaliphangayo, ngoba olithintayo uthinta igugu layo, yathi:

⁹Ngoba khangela, ngizaziphakamisela isandla sami, zibe yimpango yalabo ababezikhonza. Khona lizakwazi ukuthi i Nkosi yamabandla ingithumile.

¹⁰I Nkosi ithi: Hlabela ngokuthaba, wena Ziyoni, ngoba khangela, ngiyeza, ngizahlala phakathi kwakho.

¹¹Izizwe ezinengi zizazihlanganisa le Nkosi ngalolosuku, zibe ngabantu bayo. Izahlala phakathi kwakho, uzakwazi ukuthi i Nkosi yamabandla ingithumile kuwe.

¹²I Nkosi izathatha uJuda, abe yisabelo sayo elizweni elingcwele, ibuye ikhethe iJerusalema futhi.

¹³Thulani, nyama yonke, phambi kwe Nkosi, ngoba ivukile, yaphuma endaweni yayo engcwele.