Read Ndebele-IBhayibhili Elingcwele 2006 Umatewu 19 Bible Online

Umatewu 19 - Ndebele-IBhayibhili Elingcwele 2006 bible

Umatewu 19

¹Kwasekusithi uJesu eseqedile lawomazwi, wasuka eGalili, weza emikhawulweni yeJudiya ngaphetsheya kweJordani.

²Amaxuku amakhulu asemlandela, wasewasilisa lapho.

³Basebesiza kuye abaFarisi bemlinga, bathi kuye: Kuvunyelwe yini endodeni ukuthi yale umkayo ngaso sonke isizatho?

⁴Wasephendula wathi kubo: Kalifundanga yini ukuthi owa ba dabula ekuqaleni wabenza owesilisa lowesifazana?

⁵Wasesithi: Ngenxa yalokhu indoda izatshiya uyise lonina, inamathele kumkayo; labo ababili bazakuba nyamanye.

⁶Ngakho kabasebabili, kodwa sebe nyamanye. Ngakho lokho uNkulunkulu akuhlanganisileyo kakungabi lamuntu okwehlukanisayo.

⁷Bathi kuye: Pho uMozisi walayelani ukunika incwadi yesehlukaniso, lokumala?

⁸Wathi kubo: Ngenxa yobulukhuni benhliziyo zenu uMozisi walivumela ukwala omkenu; kodwa kusukela ekuqaleni kwakungenjalo.

⁹Kodwa ngithi kini: Loba ngubani owala umkakhe, ngaphandle kokufeba, abesethatha omunye, uyafeba; futhi othatha owaliweyo uyafeba.

¹⁰Abafundi bathi kuye: Uba udaba lomuntu lomfazi lunjalo, akusizi ukuthatha.

¹¹Kodwa wathi kubo: Kakusibo bonke abangalemukela lelilizwi, ngaphandle kwabakunikiweyo.

¹²Ngoba kukhona abathenwa, abazalwa benjalo kusukela esiswini sikanina; njalo kukhona abathenwa, abathenwa ngabantu; kukhona futhi abathenwa, abazithenileyo ngenxa yombuso wamazulu. Lowo ongakwemukela lokho ka kwa mukele.

¹³Khona kwalethwa kuye abantwana abancane, ukuze abeke izandla zakhe phezu kwabo, akhuleke; kodwa abafundi babakhuza.

¹⁴Kodwa uJesu wathi: Vumelani abantwana abancane, lingabenqabeli ukuza kimi; ngoba umbuso wamazulu ungowabanje.

¹⁵Wasebeka izandla phezu kwabo, wasuka lapho.

¹⁶Njalo khangela, kwasondela omunye wathi kuye: Mfundisi olungileyo, ngizakwenzani okulungileyo, ukuze ngibe lempilo elaphakade?

¹⁷Wasesithi kuye: Ungibizelani ngokuthi olungileyo? Kakho olungileyo, ngaphandle koyedwa, uNkulunkulu. Kodwa uba uthanda ukungena ekuphileni, gcina imilayo.

¹⁸Wathi kuye: Yiyiphi? UJesu wasesithi: Ungabulali; ungafebi; ungebi; ungafakazi amanga;

¹⁹hlonipha uyihlo lonyoko; njalo, wothanda umakhelwane wakho njengalokhu uzi thanda wena.

²⁰Ijaha lathi kuye: Konke lokhu ngikugcinile kusukela ebutsheni bami; ngisaswelani?

²¹UJesu wathi kulo: Uba uthanda ukuphelela, hamba uthengise impahla zakho uphe abayanga, njalo uzakuba lempahla eligugu ezulwini; njalo uze lapha, ungilandele.

²²Kodwa selizwile lelilizwi ijaha lasuka lidanile; ngoba lalilempahla ezinengi.

²³UJesu wasesithi kubafundi bakhe: Ngiqinisile ngithi kini: Onothileyo uzangena ngokulukhuni embusweni kaNkulunkulu.

²⁴Njalo futhi ngithi kini: Kulula ukuthi ikamela lingene ngentunja yenalithi, kulokuthi onothileyo angene embusweni wezulu.

²⁵Sebezwile abafundi bakhe bamangala kakhulu, bathi: Pho kungasindiswa bani?

²⁶Kodwa uJesu wa ba khangela wathi kibo: Kubantu kakulakwenzeka, kodwa kuNkulunkulu zonke izinto zingenzeka.

²⁷Khona uPetro waphendula wathi kuye: Khangela, thina sitshiye konke sakulandela; pho sizazuzani?

²⁸UJesu wasesithi kubo: Ngiqinisile ngithi kini: Lina elingilandeleyo, ekuvuselelweni lapho iNdodana yomuntu isihlezi esihlalweni sobukhosi senkazimulo yayo, lani lizahlala ezihlalweni zobukhosi ezilitshumi lambili lahlulele izizwe ezilitshumi lambili zakoIsrayeli.

²⁹Laye wonke otshiye izindlu, kumbe abafowabo, kumbe odadewabo, kumbe uyise, kumbe unina, kumbe umkakhe, kumbe abantwana, kumbe amasimu, ngenxa yebizo lami, uzakwemukela ngekhulu, adle ilifa lempilo elaphakade.

³⁰Kodwa abanengi abokuqala bazakuba ngabokucina, labokucina ngabokuqala.