Read Ndebele-IBhayibhili Elingcwele 2006 Umatewu 21 Bible Online

Umatewu 21 - Ndebele-IBhayibhili Elingcwele 2006 bible

Umatewu 21

¹Kwathi-ke sebesondele eJerusalema, sebefikile eBetfage entabeni yeMihlwathi, khona uJesu wathuma abafundi ababili,

²wathi kubo: Hambani liye emzaneni okhangelene lani, lizahle libone ubabhemi ekhulekiwe, lethole lilaye; li ba khulule, li ba lethe kimi.

³Futhi uba umuntu ekhuluma ulutho kini, lizakuthi: INkosi iyabaswela; njalo uzahle abathumele.

⁴Njalo konke lokhu kwenzeka, ukuze kugcwaliseke okwakhulunywa ngumprofethi, ukuthi:

⁵Tshelani indodakazi yeSiyoni ukuthi: Khangela, iNkosi yakho iyeza kuwe, imnene igade ubabhemi, lethole inkonyana yenyamazana yokuthwala.

⁶Abafundi bahamba-ke, benza njengalokhu uJesu wayebalayile,

⁷baletha ubabhemi lethole, babeka izembatho zabo phezu kwabo, ba m hlalisa phezu kwazo.

⁸Lenengi lexuku lendlala ezalo izembatho endleleni; labanye bagamula ingatsha zezihlahla, ba z endlala endleleni.

⁹Lamaxuku ayehamba phambili lababelandela bamemeza, besithi: Hosana* kuyo iNdodana kaDavida ! Ubusisiwe ozayo ebizweni leNkosi. Hosana kweliphezulu !

¹⁰Esengenile eJerusalema umuzi wonke wanyakazela usithi: Ngubani lo?

¹¹Amaxuku asesithi: Lo nguJesu umprofethi, oweNazaretha yeGalili.

¹²UJesu wasengena ethempelini likaNkulunkulu, wabaxotsha bonke ababethengisa lababethenga ethempelini, wasegenqula amatafula ababentshintshelana imali, lezihlalo zalabo ababethengisa amajuba.

¹³Wasesithi kubo: Kulotshiwe ukuthi: Indlu yami izabizwa ngokuthi yindlu yomkhuleko; kodwa lina liyenze ubhalu lwabaphangi.

¹⁴Kwasekufika kuye iziphofu leziqhuli ethempelini; wasezisilisa.

¹⁵Kodwa abapristi abakhulu lababhali sebebonile izimangaliso azenzayo, labantwana bememeza ethempelini, besithi: Hosana eNdodaneni kaDavida ! bathukuthela,

¹⁶basebesithi kuye: Uyakuzwa lokhu yini abakutshoyo laba? UJesu wasesithi kubo: Yebo; alikaze lifunde yini ukuthi: Emlonyeni wezingane lowabamunyayo uphelelise indumiso?

¹⁷Wasebatshiya waphuma phandle komuzi esiya eBethani, walala khona.

¹⁸Kwathi ebuyela emzini ekuseni, walamba;

¹⁹kwathi ebona umkhiwa othile endleleni, wasondela kuwo, kodwa katholanga lutho kuwo ngaphandle kwamahlamvu wodwa; wathi kuwo: Kakungabe kusavela isithelo kuwe lanini. Njalo umkhiwa wahle wabuna.

²⁰Kwathi bebona lokhu abafundi bakhe bamangala, besithi: Umkhiwa uhle wabuna njani?

²¹UJesu wasephendula wathi kubo: Ngiqinisile ngithi kini: Uba lilokholo, lingathandabuzi, kaliyikwenza lokhu okomkhiwa kuphela, kodwa loba lisithi lakulintaba: Qutshunwa uphoselwe olwandle, kuzakwenzeka.

²²Njalo konke loba kuyini elikucelayo emkhulekweni, likholwa, lizakwemukela.

²³Kwathi esengenile ethempelini, abapristi abakhulu labadala besizwe basondela kuye esafundisa, bathi: Izinto lezi uzenza ngaliphi igunya? Njalo ngubani okunike leligunya?

²⁴UJesu wasephendula wathi kubo: Lami ngizalibuza umbuzo ube munye; uba lingitshela lokhu, lami ngizalitshela ukuthi ngenza lezizinto ngaliphi igunya:

²⁵Ubhabhathizo lukaJohane lwavela ngaphi? Ezulwini kumbe ebantwini? Basebezindlisana, besithi: Uba sisithi: Ezulwini, uzakuthi kithi: Pho kalikholwanga kuye ngani?

²⁶Kodwa uba sisithi: Ebantwini, siyesaba ixuku; ngoba bonke bamphatha uJohane njengomprofethi.

²⁷Basebemphendula uJesu bathi: Kasazi. Wasesithi kubo: Lami kangilitsheli ukuthi ngenza lezizinto ngaliphi igunya.

²⁸Kanti licabangani? Umuntu wayelamadodana amabili; waya kweyokuqala wathi: Mntana mi, hamba, uyesebenza lamuhla esivinini sami.

²⁹Kodwa yaphendula yathi: Angifuni. Kodwa emva kwalokho yaphenduka, yahamba.

³⁰Wasesiya kweyesibili watsho ngokunjalo. Yona-ke yaphendula yathi: Ngiya hamba, nkosi. Kodwa kayiyanga.

³¹Yiyiphi kulawo amabili eyenza intando kayise? Bathi kuye: Eyokuqala. UJesu wathi kubo: Ngiqinisile ngithi kini: Abathelisi lezifebe bayangena embusweni kaNkulunkulu phambi kwenu.

³²Ngoba uJohane wafika kini ngendlela yokulunga, kalikholwanga kuye; kodwa abathelisi lezifebe bakholwa kuye; kodwa lina seli ku bonile kaliphendukanga emva kwalokho ukuthi likholwe kuye.

³³Zwanini omunye umfanekiso. Kwakukhona umuntu othile ongumninimuzi, owahlanyela isivini, wasibiyela ngothango, wagebha isikhamelo kuso, wakha umphotshongo, wasiqatshisa kubalimi, waya kwelinye ilizwe.

³⁴Kwathi sekusondele isikhathi sezithelo, wathuma inceku zakhe kubalimi, ukuze zemukele izithelo zakhe.

³⁵Abalimi basebezibamba inceku zakhe, enye bayitshaya, lenye bayibulala, lenye bayikhanda ngamatshe.

³⁶Wabuya wathuma ezinye inceku ezinengi kulezokuqala; basebesenza njalo kulezo.

³⁷Ekucineni wasethuma indodana yakhe kubo, esithi: Bazayihlonipha indodana yami.

³⁸Kodwa abalimi sebeyibonile indodana bakhulumisana besithi: Le yindlalifa; wozani, siyibulale, njalo sibambe ilifa layo.

³⁹Basebeyibamba ba yi phosela ngaphandle kwesivini, ba yi bulala.

⁴⁰Ngakho mhla kufika umninisivini, uzabenzani abalimi labo?

⁴¹Bathi kuye: Uzababhubhisa kakubi labo ababi, njalo uzaqatshisa isivini kwabanye abalimi, abazamnika izithelo ngezikhathi zazo.

⁴²UJesu wathi kubo: Alikaze lifunde yini emibhalweni ukuthi: Ilitshe abakhi abalalayo, yilo eseliyinhloko yengonsi; lokhu yikwenza kweNkosi; njalo kuyamangalisa emehlweni ethu?

⁴³Ngakho ngithi kini: Lizakwemukwa umbuso kaNkulunkulu, unikwe isizwe esithela izithelo zawo.

⁴⁴Lalowo owela phezu kwalelilitshe uzaphahlazwa; kodwa loba ngubani eliwela phezu kwakhe lizamchoboza.

⁴⁵Kwathi abapristi abakhulu labaFarisi sebezwile imifanekiso yakhe bazi ukuthi ubekhuluma ngabo.

⁴⁶Kwathi sebedinga ukumbamba besaba amaxuku, ngoba ayemphatha njengomprofethi.