Read Ndebele-IBhayibhili Elingcwele 2006 Umatewu 23 Bible Online

Umatewu 23 - Ndebele-IBhayibhili Elingcwele 2006 bible

Umatewu 23

¹Khona uJesu wakhuluma emaxukwini lakubafundi bakhe,

²esithi: Ababhali labaFarisi bahlezi esihlalweni sikaMozisi;

³ngakho konke lokhu abalitshela khona ukuthi likugcine, ku gcineni li kw enze; kodwa lingenzi njengokwemisebenzi yabo, ngoba bayakhuluma bangenzi.

⁴Ngoba bayabopha imithwalo enzima njalo elukhuni ukuthwalwa, ba yi beke emahlombe abantu, kodwa kabafuni ukuyisusa ngomunwe wabo.

⁵Njalo imisebenzi yabo yonke bayenza ukuze babonwe ngabantu; ngoba benza amafilakteriyu* abo abe banzi, njalo bakhulisa intshaka zezembatho zabo;

⁶bathanda izihlalo zabahloniphekayo ekudleni kwantambama, lezihlalo eziqakathekileyo emasinagogeni,

⁷lokubingelelwa emidangeni, lokubizwa ngabantu ngokuthi: Rabi*, Rabi.

⁸Kodwa lina kalingabizwa ngokuthi Rabi; ngoba munye ongumfundisi wenu, uKristu; njalo lina lonke lingabazalwane.

⁹Futhi lingabizi muntu emhlabeni ngokuthi nguyihlo; ngoba munye onguYihlo, osemazulwini;

¹⁰kalingabizwa ngokuthi ling abafundisi; ngoba munye ongumfundisi wenu, uKristu.

¹¹Kodwa omkhulu kini uzakuba yinceku yenu.

¹²Lalowo oziphakamisayo, uzathotshiswa; lalowo ozithobayo, uzaphakanyiswa.

¹³Kodwa maye kini, babhali labaFarisi, bazenzisi, ngoba livalela abantu umbuso wamazulu; ngoba kalingeni lina, labangenayo kalibavumeli ukuthi bangene.

¹⁴Maye kini, babhali labaFarisi, bazenzisi, ngoba lidla izindlu zabafelokazi, langokuzenzisa lenza imikhuleko emide; ngakho lizakwemukela ukulahlwa okukhulu.

¹⁵Maye kini, babhali labaFarisi, bazenzisi, ngoba libhoda ulwandle lomhlaba ukuthi lenze abe munye ophendukela kumaJuda, kuthi nxa esenziwe njalo, limenze umntwana wesihogo ngokuphindiweyo kulani.

¹⁶Maye kini, bakhokheli abayiziphofu, abathi: Loba ngubani ofunga ngethempeli, akulutho; kodwa loba ngubani ofunga ngegolide lethempeli, ulomlandu.

¹⁷Zithutha leziphofu ! Ngoba yikuphi okukhulu, igolide, kumbe ithempeli elenza igolide libe ngcwele?

¹⁸Njalo: Loba ngubani ofunga ngelathi, akulutho; kodwa loba ngubani ofunga ngomnikelo ophezu kwalo, ulomlandu.

¹⁹Zithutha leziphofu! Ngoba yikuphi okukhulu, umnikelo, kumbe ilathi elenza umnikelo ube ngcwele?

²⁰Ngakho ofunga ngelathi ufunga ngalo langakho konke okuphezu kwalo;

²¹lofunga ngethempeli ufunga ngalo langaye ohlala kulo;

²²lofunga ngezulu ufunga ngesihlalo sobukhosi sikaNkulunkulu langaye ohlala phezu kwaso.

²³Maye kini, babhali labaFarisi, bazenzisi, ngoba lithela ingxenye yetshumi yetswayi leganga ledile* lokumini*; liyekele okunzima komlayo, ukwahlulela lesihawu lokholo; belifanele ukwenza lezizinto, lingaziyekeli lalezo.

²⁴Bakhokheli abayiziphofu, likhetha umiyane, kodwa liginye ikamela.

²⁵Maye kini, babhali labaFarisi, bazenzisi, ngoba lihlambulula ingaphandle yenkezo leyomganu, kodwa ngaphakathi kugcwele ukuphanga lobuhwaba.

²⁶MFarisi oyisiphofu! Hlambulula kuqala ingaphakathi yenkezo leyomganu, ukuze kuhlambuluke lengaphandle yakho.

²⁷Maye kini, babhali labaFarisi, bazenzisi, ngoba lifanana lamangcwaba aconjwe aba mhlophe, abonakala emahle ngaphandle, kanti ngaphakathi agcwele amathambo abafileyo lokungcola konke.

²⁸Kunjalo lani ngaphandle libonakala ebantwini lilungile, kanti ngaphakathi ligcwele ukuzenzisa lobubi.

²⁹Maye kini, babhali labaFarisi, bazenzisi, ngoba lakha amangcwaba abaprofethi, licecise amangcwaba abalungileyo,

³⁰lithi: Uba besikhona ensukwini zabobaba bethu, besingayikuhlanganyela labo egazini labaprofethi.

³¹Kunjalo liyazifakazela lina ukuthi lingamadodana alabo ababulala abaprofethi;

³²lina-ke gcwalisani isilinganiso saboyihlo !

³³Zinyoka, nzalo yamabululu, lizaphepha njani ukulahlwa kwesihogo?

³⁴Ngakho, khangelani, mina ngithuma kini abaprofethi labahlakaniphileyo lababhali; l abanye babo lizababulala libabethele; l abanye lizabatshaya ngesiswepu emasinagogeni enu libazingele imizi ngemizi;

³⁵ukuze kwehlele phezu kwenu igazi lonke elilungileyo elachithwa emhlabeni, kusukela egazini likaAbela olungileyo, kuze kufike egazini likaZakariya indodana kaBarakiya, elambulala phakathi kwethempeli lelathi.

³⁶Ngiqinisile ngithi kini: Zonke lezizinto zizakwehlela phezu kwalesisizukulwana.

³⁷Jerusalema, Jerusalema, wena obulala abaprofethi njalo obakhanda ngamatshe labo abathunywe kuwe ! Bengithanda kangakanani ukubuthela ndawonye abantwana bakho, njengesikhukhukazi sibuthela amatsiyane aso ngaphansi kwempiko, kodwa kalivumanga.

³⁸Khangelani, indlu yenu isele kini ilunxiwa.

³⁹Ngoba ngithi kini: Kalisoze langibona kusukela khathesi, lize lithi: Ubusisiwe ozayo ebizweni leNkosi.