Read Ndebele-IBhayibhili Elingcwele 2006 Umatewu 28 Bible Online

Umatewu 28 - Ndebele-IBhayibhili Elingcwele 2006 bible

Umatewu 28

¹Kwathi ekupheleni kwesabatha, emadabukakusa kusiya o sukw ini lokuqala lweviki, kwafika uMariya Magadalena, lomunye uMariya, ukuzabona ingcwaba.

²Futhi khangela, kwaba khona ukuzamazama komhlaba okukhulu; ngoba ingilosi yeNkosi yehla ivela ezulwini, yasondela yagiqa ilitshe yalisusa emnyango, yahlala phezu kwalo.

³Lokubonakala kwayo kwakunjengombane, lesembatho sayo sasimhlophe njengeliqhwa*.

⁴Abalindi basebethuthumela ngokuyesaba, baba njengabafileyo.

⁵Kodwa ingilosi yaphendula yathi kwabesifazana: Lingesabi lina; ngoba ngiyazi ukuthi lidinga uJesu obebethelwe;

⁶kakho lapha; ngoba uvukile, njengokutsho kwakhe; wozani libone indawo lapho iNkosi ebilele khona.

⁷Hambani masinyane litshele abafundi bakhe ukuthi uvukile kwabafileyo; njalo khangelani, uzalandulela ukuya eGalili; lizambona khona; khangelani, sengilitshelile.

⁸Basebephuma engcwabeni ngokuphangisa belokwesaba lentokozo enkulu, bagijima baya ukubikela abafundi bakhe.

⁹Kwathi besiyatshela abafundi bakhe, futhi khangela, uJesu wabahlangabeza, wathi: Mpilo enhle ! Basebesondela babamba inyawo zakhe, bamkhonza.

¹⁰UJesu wasesithi kubo: Lingesabi; hambani, libikele abafowethu ukuthi baye eGalili, njalo bazangibona khona.

¹¹Kwathi sebehamba, khangela, abanye kubalindi baya emzini babikela abapristi abakhulu konke okwenzakeleyo.

¹²Sebebuthene labadala, benza icebo, banika abebutho imali enengi,

¹³besithi: Kalibokuthi: Abafundi bakhe beze ebusuku bameba silele thina.

¹⁴Futhi uba lokhu kuzwakala kumbusi, thina sizamncenga, silenze lingabi senkathazweni.

¹⁵Basebethatha imali benza njengalokhu ababekufundisiwe. Lalelilizwi landa phakathi kwamaJuda kuze kube lamuhla.

¹⁶Kwathi abafundi abalitshumi lanye baya eGalili, entabeni uJesu ayebalayele yona;

¹⁷sebembonile bamkhonza; kodwa abanye bathandabuza.

¹⁸UJesu wasesondela wakhuluma labo, esithi: Wonke amandla aphiwe mina ezulwini lemhlabeni;

¹⁹ngakho hambani lenze izizwe zonke zibe ngabafundi, libabhabhathize ebizweni likaYise leleNdodana lelikaMoya oNgcwele;

²⁰libafundise ukugcina konke engililaye khona; futhi khangelani, mina ngilani insuku zonke kuze kube sekupheleni kwesikhathi. Ameni.