Read Ndebele-IBhayibhili Elingcwele 2006 Umarkosi 13 Bible Online

Umarkosi 13 - Ndebele-IBhayibhili Elingcwele 2006 bible

Umarkosi 13

¹Kwathi ephuma ethempelini, omunye wabafundi bakhe wathi kuye: Mfundisi, khangela, amatshe anjani lezakhiwo ezinjani!

²UJesu wasephendula wathi kuye: Uyabona lezizakhiwo ezinkulu yini? Akusoze kutshiywe ilitshe phezu kwelitshe, elingasoze lidilizelwe phansi.

³Esehlezi entabeni yeMihlwathi maqondana lethempeli, uPetro loJakobe loJohane loAndreya bambuza bebodwa,

⁴bathi: Sitshele, lezizinto zizakuba nini? Lesibonakaliso siyini lapho sezizapheleliswa lezizinto zonke?

⁵UJesu ebaphendula waseqala ukuthi: Qaphelani kungabi khona oliduhisayo.

⁶Ngoba abanengi bazakuza ngebizo lami, besithi: Mina ngingu ye; futhi baduhise abanengi.

⁷Kodwa nxa lisizwa ngezimpi lamahungahunga ezimpi, lingethuki; ngoba kufanele kwenzeke; kodwa ukuphela kakukabi khona.

⁸Ngoba isizwe sizavukela isizwe, lombuso u vuk ele umbuso; njalo kuzakuba khona ukuzamazama komhlaba indawo ngendawo, njalo kuzakuba khona indlala lezinhlupheko; lezizinto ziyikuqala kwemihelo.

⁹Kodwa ziqapheleni lina; ngoba bazalinikela emiphakathini, lemasinagogeni lizatshaywa, lizalethwa laphambi kwababusi lamakhosi ngenxa yami, kube yibufakazi obumelene labo.

¹⁰Kodwa ivangeli limele ukutshunyayelwa kuqala kuzo zonke izizwe.

¹¹Kodwa nxa be li donsa belinikela, lingakhathaleli ngaphambili elizakukhuluma, linganakani; kodwa loba yini elizayinikwa ngalelohola, ikhulumeni; ngoba kakusini elikhulumayo, kodwa uMoya oyiNgcwele.

¹²Futhi umfowabo uzanikela umfowabo ekufeni, loyise umntwana; labantwana bazavukela abazali, besebebabulala;

¹³njalo lizazondwa yibo bonke ngenxa yebizo lami; kodwa ophikelelayo kuze kube sekupheleni, nguye ozasindiswa.

¹⁴Kodwa nxa libona amanyala encithakalo, akhulunywa nguDaniyeli umprofethi, emi lapho angafanele khona (ofundayo kaqedisise), khona labo abaseJudiya kababalekele ezintabeni;

¹⁵lophezu kophahla lwendlu angehleli endlini, angangeni ukuthatha ulutho endlini yakhe;

¹⁶losemasimini angabuyeli emuva, ukuyathatha isembatho sakhe.

¹⁷Kodwa maye kwabakhulelweyo labamunyisayo ngalezonsuku!

¹⁸Kodwa khulekani ukuthi ukubaleka kwenu kungabi sebusika.

¹⁹Ngoba nga lezonsuku kuzakuba khona ukuhlupheka, okungazanga kube khona kusukela ekuqaleni kokudaliweyo uNkulunkulu akudalayo kuze kube khathesi, lokungasoze kwaba khona.

²⁰Njalo uba iNkosi ibingazifinyezanga lezonsuku, bekungesindiswe nyama; kodwa ngenxa yabakhethiweyo, ebakhethileyo, izifinyezile insuku.

²¹Langalesosikhathi nxa umuntu esithi kini: Khangelani, nangu uKristu; kumbe: Khangelani, ulaphayana; lingakholwa;

²²ngoba kuzavuka okristu bamanga labaprofethi bamanga, besebesenza izibonakaliso lezimangaliso, ukuduhisa, nxa kungenzeka, labakhethiweyo.

²³Kodwa qaphelani lina; khangelani, se ngilitshelile konke ngaphambili.

²⁴Kodwa ngalezonsuku, emva kwalokhokuhlupheka, ilanga lizafiphazwa, lenyanga kayiyikupha ukukhanya kwayo,

²⁵lenkanyezi zezulu zizabe zisiwa, lamandla asemazulwini azazanyazanyiswa.

²⁶Khona-ke bezabona iNdodana yomuntu isiza emayezini ilamandla amakhulu lenkazimulo,

²⁷khona-ke izathuma ingilosi zayo, ibisiqoqa abakhethiweyo bayo emimoyeni yomine, kusukela emkhawulweni womhlaba kuze kube semkhawulweni wezulu.

²⁸Fundani-ke umfanekiso emkhiweni; nxa ugatsha lwawo selusiba buthakathaka luhlume amahlamvu, liyazi ukuthi ihlobo seliseduze;

²⁹ngokunjalo lani, nxa libona lezizinto zisenzeka, yazini ukuthi kuseduze kuseminyango.

³⁰Ngiqinisile ngithi kini: Lesisizukulwana asisoze sidlule, zize zenzeke izinto zonke lezi.

³¹Kuzadlula izulu lomhlaba; kodwa amazwi ami awasoze adlule.

³²Kodwa lolosuku lalelohola kakho owaziyo ngakho, ngitsho lengilosi ezisezulwini, ngitsho leNdodana, ngaphandle kukaBaba.

³³Qaphelani, lilinde likhuleke; ngoba kalazi ukuthi isikhathi sinini.

³⁴Njengomuntu owasuka elizweni lakibo watshiya indlu yakhe, wanika inceku zakhe amandla, kuleyo laleyo umsebenzi wayo, walaya umlindisango ukuthi alinde.

³⁵Ngakho lindani; ngoba kalazi ukuthi inkosi yendlu izafika nini, kusihlwa, loba phakathi kobusuku, loba ekukhaleni kweqhude, loba emadabukakusa;

³⁶hlezi ifike ilijume, ilifice lilele.

³⁷Lalokhu engikutsho kini ngikutsho kubo bonke: Lindani.