Read Ndebele-IBhayibhili Elingcwele 2006 Ulukasi 14 Bible Online

Ulukasi 14 - Ndebele-IBhayibhili Elingcwele 2006 bible

Ulukasi 14

¹Kwasekusithi ekungeneni kwakhe ngesabatha endlini yomunye wabakhulu kubaFarisi ukuthi adle isinkwa, bona basebemqaphela.

²Njalo khangela, kwakukhona umuntu othile phambi kwakhe owayelombizankulu.

³UJesu wasephendula wakhuluma lezazumthetho labaFarisi, wathi: Kuvunyelwe yini ukusilisa ngesabatha?

⁴Kodwa bathula. Wase m bamba wamsilisa wa m yekela ukuthi ahambe.

⁵Wasebaphendula esithi: Nguwuphi kini ongathi elobabhemi kumbe inkabi yakhe ewele emgodini, futhi angahle ayikhuphe ngosuku lwesabatha?

⁶Abasazange babuyisele impendulo kuye ngalezizinto.

⁷Wasekhuluma umfanekiso kubo abanxusiweyo, ebona ukuthi bakhetha njani izihlalo zabahloniphekayo, wathi kubo:

⁸Nxa unxusiwe ngumuntu emtshadweni, ungahlali esihlalweni sabahloniphekayo; hlezi kukhona omkhulu kulawe onxusiweyo nguye,

⁹futhi okunxusileyo wena laye eze athi kuwe: Mxekele lo; khona uzaqala ukuhlala endaweni esekucineni usulenhloni.

¹⁰Kodwa nxa unxusiwe, hamba uhlale endaweni esekucineni; ukuze, nxa efika okunxusileyo, athi kuwe: Mngane, yenyukela ngaphezulu; khona kuzakuba ludumo kuwe phambi kwabo abahlezi ekudleni lawe.

¹¹Ngoba wonke oziphakamisayo uzathotshiswa, lozithobayo uzaphakanyiswa.

¹²Wasesithi lakulowo owayemnxusile: Nxa usenza ukudla kwemini loba ukudla kwantambama, unganxusi abangane bakho, loba abafowenu, loba izihlobo zakho, loba omakhelwane abanothileyo; hlezi labo babuye bakunxuse, futhi ukwenananiswa kwenziwe kuwe.

¹³Kodwa nxa usenza idili, nxusa abayanga, izilima, iziqhuli, iziphofu;

¹⁴njalo uzabusiswa, ngoba abalalutho lokukwenanisa; ngoba uzakwenaniselwa ekuvukeni kwabalungileyo.

¹⁵Kwathi omunye kwababehlezi laye ekudleni esezwile lezizinto wathi kuye: Ubusisiwe lowo ozakudla isinkwa embusweni kaNkulunkulu.

¹⁶Kodwa wathi kuye: Umuntu othile wenza ukudla kwantambama okukhulu, wanxusa abanengi.

¹⁷Ngesikhathi sokudla kwantambama wasethuma inceku yakhe ukuthi ithi kwabanxusiweyo: Wozani, ngoba sekulungisiwe konke.

¹⁸Kodwa bonke baqala omunye lomunye ukuzixolisela. Owokuqala wathi kuye: Ngithenge insimu, ngimele ukuhamba ngiyeyibona; ngiyakuncenga, akungixolisele.

¹⁹Lomunye wathi: Sengithenge izipane ezinhlanu zenkabi, ngiya ukuzilinga; ngiyakuncenga, akungixolisele.

²⁰Lomunye wathi: Sengithethe umfazi, ngakho ngingeze ngeza.

²¹Isibuyile leyonceku yayibikela lezizinto inkosi yayo. Wasethukuthela umninindlu wathi encekwini yakhe: Phuma ngokuphangisa uye emigwaqweni lendleleni zomuzi, ulethe abayanga lezilima leziqhuli leziphofu ubangenise lapha.

²²Inceku yasisithi: Nkosi, sekwenziwe njengokulaya kwakho, njalo indawo isesekhona.

²³Yasisithi inkosi encekwini: Phuma uye ezindleleni lezintangweni u ba cindezele ba ngene, ukuze igcwaliswe indlu yami.

²⁴Ngoba ngithi kini: Kakho kulamadoda ayenxusiwe ozakuzwa ukudla kwami kwantambama.

²⁵Kwakuhamba laye amaxuku amanengi; wasetshibilika wathi kuwo:

²⁶Uba umuntu esiza kimi, futhi engazondi uyise, lonina, lomkakhe, labantwana, labafowabo, labodadewabo, yebo ngitsho leyakhe impilo, angebe ngumfundi wami.

²⁷Njalo loba ngubani ongathwali isiphambano sakhe angilandele, angebe ngumfundi wami.

²⁸Ngoba nguwuphi kini, othi efuna ukwakha umphotshongo, ongaqali ahlale phansi, abale indleko, ukuthi ulakho yini okokuqedisa?

²⁹Ukuze hlezi, kuthi esebekile isisekelo kodwa angabi lamandla okuqeda, bonke abakubonayo baqale ukumhleka,

³⁰besithi: Lumuntu waqala ukwakha, kodwa kabanga lamandla okuqeda.

³¹Loba yiyiphi inkosi ezakuya empini imelene lenye inkosi engaqali ihlale phansi inakane ngokuthi ilamandla yini ngenkulungwane ezilitshumi okuhlangabezana laleyo eza ilenkulungwane ezingamatshumi amabili ukumelana layo?

³²Kodwa uba kunge njalo, ingathi isekhatshana leyo, ithume amanxusa icele okokuthula.

³³Ngakho kunjalo wonke kini ongadeli konke alakho, angeke aba ngumfundi wami.

³⁴Itswayi lihle; kodwa uba itswayi seliduma, lizavuselelwa ngani?

³⁵Kalifanele lamhlabathi ledundulu lomquba; kodwa liyalahlwa ngaphandle. Olendlebe zokuzwa, akezwe.