Read Ndebele-IBhayibhili Elingcwele 2006 Ulukasi 18 Bible Online

Ulukasi 18 - Ndebele-IBhayibhili Elingcwele 2006 bible

Ulukasi 18

¹Wasebatshela lomfanekiso esenzela ukuthi bafanele ukukhuleka isikhathi sonke, njalo bengadinwa,

²wathi: Kwakukhona emzini othile umahluleli othile, owayengesabi uNkulunkulu, njalo engahloniphi muntu;

³kwakukhona futhi kulowomuzi umfelokazi othile, njalo wayefika kuye, esithi: Ngiphindiselele esitheni sami.

⁴Kodwa kavumanga okwesikhathi; kodwa emva kwalezizinto wathi ngaphakathi kwakhe: Lanxa ngingamesabi uNkulunkulu, ngingahloniphi muntu,

⁵kodwa ngoba lumfelokazi engikhathaza, ngizamphindiselela, hlezi angaze ekucineni angidinise.

⁶INkosi yasisithi: Zwanini umahluleli ongalunganga akutshoyo.

⁷Kanti uNkulunkulu kayikwenza impindiselo yabakhethiweyo bakhe abakhalayo kuye emini lebusuku, lanxa ebekezela ngabo?

⁸Ngithi kini, uzahle enze impindiselo yabo. Kodwa-ke nxa iNdodana yomuntu ifika, izathola ukholo yini emhlabeni?

⁹Wasekhuluma lumfanekiso lakwabathile ababezithemba ukuthi balungile, futhi bedelela abanye, wathi:

¹⁰Abantu ababili benyukela ethempelini ukuyakhuleka; omunye engumFarisi, lomunye engumthelisi.

¹¹UmFarisi wema wazikhulekela kanje wathi: Nkulunkulu, ngiyakubonga ukuthi kanginjengabanye abantu, abaphangi, abangalunganga, izifebe, loba lanjengalumthelisi.

¹²Ngizila ukudla kabili ngeviki, nginikela ingxenye yetshumi yakho konke engilakho.

¹³Kodwa umthelisi emi khatshana wayengathandi lokuphakamisela amehlo ezulwini, kodwa watshaya isifuba sakhe, esithi: Nkulunkulu, ngihawukele mina soni.

¹⁴Ngithi kini: Lo wehlela endlini yakhe elungisisiwe kulalowayana; ngoba wonke oziphakamisayo uzathotshiswa, kodwa ozithobayo uzaphakanyiswa.

¹⁵Basebeletha kuye lensane, ukuze azibambe; kodwa abafundi be ku bona babakhuza.

¹⁶Kodwa uJesu wazibizela kuye wathi: Vumelani abantwana abancane beze kimi, lingabenqabeli, ngoba umbuso kaNkulunkulu ungowabanje.

¹⁷Ngiqinisile ngithi kini: Loba ngubani ongemukeli umbuso kaNkulunkulu njengomntwana omncane, kasoze angene kuwo.

¹⁸Umbusi othile wasembuza, esithi: Mfundisi olungileyo, ngenzeni ukuze ngidle ilifa lempilo elaphakade?

¹⁹Kodwa uJesu wathi kuye: Ungibizelani ngokuthi olungileyo? Kakho olungileyo, ngaphandle koyedwa, uNkulunkulu.

²⁰Uyayazi imilayo ethi: Ungafebi, ungabulali, ungebi, ungafakazi amanga, hlonipha uyihlo lonyoko.

²¹Yena wasesithi: Konke lokhu ngikugcinile kusukela ebutsheni bami.

²²Kodwa uJesu esizwa lezizinto wathi kuye: Usaswele ulutho olulodwa; thengisa konke olakho, wabele abayanga, njalo uzakuba lempahla eligugu ezulwini; njalo uze lapha ungilandele.

²³Kodwa yena esizwa lezizinto wadana kakhulu; ngoba wayenothile kakhulu.

²⁴Kwathi uJesu ebona ukuthi usedane kakhulu wathi: Abalenotho bazangena ngokulukhuni kangakanani embusweni kaNkulunkulu.

²⁵Ngoba kulula ukuthi ikamela lingene ngentunja yenalithi, kulokuthi umuntu onothileyo angene embusweni kaNkulunkulu.

²⁶Aba ku zwayo basebesithi: Pho kungasindiswa bani?

²⁷Kodwa yena wathi: Izinto ezingenzekiyo ebantwini ziyenzeka kuNkulunkulu.

²⁸UPetro wasesithi: Khangela, thina sitshiye konke, sakulandela.

²⁹Wasesithi kubo: Ngiqinisile ngithi kini: Kakho umuntu otshiye indlu, kumbe abazali, kumbe abafowabo, kumbe umka khe, kumbe abantwana, ngenxa yombuso kaNkulunkulu,

³⁰ongayikwemukela okuphindwe kanengi kulesisikhathi, lesikhathini esizayo impilo elaphakade.

³¹Wasezithathela abalitshumi lambili, wathi kubo: Khangelani, senyukela eJerusalema, futhi konke okulotshiweyo ngabaprofethi ngeNdodana yomuntu kuzagcwaliseka.

³²Ngoba izanikelwa kwabezizwe, iyangiswe, ithukwe, ikhafulelwe ngamathe,

³³ba yi tshaye ngesiswepu bayibulale; njalo ngosuku lwesithathu izabuya ivuke.

³⁴Kodwa bona kabaqedisisanga lutho ngalezizinto, lalinkulumo yayifihlakele kubo, njalo kabaziqedisisanga izinto ezazitshiwo.

³⁵Kwasekusithi esesondela eJeriko, isiphofu esithile sasihlezi eceleni kwendlela siphanza;

³⁶sathi sisizwa ixuku lisedlula, sabuza ukuthi kuyini lokho.

³⁷Basebesitshela bathi: UJesu weNazaretha uyedlula.

³⁸Sasesimemeza, sisithi: Jesu, Ndodana kaDavida, ngihawukela!

³⁹Ababehamba phambili basebesikhuza ukuthi sithule; kodwa samemeza kakhulukazi, sisithi: Ndodana kaDavida, ngihawukele !

⁴⁰UJesu wema-ke walaya ukuthi silethwe kuye; sathi sesisondele wasibuza,

⁴¹esithi: Ufuna ukuthi ngikwenzeleni? Sasesisithi: Nkosi, ukuthi ngemukele ukubona.

⁴²UJesu wasesithi kuso: Yemukela ukubona! Ukholo lwakho lukusindisile.

⁴³Njalo sahle semukela ukubona, samlandela, sidumisa uNkulunkulu; labantu bonke be ku bona badumisa uNkulunkulu.