Read Ndebele-IBhayibhili Elingcwele 2006 Ulukasi 23 Bible Online

Ulukasi 23 - Ndebele-IBhayibhili Elingcwele 2006 bible

Ulukasi 23

¹Kwasekusukuma ixuku labo lonke, lamusa kuPilatu.

²Baqala ukummangalela, besithi: Simficile lo eduhisa isizwe, esalela ukuthela kuKesari, esithi nguye onguKristu iNkosi.

³UPilatu wasembuza, wathi: Wena uyiNkosi yamaJuda yini? Wasemphendula wathi: Uyatsho wena.

⁴Wasesithi uPilatu kubapristi abakhulu lemaxukwini: Kangitholi cala kulumuntu.

⁵Kodwa baqinisa, besithi: Udunga abantu, efundisa kuyo yonke iJudiya, eqala eGalili kuze kufike lapha.

⁶Lapho uPilatu esizwa kuthiwa iGalili wabuza ukuthi lumuntu ungumGalili yini.

⁷Kwathi esezwile ukuthi ungowombuso kaHerodi, wamthumela kuHerodi, owayekhona laye eJerusalema ngalezonsuku.

⁸Kwathi uHerodi embona uJesu wathokoza kakhulu; ngoba wayekade ethanda ukumbona, ngoba wayezwile okunengi ngaye; wayethemba ukuthi uzabona isibonakaliso esithile sisenziwa nguye.

⁹Wambuza ngamazwi amanengi; kodwa yena kamphendulanga lutho.

¹⁰Abapristi abakhulu lababhali babemi, bemmangalela ngamandla.

¹¹UHerodi lamabutho akhe bamyangisa, ba m klolodela, basebemgqokisa isembatho esikhazimulayo, bambuyisela kuPilatu.

¹²Ngalolosuku uHerodi kanye loPilatu baba ngabangane omunye komunye; ngoba ngaphambi kwalokhu babelobutha phakathi kwabo.

¹³UPilatu wasebizela ndawonye abapristi abakhulu lababusi labantu,

¹⁴wathi kubo: Limlethile kimi lumuntu, ngokungathi ungoduhisa abantu; njalo khangelani, mina ngimhlolile phambi kwenu, kodwa kangitholanga cala kulumuntu ngalezozinto elimmangalela ngazo;

¹⁵hatshi ngitsho loHerodi; ngoba ngilithumeze kuye, njalo khangelani, kakulalutho olufanele ukufa olwenziwe nguye.

¹⁶Ngakho ngizamtshaya ngi m khulule.

¹⁷Kwakufanele ukuthi abakhululele abe munye ngomkhosi.

¹⁸Bamemeza bonke kanyekanye besithi: Msuse lo, usikhululele uBarabasi

¹⁹(owayephoselwe entolongweni ngenxa yomvukela othile owenzeka phakathi komuzi langenxa yokubulala ).

²⁰Ngakho uPilatu wabuya wakhuluma labo, efuna ukumkhulula uJesu.

²¹Kodwa bamemeza, besithi: Bethela, mbethele!

²²Wasesithi kubo ngokwesithathu: Ngoba lo enze bubi bani? Kangitholanga kuye icala afanele ukufa ngalo; ngakho ngiza m tshaya ngimkhulule.

²³Kodwa baqinisa ngamazwi amakhulu, befuna ukuthi abethelwe; lamazwi abo lawabapristi abakhulu aphumelela.

²⁴UPilatu wasequma ukuthi kwenziwe isicelo sabo.

²⁵Wasebakhululela lowo ababemcelile owayephoselwe entolongweni ngenxa yomvukela lokubulala; kodwa uJesu wamnikela entandweni yabo.

²⁶Kwathi sebemqhuba, babamba uSimoni othile umKurene owayevela emaphandleni, bamethesa isiphambano, ukuthi asi thwale ngemva kukaJesu.

²⁷Laselimlandela ixuku elikhulu labantu, labesifazana labo ababekhala bemlilela.

²⁸Kodwa uJesu ephendukela kubo wathi: Madodakazi eJerusalema, lingangikhaleli mina, kodwa zikhaleleni lina labantwana benu,

²⁹ngoba khangelani, ziyeza insuku abazakutsho ngazo ukuthi: Zibusisiwe inyumba, lezizalo ezingazalanga, lamabele angamunyisanga.

³⁰Khona bezaqalisa ukuthi ezintabeni: Welani phezu kwethu; lemaqaqeni: Sisibekeleni.

³¹Ngoba uba besenza lezizinto esihlahleni esimanzi, kuzakwenzakalani kwesomileyo?

³²Kwaqhutshwa labanye abenzi bobubi ababili, ukuthi babulawe kanye laye.

³³Sebefikile endaweni ethiwa luKhakhayi, bambethela khona, labenzi bobubi, omunye ngakwesokunene, lomunye ngakwesokhohlo.

³⁴UJesu wasesithi: Baba, bathethelele; ngoba kabakwazi abakwenzayo. Njalo babelana izembatho zakhe, benza inkatho yokuphosa.

³⁵Labantu bema babukela. Lababusi kanye labo ba m klolodela, besithi: Wasindisa abanye, kazisindise yena, uba yena enguKristu, okhethiweyo kaNkulunkulu.

³⁶Labebutho bamklolodela, beza kuye bamnika iviniga,

³⁷besithi: Uba wena uyiNkosi yamaJuda, zisindise wena.

³⁸Kwakukhona lombhalo ngaphezu kwakhe kulotshiwe ngamabala esiGriki langesiRoma langesiHebheru othi: LO UYINKOSI YAMAJUDA.

³⁹Lomunye wabenzi bobubi ababelengisiwe wamthuka, esithi: Uba wena unguKristu, zisindise wena lathi.

⁴⁰Kodwa omunye waphendula emkhuza, esithi: Wena kawumesabi yini uNkulunkulu, lokhu lawe ukulokhukulahlwa?

⁴¹Thina kambe kusilungele, ngoba semukela okulingene ukwenza kwethu; kodwa lo kenzanga lutho olungafanelanga.

⁴²Wasesithi kuJesu: Ungikhumbule, Nkosi, lapha ufika embusweni wakho.

⁴³UJesu wasesithi kuye: Ngiqinisile ngithi kuwe: Lamuhla uzakuba lami eParadise.

⁴⁴Kwakungaba lihola lesithupha*, kwaba khona ubumnyama phezu komhlaba wonke kwaze kwaba lihola lesificamunwemunye*,

⁴⁵futhi ilanga lalifiphaziwe, leveyili lethempeli ladatshulwa phakathi.

⁴⁶UJesu wasememeza ngelizwi elikhulu esithi: Baba, ezandleni zakho ngibeka umoya wami; esetshilo lokhu waphefumula okokucina.

⁴⁷Kwathi induna yekhulu isibonile okwenzekileyo, yamdumisa uNkulunkulu, isithi: Isibili lumuntu ubelungile.

⁴⁸Lamaxuku wonke ayebuthene ukubukela lokho, sebebonile izinto ezenzekileyo, babuyela bezitshaya izifuba.

⁴⁹Bonke abazana laye, labesifazana ababemlandela bevela eGalili, bema khatshana, bebona lezizinto.

⁵⁰Njalo khangela, indoda ethiwa nguJosefa, ilunga lomphakathi, indoda elungileyo eqotho;

⁵¹yena wayengavumelananga lecebo lesenzo sabo; waye vela eArimathiya umuzi wamaJuda, laye ngokwakhe wayelindele umbuso kaNkulunkulu;

⁵²lowo wasuka waya kuPilatu wacela isidumbu sikaJesu.

⁵³Wasesethula wasigoqela ngelembu elicolekileyo, wasibeka engcwabeni elaligujwe edwaleni, lapho okwakungazanga kubekwe khona umuntu.

⁵⁴Kwakulusuku lwamalungiselelo, lesabatha laselisondela.

⁵⁵Labesifazana, ababeze laye bevela eGalili, balandela, balibona ingcwaba, lokuthi isidumbu sibekwe njani.

⁵⁶Basebebuyela emuva balungisa amakha lamagcobo. Ngesabatha basebephumula njengokomlayo.