Read Ndebele-IBhayibhili Elingcwele 2006 Uduteronomi 12 Bible Online

Uduteronomi 12 - Ndebele-IBhayibhili Elingcwele 2006 bible

Uduteronomi 12

¹Lezi yizimiso lezahlulelo elizagcina ukuzenza elizweni i Nkosi, uNkulunkulu waboyihlo, ekunika lona ukuthi udle ilifa lalo, zonke izinsuku eliphila ngazo emhlabeni.

²Lizadiliza lokudiliza zonke indawo lapho izizwe elizazixotsha elifeni lazo ezazikhonzela khona onkulunkulu bazo, entabeni eziphakemeyo lemaqaqeni langaphansi kwaso sonke isihlahla esiluhlaza;

³lizadiliza amalathi azo, libulale insika zazo eziyizithombe, litshise izixuku zazo ngomlilo, liqumele phansi izithombe ezibaziweyo zabonkulunkulu bazo, lichithe ibizo lazo kuleyondawo.

⁴Lingenzi njalo e Nkosi ni uNkulunkulu wenu.

⁵Kodwa endaweni i Nkosi uNkulunkulu wenu ezayikhetha phakathi kwazo zonke izizwe zenu ukubeka ibizo layo khona, lizadinga kundawo yayo yokuhlala; njalo uzakuya khona,

⁶lilethe khona iminikelo yenu yokutshiswa, lemihlatshelo yenu, lengxenye yetshumi yenu, lomnikelo wokuphakanyiswa wesandla senu, lezithembiso zenu, leminikelo yenu yesihle, lamazibulo enkomo zenu lawezimvu zenu;

⁷lidle khona phambi kwe Nkosi uNkulunkulu wenu, lithokoze ngakho konke elibeke isandla senu kukho, lina labendlu yenu, i Nkosi uNkulunkulu wakho ekubusise ngakho.

⁸Kaliyikwenza njengakho konke esikwenzayo lapha lamuhla, ngulowo lalowo loba yikuphi okulungileyo emehlweni akhe.

⁹Ngoba kalikafiki ekuphumuleni lelifeni, i Nkosi uNkulunkulu wakho ekunika lona.

¹⁰Lapho selichaphile iJordani, selihlezi elizweni i Nkosi uNkulunkulu wenu elinika lona libe yilifa lenu, isiliphumuzile ezitheni zenu zonke inhlangothi zonke, selihlezi livikelekile,

¹¹khona kuzakuba lendawo i Nkosi uNkulunkulu wenu ezayikhetha ukwenza ibizo layo lihlale lapho; lizaletha lapho konke engililaya khona, iminikelo yenu yokutshiswa, lemihlatshelo yenu, lengxenye yetshumi yenu, lomnikelo wokuphakanyiswa wesandla senu, lezithembiso zenu zonke ezikhethekileyo elizazithembisa e Nkosi ni.

¹²Njalo lizathaba phambi kwe Nkosi uNkulunkulu wenu, lina lamadodana enu lamadodakazi enu, lenceku zenu lencekukazi zenu, lomLevi ophakathi kwamasango enu, ngoba engelasabelo lelifa lani.

¹³Ziqaphele ukuthi unganikeli iminikelo yakho yokutshiswa kuyo yonke indawo oyibonayo;

¹⁴kodwa endaweni i Nkosi ezayikhetha kwesinye sezizwe zakho, lapho uzanikela iminikelo yakho yokutshiswa, lalapho uzakwenza konke engikulaya khona.

¹⁵Kanti ungahlaba udle inyama, phakathi kwawo wonke amasango akho, njengaso sonke isifiso somphefumulo wakho, njengokwesibusiso se Nkosi uNkulunkulu wakho, ekunike sona; ongahlambulukanga lohlambulukileyo angakudla, njengomziki lanjengendluzele.

¹⁶Kuphela lingadli igazi; lizalichithela emhlabathini njengamanzi.

¹⁷Awulakudlela emasangweni akho ingxenye yetshumi yamabele akho leyewayini lakho elitsha, leyamafutha akho, loba amazibulo enkomo zakho lawezimvu zakho, loba yikuphi kwesithembiso sakho osithembisileyo, loba iminikelo yakho yesihle, loba umnikelo wokuphakanyiswa wesandla sakho.

¹⁸Kodwa phambi kwe Nkosi uNkulunkulu wakho uzadlela lokho endaweni i Nkosi uNkulunkulu wakho ezayikhetha, wena lendodana yakho lendodakazi yakho, lenceku yakho lencekukazi yakho, lomLevi ophakathi kwamasango akho; njalo uzathaba phambi kwe Nkosi uNkulunkulu wakho kukho konke obeka isandla sakho kukho.

¹⁹Ziqaphele ukuthi ungamkhohlwa umLevi zonke izinsuku zakho elizweni lakho.

²⁰Lapho i Nkosi uNkulunkulu wakho iqhelisa umngcele wakho, njengokukhuluma kwayo kuwe, njalo uzakuthi: Ngizakudla inyama, ngoba umphefumulo wakho ukhanuka ukudla inyama; njengokwesifiso sonke somphefumulo wakho uzakudla inyama.

²¹Uba indawo i Nkosi uNkulunkulu wakho ezayikhetha ukubeka ibizo layo khona ikhatshana lawe, uzahlaba enkomeni zakho loba ezimvini zakho i Nkosi ekunike zona, njengokukulaya kwami, uzakudlela phakathi kwamasango akho, njengokwesifiso sonke somphefumulo wakho.

²²Ngitsho, njengalokhu kudliwa umziki lendluzele, ngokunjalo uzazidla; ongahlambulukanga lohlambulukileyo angazidla ngokufananayo.

²³Kuphela qaphela ukuthi ungadli igazi, ngoba igazi liyimpilo; ngakho kawuyikudla impilo kanye lenyama.

²⁴Ungalidli, uzalichithela emhlabathini njengamanzi.

²⁵Ungalidli, ukuze kukulungele labantwana bakho emva kwakho, lapho usenza okulungileyo emehlweni e Nkosi.

²⁶Kuphela izinto ezingcwele olazo, lezithembiso zakho, uzazithatha, uye endaweni i Nkosi ezayikhetha.

²⁷Unikele iminikelo yakho yokutshiswa, inyama legazi, phezu kwelathi le Nkosi uNkulunkulu wakho. Legazi lemihlatshelo yakho lizathululelwa phezu kwelathi le Nkosi uNkulunkulu wakho, lenyama ungayidla.

²⁸Qaphela uzwe wonke amazwi la engikulaya wona, ukuze kukulungele labantwana bakho emva kwakho kuze kube nininini, lapho usenza okulungileyo lokuqondileyo emehlweni e Nkosi uNkulunkulu wakho.

²⁹Lapho i Nkosi uNkulunkulu wakho izaquma izizwe zisuke phambi kwakho lapho oya khona ukudla ilifa lazo, lapho usudle ilifa lazo wahlala elizweni lazo,

³⁰ziqaphele ukuthi ungathiywa uzilandele, emva kokuchithwa kwazo phambi kwakho, lokuthi ungabuzi ngonkulunkulu bazo usithi: Izizwe lezi zazikhonza njani onkulunkulu bazo? Lami ngizakwenza njalo.

³¹Kawuyikwenza njalo e Nkosi ni uNkulunkulu wakho; ngoba konke okunengekayo e Nkosi ni, ekuzondayo, zikwenzile kubonkulunkulu bazo; ngoba ngitsho amadodana azo lamadodakazi azo zibatshisile ngomlilo kubonkulunkulu bazo.

³²Yonke into engililaya ngayo, qaphelani ukuyenza; ungengezeleli kuyo, futhi ungaphunguli kuyo.