Read Ndebele-IBhayibhili Elingcwele 2006 Uduteronomi 16 Bible Online

Uduteronomi 16 - Ndebele-IBhayibhili Elingcwele 2006 bible

Uduteronomi 16

¹Gcina inyanga kaAbhibhi, wenzele i Nkosi uNkulunkulu wakho iphasika, ngoba ngenyanga kaAbhibhi i Nkosi uNkulunkulu wakho yakukhupha eGibhithe ebusuku.

²Ngakho uzahlabela i Nkosi uNkulunkulu wakho iphasika, lezimvu lenkomo, endaweni i Nkosi ezayikhetha ukuthi ibeke ibizo layo khona.

³Ungadli lalo isinkwa esilemvubelo. Insuku eziyisikhombisa uzakudla lalo isinkwa esingelamvubelo, isinkwa senhlupheko, ngoba waphuma elizweni leGibhithe ngokuphangisa, ukuze ukhumbule usuku lokuphuma kwakho elizweni leGibhithe zonke izinsuku zempilo yakho.

⁴Njalo kakungabonwa kuwe imvubelo emingceleni yonke yakho insuku eziyisikhombisa; futhi okwenyama oyihlaba kusihlwa ngosuku lokuqala kakungalali ubusuku bonke kuze kuse.

⁵Awulakuhlaba iphasika phakathi kwaloba yiliphi lamasango akho, i Nkosi uNkulunkulu wakho ekunika wona,

⁶kodwa endaweni i Nkosi uNkulunkulu wakho ezayikhetha ukuhlalisa ibizo layo khona, lapho uzahlabela iphasika kusihlwa, ekutshoneni kwelanga, ngesikhathi esimisiweyo sokuphuma kwakho eGibhithe.

⁷Njalo uzalipheka, ulidlele endaweni i Nkosi uNkulunkulu wakho ezayikhetha. Lekuseni uzaphenduka uye emathenteni akho.

⁸Insuku eziyisithupha uzakudla isinkwa esingelamvubelo; langosuku lwesikhombisa kube lomhlangano onzulu e Nkosi ni uNkulunkulu wakho; ungenzi umsebenzi.

⁹Uzazibalela amaviki ayisikhombisa. Kusukela beqalisa nge sikela emabeleni amileyo uzaqala ukubala amaviki ayisikhombisa.

¹⁰Khona uzagcinela i Nkosi uNkulunkulu wakho umkhosi wamaviki, umnikelo wesihle wesandla sakho, ozawunikela, njengalokhu i Nkosi uNkulunkulu wakho ikubusisile.

¹¹Njalo uzathokoza phambi kwe Nkosi uNkulunkulu wakho, wena lendodana yakho lendodakazi yakho, lenceku yakho lencekukazi yakho, lomLevi ophakathi kwamasango akho, lowezizweni, lentandane, lomfelokazi, abaphakathi kwakho, endaweni i Nkosi uNkulunkulu wakho ezayikhetha ukuhlalisa ibizo layo khona.

¹²Uzakhumbula-ke ukuthi wawuyisigqili eGibhithe. Njalo uzagcina njalo wenze lezizimiso.

¹³Umkhosi wamadumba uzazigcinela wona insuku eziyisikhombisa, ekubutheleni kwakho ebaleni lakho lokubhulela lesikhamelweni sakho sewayini.

¹⁴Njalo uzathaba emkhosini wakho, wena lendodana yakho lendodakazi yakho, lenceku yakho lencekukazi yakho, lomLevi, lowezizweni, lentandane, lomfelokazi, abaphakathi kwamasango akho.

¹⁵Insuku eziyisikhombisa uzayigcinela i Nkosi uNkulunkulu wakho umkhosi, endaweni i Nkosi ezayikhetha; ngoba i Nkosi uNkulunkulu wakho izakubusisa kuzo zonke izithelo zakho lemsebenzini wonke wezandla zakho. Ngakho uzathokoza ngoqotho.

¹⁶Kathathu ngomnyaka wonke owesilisa wakho uzabonakala phambi kwe Nkosi uNkulunkulu wakho endaweni ezayikhetha, ngomkhosi wesinkwa esingelamvubelo, langomkhosi wamaviki, langomkhosi wamadumba. Njalo kayikubonakala phambi kwe Nkosi engaphathanga lutho;

¹⁷ngulowo lalowo ngokwesipho sesandla sakhe, njengesibusiso se Nkosi uNkulunkulu wakho, ekunike sona.

¹⁸Abahluleli lezinduna uzazibekela bona emasangweni akho wonke, i Nkosi uNkulunkulu wakho ekunika wona, phakathi kwezizwe zakho, ukuthi bahlulele abantu ngesahlulelo esilungileyo.

¹⁹Ungaphambuli isahlulelo, ungakhangeli ubuso, ungemukeli isipho, ngoba isipho siphumputhekisa amehlo abahlakaniphileyo, siphambula amazwi abalungileyo.

²⁰Ukulunga, ukulunga uzakunxwanela, ukuze uphile, udle ilifa lelizwe i Nkosi uNkulunkulu wakho ekunika lona.

²¹Ungazihlanyeleli isixuku saloba yisiphi isihlahla eduze kwelathi le Nkosi uNkulunkulu wakho, ozazenzela lona.

²²Njalo ungazimiseli insika eyisithombe, i Nkosi uNkulunkulu wakho eyizondayo.