Read Ndebele-IBhayibhili Elingcwele 2006 Uduteronomi 23 Bible Online

Uduteronomi 23 - Ndebele-IBhayibhili Elingcwele 2006 bible

Uduteronomi 23

¹Olimele emasendeni, loba oqunywe amaphambili, angangeni ebandleni le Nkosi.

²Ozelwe ngobufebe angangeni ebandleni le Nkosi; ngitsho esizukulwaneni sakhe setshumi kayikungena ebandleni le Nkosi.

³UmAmoni lomMowabi kangangeni ebandleni le Nkosi; ngitsho esizukulwaneni sabo setshumi kayikungena ebandleni le Nkosi, kuze kube laphakade;

⁴ngenxa yokuthi kabalihlangabezanga endleleni ngesinkwa langamanzi ekuphumeni kwenu eGibhithe; futhi ngoba baqatsha ukumelana lawe uBalami indodana kaBeyori owePethori oweMesopotamiya ukuze akuqalekise.

⁵Kodwa i Nkosi uNkulunkulu wakho kayifunanga ukuzwa uBalami; kodwa i Nkosi uNkulunkulu wakho yaphendula isiqalekiso saba yisibusiso kuwe, ngoba i Nkosi uNkulunkulu wakho yakuthanda.

⁶Kawuyikudinga ukuthula kwabo lokuhle kwabo zonke izinsuku zakho, kuze kube laphakade.

⁷Unganengwa ngumEdoma, ngoba ungumfowenu; unganengwa ngumGibhithe, ngoba wawungowemzini elizweni lakhe.

⁸Abantwana abazalwa yibo, besizukulwana sesithathu sabo, bangangena ebandleni le Nkosi.

⁹Lapho inkamba iphuma ukuyamelana lezitha zakho, uzazigcina kuyo yonke into embi.

¹⁰Uba ekhona phakathi kwenu umuntu ongahlambulukanga ngenxa yokungcola okumehleleyo ebusuku, uzaphumela ngaphandle kwenkamba, angangeni phakathi kwenkamba.

¹¹Kodwa kuzakuthi sekuzakuhlwa uzageza ngamanzi, lalapho ilanga selitshonile angene aye phakathi kwenkamba.

¹²Njalo uzakuba lendawo ngaphandle kwenkamba lapho ozaphumela khona ukuya ngaphandle,

¹³ube lesikhonkwane ezikhalini zakho; njalo kuzakuthi usuye ngaphandle, ugebhe ngaso, uphenduke ugqibele okuphume kuwe.

¹⁴Ngoba i Nkosi uNkulunkulu wakho iyahamba phakathi kwenkamba yakho, ukukukhulula, lokunikela izitha zakho phambi kwakho. Ngakho inkamba yakho izakuba ngcwele, ukuze ingaboni lutho oluyangisayo phakathi kwakho, ikufulathele.

¹⁵Unganikeli enkosini yaso isigqili esibalekele kuwe sisuka enkosini yaso;

¹⁶sizahlala lawe phakathi kwakho, endaweni esizayikhetha, kwelinye lamasango akho, lapho okusilungele khona; ungasicindezeli.

¹⁷Kakungabi khona iwule elethempeli phakathi kwamadodakazi akoIsrayeli, njalo kakungabi khona inkotshana phakathi kwamadodana akoIsrayeli.

¹⁸Ungalethi iholo lewule lemali yenja endlini ye Nkosi uNkulunkulu wakho ngokwaloba yisiphi isithembiso; ngoba lokho kokubili kuyisinengiso e Nkosi ni uNkulunkulu wakho.

¹⁹Ungeboleki umfowenu ngenzalo, inzalo yemali, inzalo yokudla, inzalo yaloba yiyiphi into ebolekwa ngenzalo.

²⁰Ungeboleka owezizweni ngenzalo, kodwa ungeboleki umfowenu ngenzalo, ukuze i Nkosi uNkulunkulu wakho ikubusise kukho konke ofaka isandla sakho kukho elizweni oya kulo ukudla ilifa lalo.

²¹Nxa uthembisa isithembiso e Nkosi ni uNkulunkulu wakho, ungaphuzi ukusikhokha; ngoba i Nkosi uNkulunkulu wakho izasibiza lokusibiza kuwe; njalo kuzakuba yisono kuwe.

²²Kodwa uba uyekela ukuthembisa, kakuyikuba yisono kuwe.

²³Lokho okuphuma endebeni zakho uzakugcina ukwenze; njengokuthembisa kwakho e Nkosi ni uNkulunkulu wakho, umnikelo wesihle owukhulume ngomlomo wakho.

²⁴Nxa ungena esivinini somakhelwane wakho, ungadla izithelo zevini njengokuthanda kwakho usuthe; kodwa ungafaki lutho esitsheni sakho.

²⁵Nxa ungena emabeleni amileyo kamakhelwane wakho, ungakha izikhwebu ngesandla sakho; kodwa ungangenisi isikela emabeleni amileyo kamakhelwane wakho.