Read Ndebele-IBhayibhili Elingcwele 2006 Uduteronomi 26 Bible Online

Uduteronomi 26 - Ndebele-IBhayibhili Elingcwele 2006 bible

Uduteronomi 26

¹Kuzakuthi-ke lapho usufikile elizweni i Nkosi uNkulunkulu wakho ekunika lona libe yilifa, udle ilifa lalo, uhlale kulo,

²uthathe okokuqala kwezithelo zonke zomhlabathi ozakuletha kuvela elizweni lakho i Nkosi uNkulunkulu wakho ekunika lona, ukufake esitsheni, uye endaweni i Nkosi uNkulunkulu wakho ezayikhetha ukuhlalisa ibizo layo khona.

³Uzakuya kumpristi ozakuba ekhona ngalezonsuku uthi kuye: Ngiyabika lamuhla e Nkosi ni uNkulunkulu wakho ukuthi sengifikile elizweni i Nkosi eyalifungela obaba ukusinika lona.

⁴Njalo umpristi uzathatha isitsha esandleni sakho, asibeke phambi kwelathi le Nkosi uNkulunkulu wakho.

⁵Khona uzaphendula uthi phambi kwe Nkosi uNkulunkulu wakho: Ubaba wayengumSiriya obhubhayo, wehlela eGibhithe, wahlala khona njengowezizwe labantu abalutshwana; kodwa lapho waba yisizwe esikhulu esilamandla lesilabanengi.

⁶Kodwa amaGibhithe asiphatha kubi, asihlupha, asethwesa ubugqili obunzima.

⁷Sasesikhala e Nkosi ni uNkulunkulu wabobaba; i Nkosi yalizwa ilizwi lethu, yabona inhlupheko yethu, lokutshikatshika kwethu, locindezelo lwethu;

⁸I Nkosi yasikhupha eGibhithe ngesandla esilamandla langengalo eyeluliweyo, langokwesabeka okukhulu, langezibonakaliso, langezimangaliso;

⁹yasiletha kulindawo, yasinika lelilizwe, ilizwe eligeleza uchago loluju.

¹⁰Khathesi-ke, khangela, ngilethile ukuqala kwezithelo zomhlabathi, Nkosi, onginike khona. Njalo uzakubeka phambi kwe Nkosi uNkulunkulu wakho, ukhonze phambi kwe Nkosi uNkulunkulu wakho;

¹¹uthokoze ngakho konke okuhle i Nkosi uNkulunkulu wakho ekunike khona labendlu yakho, wena lomLevi lowemzini ophakathi kwakho.

¹²Lapho usuqedile ukunika ingxenye yetshumi, yonke ingxenye yetshumi yezithelo zakho ngomnyaka wesithathu, umnyaka wokunika ingxenye yetshumi, usuyinike umLevi, owemzini, intandane lomfelokazi ukuze badle phakathi kwamasango akho basuthe,

¹³uzakuthi phambi kwe Nkosi uNkulunkulu wakho: Sengikhuphile endlini yami into engcwele, lami njalo ngakunika umLevi, lowemzini, intandane, lomfelokazi, njengayo yonke imilayo yakho ongilaye yona; kangeqanga okwemilayo yakho, futhi kangi yi khohlwanga.

¹⁴Kangidlanga kukho ekulileni kwami, kangisuselanga kukho ukungcola, kangikunikelanga okwakho kofileyo; ngililalele ilizwi le Nkosi uNkulunkulu wami, ngenzile njengakho konke ongilaye khona.

¹⁵Khangela phansi usendaweni yakho yokuhlala engcwele usemazulwini, ubusise abantu bakho uIsrayeli lomhlaba osinike wona, njengokufunga kwakho kubobaba, ilizwe eligeleza uchago loluju.

¹⁶Lamuhla i Nkosi uNkulunkulu wakho iyakulaya ukuthi wenze lezizimiso lezahlulelo; ngakho uzazigcina uzenze ngenhliziyo yakho yonke langomphefumulo wakho wonke.

¹⁷Lamuhla uvumile obala ukuthi i Nkosi inguNkulunkulu wakho, lokuthi uzahamba endleleni zayo, ugcine izimiso zayo lemilayo yayo lezahlulelo zayo, ulalele ilizwi layo.

¹⁸Futhi i Nkosi ivumile obala lamuhla ukuthi uzakuba yisizwe sayo esikhethekileyo njengokukuthembisa kwayo, lokuthi ugcine yonke imilayo yayo,

¹⁹ukuze ikuphakamise phezu kwezizwe zonke ezenzileyo, ekubongweni, lebizweni, lenkazimulweni, lokuthi ube yisizwe esingcwele e Nkosi ni uNkulunkulu wakho njengokutsho kwayo.