Read Ndebele-IBhayibhili Elingcwele 2006 Ujwanisi 13 Bible Online

Ujwanisi 13 - Ndebele-IBhayibhili Elingcwele 2006 bible

Ujwanisi 13

¹Kwathi ungakafiki umkhosi wephasika, uJesu esazi ukuthi ihola lakhe laselifikile ukuthi asuke kulumhlaba aye kuYise, esebathandile abakhe abasemhlabeni, wabathanda kwaze kwaba sekupheleni.

²Ukudla kwantambama sekwenziwe, uSathane esekufakile enhliziyweni kaJudasi Iskariyothi, kaSimoni, ukuthi amnikele,

³uJesu ekwazi ukuthi uYise unikele izinto zonke ezandleni zakhe, lokuthi wavela kuNkulunkulu njalo uya kuNkulunkulu,

⁴wasukuma ekudleni kwantambama, wakhupha izembatho zakhe, wathatha ilembu wazithandela ngalo.

⁵Emva kwalokhu wathela amanzi emganwini, waqala ukugezisa inyawo zabafundi, loku ze sula ngelembu ayezithandele ngalo.

⁶Wasefika kuSimoni Petro; yena wasesithi kuye: Nkosi, wena ugezisa inyawo zami yini?

⁷UJesu waphendula wathi kuye: Engikwenzayo mina, kawukwazi khathesi, kodwa uzakwazi emva kwalezizinto.

⁸UPetro wathi kuye: Kawusoze ugezise inyawo zami kuze kube laphakade. UJesu wamphendula wathi: Uba ngingakugezisi, kawulasabelo lami.

⁹USimoni Petro wathi kuye: Nkosi, kakungabi zinyawo zami zodwa, kodwa lezandla lekhanda.

¹⁰UJesu wathi kuye: Ogezileyo kasweli lutho ngaphandle kokugeziswa inyawo, kodwa uhlambulukile ngokupheleleyo; lina-ke lihlambulukile, kodwa-ke kaku sini lonke.

¹¹Ngoba wayemazi lowo owayezamnikela; ngenxa yalokhu wathi: Kalihlambulukanga lonke.

¹²Esegezisile inyawo zabo, wathatha izembatho zakhe, wabuya wahlala phansi, wathi kubo: Liyakwazi yini engikwenze kini?

¹³Lina lingibiza lithi: Mfundisi, lo kuthi Nkosi; likutsho kuhle, ngoba ngiyi kho.

¹⁴Ngakho uba mina, iNkosi loMfundisi, ngigezise inyawo zenu, lani-ke lifanele ukugezisana inyawo.

¹⁵Ngoba ngilinikile isibonelo, ukuze lenze lani njengoba mina ngenzile kini.

¹⁶Ngiqinisile, ngiqinisile, ngithi kini: Inceku kayinkulu kulenkosi yayo, lothunyiweyo kamkhulu kulomthumileyo.

¹⁷Uba lisazi lezizinto, libusisiwe uba lizenza.

¹⁸Kangikhulumi ngani lonke; mina ngiyabazi engibakhethileyo; kodwa ukuze kugcwaliseke umbhalo othi: Odla lami isinkwa ungiphakamisele isithende sakhe.

¹⁹Sengilitshela kusukela khathesi kungakenzeki, ukuze, nxa sekusenzeka, likholwe ukuthi ngingu ye.

²⁰Ngiqinisile, ngiqinisile, ngithi kini: Owemukela loba ngubani engimthumileyo, wemukela mina; lowemukela mina, wemukela ongithumileyo.

²¹UJesu esetshilo lezizinto wakhathazeka emoyeni, wafakaza wathi: Ngiqinisile, ngiqinisile, ngithi kini, omunye wenu uzanginikela.

²²Ngakho abafundi bakhangelana, bengaqondi ukuthi ukhuluma ngobani.

²³Kwakweyeme esifubeni sikaJesu omunye wabafundi bakhe, uJesu ayemthanda;

²⁴ngakho uSimoni Petro wamqhweba ukubuza ukuthi ngubani akhuluma ngaye.

²⁵Yena-ke eqamela esifubeni sikaJesu, wathi kuye: Nkosi, ngubani?

²⁶UJesu waphendula wathi: Ngulowo mina engizamnika ucezu sengilutshebile. Kwathi eselutshebile ucezu, wa lu nika uJudasi Iskariyothi kaSimoni.

²⁷Futhi emva kocezu, uSathane wasengena kuye. UJesu wasesithi kuye: Okwenzayo, kwenze masinyane.

²⁸Kodwa kakho kwababehlezi ekudleni owayekwazi ukuthi ukutsholoni kuye.

²⁹Ngoba abanye bacabanga ukuthi, njengoba uJudasi wayelesikhwama, uJesu wathi kuye: Thenga esikuswelayo emkhosini; loba ukuthi kanike abayanga okunye.

³⁰Lowo wathi eselwemukele ucezu, wahle waphuma; kwakusebusuku.

³¹Ngakho kwathi esephumile, uJesu wathi: Khathesi iNdodana yomuntu idunyisiwe, loNkulunkulu udunyisiwe kuyo.

³²Uba uNkulunkulu edunyiswe kuyo, loNkulunkulu uzayidumisa kuye ngokwakhe, njalo uzahle ayidumise.

³³Bantwanyana, ngiselani isikhatshana. Lizangidinga, futhi njengalokhu ngatsho kumaJuda ukuthi: Lapho mina engiya khona, lingeze leza lina; ngitsho lakini khathesi.

³⁴Ngilinika umlayo omutsha, ukuthi lithandane; njengalokhu ngilithandile, lani-ke lithandane.

³⁵Ngalokhu bonke bazakwazi ukuthi lingabafundi bami, uba lilothando omunye komunye.

³⁶USimoni Petro wathi kuye: Nkosi, uya ngaphi? UJesu wamphendula wathi: Lapho engiya khona, ungengilandele khathesi, kodwa uzangilandela emva kwalokhu.

³⁷UPetro wathi kuye: Nkosi, ngingekulandele khathesi ngani? Impilo yami ngizayibekela wena phansi.

³⁸UJesu wamphendula wathi: Impilo yakho uzayibekela mina phansi yini? Ngiqinisile, ngiqinisile, ngithi kuwe: Iqhude kalisoze likhale uze ungiphike kathathu.