Read Ndebele-IBhayibhili Elingcwele 2006 Ujwanisi 15 Bible Online

Ujwanisi 15 - Ndebele-IBhayibhili Elingcwele 2006 bible

Ujwanisi 15

¹Mina ngilivini eliqotho, njalo uBaba ungumlimi.

²Lonke ugatsha olukimi olungatheliyo isithelo, uyalususa; lalo lonke oluthela isithelo, uyaluthena, ukuze lwengeze ukuthela.

³Selihlambululekile lina ngelizwi engilikhulume kini.

⁴Hlalani kimi, lami kini. Njengalokhu ugatsha lungethele isithelo ngokwalo, uba lungahlali evinini, ngokunjalo lani lingeke, uba lingahlali kimi.

⁵Mina ngilivini, lina lizingatsha. Lowo ohlala kimi, lami kuye, yena uyathela isithelo sande; ngoba ngaphandle kwami lingenze lutho.

⁶Uba umuntu engahlali kimi, ulahlelwa phandle njengogatsha, abe esebuna, bazibuthe ba zi phose emlilweni, zitshiswe.

⁷Uba lihlala kimi, lamazwi ami ehlala kini, lizacela elikuthandayo, lizakwenzelwa.

⁸UBaba uyadunyiswa ngalokhu, ukuthi lithele isithelo sande; njalo lizakuba ngabafundi bami.

⁹Njengalokhu uBaba engithandile, lami ngilithandile; hlalani ethandweni lwami.

¹⁰Uba lilondoloza imilayo yami, lizahlala ethandweni lwami; njengalokhu mina ngilondoloze imilayo kaBaba, njalo ngihlala ethandweni lwakhe.

¹¹Lezizinto ngizikhulume kini, ukuze intokozo yami ihlale kini, njalo intokozo yenu igcwale.

¹²Lo ngumlayo wami, ukuthi lithandane, njengalokhu ngilithandile.

¹³Kakho olothando olukhulu kulalolu, lokuthi umuntu ababekele phansi abangane bakhe impilo yakhe.

¹⁴Lina lingabangane bami, uba lisenza loba yini mina engililaya yona.

¹⁵Kangisalibizi ngokuthi lizinceku, ngoba inceku kayikwazi ukuthi inkosi yayo yenzani; kodwa sengilibize ngokuthi lingabangane, ngoba konke engikuzwileyo kuBaba ngilazise khona.

¹⁶Kalingikhethanga lina, kodwa mina ngilikhethile, njalo ngilimisile, ukuze lina lihambe lithele isithelo, lesithelo senu sihlale; ukuze loba yini eliyicela kuBaba ngebizo lami, alinike.

¹⁷Ngililaya lezizinto, ukuze lithandane.

¹⁸Uba umhlaba ulizonda, yazini ukuthi wangizonda mina ngaphambi kwenu.

¹⁹Uba belingabomhlaba, umhlaba ubuzathanda abawo; kodwa ngoba lingeyisibo abomhlaba, kodwa ngalikhetha mina emhlabeni, ngakho umhlaba uyalizonda.

²⁰Khumbulani ilizwi mina engalitsho kini: Inceku kayinkulu kulenkosi yayo. Uba bengizingele mina, bazalizingela lani; uba belondoloza ilizwi lami, bazalondoloza lelenu.

²¹Kodwa bazakwenza konke lokhu ngenxa yebizo lami, ngoba bengamazi ongithumileyo.

²²Uba bengingafikanga ngakhuluma labo, ngabe kabalasono; kodwa khathesi kabalazaba ngesono sabo.

²³Ongizondayo, uzonda loBaba.

²⁴Uba bengingenzanga phakathi kwabo imisebenzi kungekho omunye owayenzayo, ngabe kabalasono; kodwa khathesi sebe yi bonile sebezonde sonke mina loBaba.

²⁵Kodwa ukuze ligcwaliseke ilizwi elilotshiweyo emlayweni wabo elokuthi: Bangizonda kungelasizatho.

²⁶Kodwa nxa esefikile uMduduzi, engizamthuma mina kini evela kuBaba, uMoya weqiniso, ophuma kuBaba, lo uzangifakazela;

²⁷lani futhi lizafakaza, ngoba belilami kusukela ekuqaleni.