Read Ndebele-IBhayibhili Elingcwele 2006 Ujwanisi 17 Bible Online

Ujwanisi 17 - Ndebele-IBhayibhili Elingcwele 2006 bible

Ujwanisi 17

¹UJesu wakhuluma lezizinto, waphakamisela amehlo akhe ezulwini, wathi: Baba, ihola selifikile; dumisa iNdodana yakho, ukuze layo iNdodana yakho ikudumise;

²njengoba uyinikile amandla phezu kwayo yonke inyama, ukuze bonke obanike yona, ibanike impilo elaphakade.

³Lalokhu yimpilo elaphakade, ukuthi bazi wena uNkulunkulu wedwa we qiniso, loJesu Kristu omthumileyo.

⁴Mina ngikudumisile emhlabeni; ngiwuqedile umsebenzi obunginike wona ukuthi ngiwenze;

⁵khathesi-ke ngidumise wena, Baba, ngi lawe uqobo ngobukhosi engangilabo kanye lawe ungakabi khona umhlaba.

⁶Ngilibonakalisile ibizo lakho ebantwini onginike bona bevela emhlabeni; babengabakho, njalo wanginika bona; balilondolozile ilizwi lakho.

⁷Khathesi sebesazi ukuthi konke onginike khona, kuvela kuwe;

⁸ngoba amazwi onginike wona, ngibanikile wona; ba we mukela, njalo bayazi ngeqiniso ukuthi ngiphuma kuwe, bakholiwe ukuthi ungithumile wena.

⁹Mina ngiyabakhulekela bona; kangikhulekeli umhlaba, kodwa labo onginike bona, ngoba bangabakho;

¹⁰njalo konke okwami kungokwakho, lokwakho kungokwami; njalo ngidunyisiwe kubo.

¹¹Njalo kangisekho emhlabeni, kodwa basemhlabeni bona, njalo mina ngiyeza kuwe. Baba oNgcwele, balondoloze ebizweni lakho labo onginike bona, ukuze babe munye, njengathi.

¹²Lapho ngiselabo emhlabeni, mina ngabalondoloza ebizweni lakho; labo onginike bona ngibalindile, njalo kakho kubo olahlekileyo, ngaphandle kwendodana yokulahlwa, ukuze kugcwaliseke umbhalo.

¹³Kodwa khathesi ngiza kuwe, njalo lezizinto ngizikhuluma emhlabeni, ukuze babe lentokozo yami igcwalisekile kubo.

¹⁴Mina ngibanikile ilizwi lakho, lomhlaba ubazondile, ngoba bengeyisibo abomhlaba, njengoba mina ngingesuye owomhlaba.

¹⁵Kangiceli ukuthi ubasuse emhlabeni, kodwa ukuze ubalondoloze kokubi.

¹⁶Kabasibo abomhlaba, njengalokhu mina ngingesuye owomhlaba.

¹⁷Bangcwelise eqinisweni lakho; ilizwi lakho liliqiniso.

¹⁸Njengalokhu wangithuma emhlabeni, lami ngibathumile emhlabeni.

¹⁹Njalo mina ngizehlukanisela bona, ukuze labo behlukaniswe eqinisweni.

²⁰Njalo kangiceleli laba bodwa, kodwa lalabo abazakholwa kimi ngelizwi labo;

²¹ukuze bonke babe munye; njengalokhu wena, Baba, ukimi, lami ngikuwe, ukuze labo babe munye kithi; ukuze umhlaba ukholwe ukuthi wena ungithumile.

²²Lenkazimulo mina onginike yona, ngibanikile bona, ukuze babe munye, njengathi simunye.

²³Mina ngikubo, lawe ukimi, ukuze bapheleliswe babe munye, lokuze umhlaba wazi ukuthi wena ungithumile, lokuthi ubathandile, njengalokhu ungithandile.

²⁴Baba, labo onginike bona, ngithanda ukuthi lapho mina engikhona, labo babe lami; ukuze babone inkazimulo yami, onginike yona, ngoba wangithanda kungakasekelwa umhlaba.

²⁵Baba olungileyo, ngitsho umhlaba kawukwazanga, kodwa mina ngikwazile, lalaba bayazi ukuthi wena ungithumile;

²⁶njalo ngibazisile ibizo lakho, njalo ngizabazisa lona; ukuze uthando ongithande ngalo lube kubo, lami kubo.