Read Ndebele-IBhayibhili Elingcwele 2006 Ujwanisi 19 Bible Online

Ujwanisi 19 - Ndebele-IBhayibhili Elingcwele 2006 bible

Ujwanisi 19

¹Ngakho uPilatu wamthatha uJesu, wa m tshaya ngesiswepu.

²Labebutho beluka umqhele wameva ba wu beka ekhanda lakhe, bamgqokisa isembatho esiyibubende,

³basebesithi: Bayethe, Nkosi yamaJuda! Basebemtshaya ngempama.

⁴UPilatu wasebuya waphumela phandle, wathi kubo: Khangelani, ngiyamkhuphela phandle kini, ukuze lazi ukuthi kangitholi lacala kuye.

⁵UJesu wasephumela phandle, ethwele umqhele wameva embethe isembatho esiyibubende. UPilatu wasesithi kubo: Khangelani lumuntu!

⁶Kwathi abapristi abakhulu labancedisi bembona, bamemeza bathi: Bethela, bethela! UPilatu wathi kubo: Mthatheni lina, li m bethele; ngoba mina kangitholi cala kuye.

⁷AmaJuda amphendula athi: Silomlayo thina, langokomlayo wethu ufanele ukufa, ngoba uzenze iNdodana kaNkulunkulu.

⁸Kwathi uPilatu esizwa lelolizwi, wesaba kakhulu,

⁹wangena futhi endlini yombusi, wathi kuJesu: Uvela ngaphi wena? Kodwa uJesu kamnikanga mpendulo.

¹⁰Khona uPilatu wathi kuye: Kawukhulumi lami yini? Kawazi yini ukuthi ngilamandla okukubethela, njalo ngilamandla okukukhulula?

¹¹UJesu wamphendula wathi: Ungeke ube lamandla phezu kwami, uba ungawanikwanga evela phezulu; ngakho onginikele kuwe ulesono esikhulu.

¹²Kusukela lapho uPilatu wadinga ukumkhulula. Kodwa amaJuda amemeza athi: Uba ukhulula lo, kawusuye umngane kaKesari; wonke ozenza inkosi, uphikisana loKesari.

¹³Kwathi uPilatu esizwa lelilizwi wamkhuphela phandle uJesu, wahlala phansi esihlalweni sokwahlulela, endaweni ebizwa ngokuthi Gandelwe ngaMatshe, kodwa ngesiHebheru yiGabatha;

¹⁴njalo kwakungamalungiselelo ephasika, njalo kwakungaba lihola* lesithupha; wasesithi kumaJuda: Khangelani inkosi yenu !

¹⁵Kodwa amemeza athi: Susa, susa, mbethele ! UPilatu wathi kuwo: Ngibethele yini inkosi yenu? Abapristi abakhulu baphendula bathi: Kasilankosi ngaphandle kukaKesari.

¹⁶Ngakho wasemnikela kubo, ukuze abethelwe. Basebemthatha uJesu ba m qhuba.

¹⁷Kwathi ethwele isiphambano sakhe waphuma waya endaweni ethiwa yiNdawo yokhakhayi, ethiwa ngesiHebheru yiGolgotha;

¹⁸lapho abambethela khona, labanye ababili kanye laye, ngapha langapha, loJesu ephakathi.

¹⁹UPilatu wasebhala lesaziso, wa si phanyeka esiphambanweni; njalo kwakubhalwe ukuthi: UJESU UMNAZARETHA INKOSI YAMAJUDA.

²⁰Lalesisaziso abanengi bamaJuda basifunda, ngoba indawo lapho uJesu ayebethelwe khona yayiseduze lomuzi; njalo kwakubhalwe ngesiHebheru, ngesiGriki, ngesiRoma.

²¹Abapristi abakhulu bamaJuda basebesithi kuPilatu: Ungabhali ukuthi: INkosi yamaJuda; kodwa ukuthi lo wathi: NgiyiNkosi yamaJuda.

²²UPilatu waphendula wathi: Engikubhalileyo, ngikubhalile.

²³Kwathi abebutho, sebembethele uJesu, bathatha izembatho zakhe, basebezenza izabelo ezine, ngulowo lalowo owebutho waba lesabelo, lesigqoko; kodwa isigqoko sasingelamthungo, selukiwe sonke kusukela phezulu.

²⁴Ngakho bakhulumisana besithi: Kasingasidabuli, kodwa asisenzele inkatho, ukuthi sizakuba ngesikabani; ukuze kugcwaliseke umbhalo othi: Babelana izembatho zami, benza inkatho yokuphosa ngesigqoko sami. Azenza-ke lezizinto amabutho.

²⁵Kwakumi esiphambanweni sikaJesu unina, lodadewabo kanina, uMariya um kaKlophasi, loMariya Magadalena.

²⁶Ngakho uJesu ebona unina, lomfundi amthandayo bemi khona, wathi kunina: Mama, khangela indodana yakho.

²⁷Emva kwalokho wathi kumfundi: Khangela unyoko. Kusukela ngalelohola lowomfundi wamthatha wamusa kwakhe.

²⁸Emva kwalokhu uJesu ekwazi ukuthi konke kwasekuphelile, ukuze kugcwaliseke umbhalo, wathi: Ngomile.

²⁹Kwakubekwe isitsha sigcwele iviniga; basebegcwalisa uzipho ngeviniga, ba lu hloma kuhisope*, ba lu sa emlonyeni wakhe.

³⁰Kwathi-ke uJesu elemukele iviniga, wathi: Kuphelile; wasekhothamisa ikhanda, wanikela umoya.

³¹Ngakho amaJuda, ngoba kwakungamalungiselelo, ukuze izidumbu zingahlali esiphambanweni ngesabatha (ngoba lolosuku lwesabatha lwalulukhulu ), acela uPilatu ukuthi yephulwe imilenze yabo, njalo basuswe.

³²Ngakho abebutho beza, bephula imilenze yowokuqala leyomunye ababebethelwe laye;

³³kodwa sebefika kuJesu, kwathi bebona ukuthi wayesefile, kabayephulanga imilenze yakhe;

³⁴kodwa omunye webutho wamgwaza ngomkhonto ehlangothini, njalo kwahle kwaphuma igazi lamanzi.

³⁵Yena owabonayo ufakazile, njalo ubufakazi bakhe buqinisile, yena-ke uyazi ukuthi ukhuluma okuliqiniso, ukuze lina likholwe.

³⁶Ngoba lezizinto zenzeka ukuze kugcwaliseke umbhalo othi: Kakuyikwephulwa thambo lakhe.

³⁷Njalo lomunye umbhalo uthi: Bazamkhangela abamgwazileyo.

³⁸Kwathi emva kwalezizinto uJosefa weArimathiya, owayengumfundi kaJesu, kodwa ngasese ngenxa yokwesaba amaJuda, wacela kuPilatu ukuthi asuse isidumbu sikaJesu; futhi uPilatu wavuma. Ngakho weza wasisusa isidumbu sikaJesu.

³⁹Kwasekusiza loNikodima, owafika kuJesu kuqala ebusuku, ephethe inhlanganiso yemure* lenhlaba engaba amaphawundi alikhulu.

⁴⁰Basebesithatha isidumbu sikaJesu, basibopha ngamalembu acolekileyo kanye lamakha, njengomkhuba wamaJuda wokungcwaba.

⁴¹Njalo kwakukhona kuleyondawo ayebethelwe khona isivande, lesivandeni kwakulengcwaba elitsha, okwakungazange kubekwe muntu kulo.

⁴²Basebembeka lapho uJesu ngenxa yamalungiselelo amaJuda, ngoba ingcwaba laliseduze.