Read Ndebele-IBhayibhili Elingcwele 2006 Ujwanisi 7 Bible Online

Ujwanisi 7 - Ndebele-IBhayibhili Elingcwele 2006 bible

Ujwanisi 7

¹Njalo emva kwalezizinto uJesu wabhoda eGalili; ngoba wayengathandi ukubhoda eJudiya, ngenxa yokuthi amaJuda ayedinga ukumbulala.

²Wawusondele umkhosi wamaJuda wokwakha amadumba.

³Ngakho abafowabo bathi kuye: Suka lapha, uye eJudiya, ukuze labafundi bakho babone imisebenzi oyenzayo.

⁴Ngoba kakho owenza ulutho ensitha, kodwa yena ngokwakhe edinga ukuba sobala. Uba uzenza lezizinto, ziveze wena emhlabeni.

⁵Ngoba labafowabo babengakholwa kuye.

⁶Ngakho uJesu wathi kubo: Isikhathi sami kasikafiki, kodwa esenu isikhathi sihlala silungile.

⁷Ungelizonde umhlaba lina; kodwa uyangizonda, ngoba mina ngifakaza ngawo, ukuthi imisebenzi yawo mibi.

⁸Yenyukelani lina emkhosini lo; mina angikenyukeli kulumkhosi, ngoba isikhathi sami kasikagcwaliseki.

⁹Esetshilo lezizinto kubo, wahlala eGalili.

¹⁰Kodwa sebenyukile abafowabo, laye wasesenyukela emkhosini, kungeyisikho obala, kodwa kungathi ku sensitha.

¹¹AmaJuda asemdinga emkhosini, athi: Ungaphi yena?

¹²Kwakukhona ukukhonona okukhulu ngaye phakathi kwamaxuku; abanye bathi: Ulungile. Kodwa abanye bathi: Hatshi, kodwa uyaliduhisa ixuku.

¹³Loba kunjalo kwakungekho muntu owakhuluma obala ngaye ngokwesaba amaJuda.

¹⁴Kuthe sekuphakathi komkhosi, uJesu wenyukela ethempelini, wafundisa.

¹⁵AmaJuda asemangala athi: Lo uyazi njani imibhalo, engafundanga?

¹⁶UJesu wawaphendula wathi: Imfundiso yami kayisiyo eyami kodwa ngeyalowo ongithumileyo.

¹⁷Uba umuntu ethanda ukwenza intando yakhe, uzakwazi ngemfundiso, ukuthi ivela kuNkulunkulu, kumbe ngizikhulumela mina ngokwami.

¹⁸Ozikhulumela ngokwakhe, uzidingela udumo lwakhe; kodwa odinga udumo lwalowo omthumileyo, lowo uqinisile, njalo kakukho ukungalungi kuye.

¹⁹Kalinikanga yini uMozisi umlayo, kanti kakho kini ogcina umlayo? Lidingelani ukungibulala?

²⁰Ixuku laphendula lathi: Uledimoni; ngubani odinga ukukubulala?

²¹UJesu waphendula wathi kubo: Ngenze umsebenzi owodwa, njalo lonke liyamangala.

²²Ngakho uMozisi walinika ukusoka (kungeyisikho ukuthi kwavela kuMozisi, kodwa kubobaba ), njalo liyamsoka umuntu langesabatha.

²³Uba ngesabatha umuntu esemukela ukusoka, ukuze kungephulwa umlayo kaMozisi, lingithukuthelela ngoba ngaphilisa umuntu ngokupheleleyo ngesabatha yini?

²⁴Lingahluleli ngokubona, kodwa yahlulelani ukwahlulela okuqondileyo.

²⁵Abanye kwabeJerusalema basebesithi: Lo kayisuye yini abadinga ukumbulala?

²⁶Kodwa khangela ukhuluma obala, kodwa kabatsho lutho kuye. Kungaba yikuthi ababusi sebesazi oqotho ukuthi lo unguKristu uqobo yini?

²⁷Kodwa lo siyazi lapho avela khona; kodwa uKristu nxa efika, kakho ozakwazi lapho avela khona.

²⁸Ngakho uJesu efundisa ethempelini wamemeza wathi: Lami liyangazi, liyakwazi lalapho engivela khona; njalo kangizizelanga ngokwami, kodwa ongithumileyo uqinisile, elingamaziyo lina.

²⁹Kodwa ngiyamazi mina, ngoba ngivela kuye, njalo yena ungithumile.

³⁰Ngakho badinga ukumbamba, kodwa kakubanga khona owabeka isandla phezu kwakhe, ngoba ihola lakhe lalingakafiki.

³¹Kodwa abanengi bexuku bakholwa kuye, bathi: Nxa uKristu esefikile, uzakwenza yini izibonakaliso ezinengi kulalezi azenzileyo lo?

³²AbaFarisi bezwa ixuku likhonona lezizinto ngaye; abapristi abakhulu labaFarisi basebethuma abancedisi ukuze bambambe.

³³UJesu wasesithi kubo: Ngiselani okwesikhatshana, besengihamba ngiye kongithumileyo.

³⁴Lizangidinga, linga ngit holi, lalapho mina engikhona, lina lingeze leza.

³⁵Ngakho amaJuda akhulumisana athi: Uzakuya ngaphi lo ukuthi thina singayikumthola? Kayikuya yini kwabahlakazekileyo bamaGriki, afundise amaGriki?

³⁶Yilizwi bani leli alitshoyo elokuthi: Lizangidinga, aliyiku ngi thola; lelo kuthi: Lapho engikhona mina, lina lingeze leza?

³⁷Kwathi ngosuku lokucina olukhulu lomkhosi uJesu wema wamemeza, esithi: Uba ekhona owomileyo, keze kimi anathe.

³⁸Okholwa kimi, njengokutsho kombhalo, kuzageleza kuphuma esiswini sakhe imifula yamanzi aphilayo.

³⁹Lalokhu wakutsho ngoMoya ababezamemukela abakholwa kuye; ngoba uMoya oNgcwele wayengaka fik i, lokhu uJesu wayengakadunyiswa.

⁴⁰Ngakho abanengi bexuku besizwa lelilizwi bathi: Oqotho lo ungulowomProfethi.

⁴¹Abanye bathi: Lo unguKristu. Kodwa abanye bathi: Kambe uKristu uzavela eGalili?

⁴²Kawutsho yini umbhalo ukuthi uKristu uzavela enzalweni kaDavida, leBhethelehema, emzaneni lapho uDavida ayekhona?

⁴³Ngakho kwaba khona ukwehlukana ngaye phakathi kwexuku.

⁴⁴Abanye babo bafuna ukumbamba, kodwa kakubanga khona owambeka izandla.

⁴⁵Khona abancedisi baya kubapristi abakhulu lakubaFarisi; bona basebesithi kubo: Kungani lingamlethanga?

⁴⁶Abancedisi baphendula bathi: Kakuzange kukhulume umuntu kanje, njengalumuntu.

⁴⁷AbaFarisi basebebaphendula bathi: Lani seliduhisiwe yini?

⁴⁸Ukhona yini kubabusi kumbe kubaFarisi okholwe kuye?

⁴⁹Kodwa lelixuku elingawaziyo umlayo lithukiwe.

⁵⁰UNikodima, lowo oweza kuye ebusuku, owayengomunye wabo, wathi kubo:

⁵¹Kanti umlayo wakithi uyamgweba umuntu, ngaphandle kokuthi umuzwe kuqala ukwazi akwenzayo?

⁵²Baphendula bathi kuye: Kanti lawe ungoweGalili? Hlolisisa ubone ukuthi kakuvukanga umprofethi eGalili.

⁵³Ngulowo lalowo wasesuka waya ekhaya.