Read Ndebele-IBhayibhili Elingcwele 2006 Izenzo Zabapostoli 20 Bible Online

Izenzo Zabapostoli 20 - Ndebele-IBhayibhili Elingcwele 2006 bible

Izenzo Zabapostoli 20

¹Kwathi sesiphelile isiyaluyalu, uPawuli wabizela kuye abafundi, ese ba gonile, waphuma ukuthi aye eMakedoniya.

²Kwathi esedabule lezongxenye, esebakhuthazile ngamazwi amanengi, wafika eGriki,

³kwathi esehlale khona inyanga ezintathu, selenziwe iqhinga ngaye ngamaJuda esezasuka ngomkhumbi ukuya eSiriya, wazimisela ukubuyela adabule eMakedoniya.

⁴Wasemphelekezela kwaze kwaba seAsiya uSopatheri weBeriya; lowamaThesalonika, uAristako loSekhundu, loGayusi weDerbe, loTimothi; lamaAsiya, uTikiko loTrofimu.

⁵Laba sebehambe phambili basilindela eTrowasi.

⁶Kodwa thina sasuka ngomkhumbi eFiliphi emva kwensuku ze sinkwa esingelamvubelo, safika kubo eTrowasi ngensuku ezinhlanu, lapho esahlala khona insuku eziyisikhombisa.

⁷Kwathi ngo suku lokuqala lweviki, abafundi bebuthene ukuhlephula isinkwa, uPawuli watshumayela kubo, elungele ukusuka kusisa, waseselula ilizwi kwaze kwaba phakathi kobusuku.

⁸Njalo kwakukhona izibane ezinengi endlini ephezulu ababebuthene kiyo.

⁹Kwakuhlezi ewindini ijaha elithile ngebizo linguYutikusi, elajunywa yibuthongo obukhulu, uPawuli esetshumayele isikhathi eside, selehlulwe yibuthongo lawela phansi lisuka esitezi sesithathu, laselidojwa lifile.

¹⁰Kodwa uPawuli wehla waziphosela phezu kwalo, e li singatha wathi: Lingakhathazeki; ngoba umphefumulo walo ukhona kilo.

¹¹Esenyukile njalo esehlephule isinkwa wadla, waxoxa labo isikhathi eside kwaze kwasa, ngokunjalo wahamba.

¹²Basebemletha umfana ephila, basebeduduzwa hatshi lakancane.

¹³Kodwa thina, sesihambe phambili ukuya emkhunjini, sasuka ngomkhumbi saya eAsosi, lapho siqonde ukumkhweza uPawuli; ngoba wayemisile ngokunjalo, yena ebezahamba ngenyawo.

¹⁴Njalo esehlangene lathi eAsosi, samkhweza safika eMithilene,

¹⁵sasuka lapho ngomkhumbi, kusisa safika maqondana leKiyosi; langomhlomunye sasondela eSamosi; sasesihlala eTrogiliumu, ngolulandelayo safika eMilethu.

¹⁶Ngoba uPawuli wayezimisele ukuyiceza iEfesu ngomkhumbi, ukuze angalibali eAsiya; ngoba wayephanga, nxa kwakungenzeka kuye, ukuba seJerusalema ngosuku lwePentekoste*.

¹⁷Kwathi eseMilethu wathumela eEfesu wabizela kuye abadala bebandla.

¹⁸Kwathi sebefikile kuye, wathi kubo: Liyazi lina, ukuthi kusukela esukwini lokuqala lokufika kwami eAsiya, ngangihlezi njani isikhathi sonke phakathi kwenu,

¹⁹ngakhonza iNkosi ngokuthobeka konke langezinyembezi ezinengi langezilingo ezangehlela ngamaqhinga amaJuda;

²⁰ukuthi angigodlanga lutho ngayo olusizayo, ukungatshumayeli kini lokungalifundisi obala, lakuzindlu ngezindlu,

²¹ngifakaza kumaJuda kanye lakumaGriki ukuphendukela kuNkulunkulu, lokholo eNkosini yethu uJesu Kristu.

²²Lakhathesi khangelani, mina ngiya eJerusalema ngibotshwe nguMoya, ngingakwazi okuzangehlela phakathi kwayo,

²³ngaphandle kokuthi uMoya oyiNgcwele uyangifakazela emizini yonke esithi izibopho lezinhlupheko zingilindele.

²⁴Kodwa angikhathaleli lutho lwalezizinto, lempilo yami angiyenzi into eligugu kimi, ukuze ngiphelelise uhambo lwami ngentokozo, lenkonzo engayemukela eNkosini uJesu, eyokufakaza ivangeli elomusa kaNkulunkulu.

²⁵Njalo khathesi khangelani, mina ngiyazi ukuthi kalisayikubona ubuso bami lina lonke, engihamba phakathi kwenu ngitshumayela umbuso kaNkulunkulu.

²⁶Ngakho ngiyafakaza kini ngalolusuku lwalamuhla, ukuthi mina ngimsulwa egazini labo bonke;

²⁷ngoba kangigodlanga ukuthi ngilitshumayeze lonke icebo likaNkulunkulu.

²⁸Ziqapheleni-ke lina lomhlambi wonke, alibeke phakathi kwawo uMoya oyiNgcwele ukuthi libe ngababonisi, bokwelusa ibandla likaNkulunkulu, azithengele lona ngegazi lakhe uqobo.

²⁹Ngoba mina ngiyazi lokhu, ukuthi emva kokuhamba kwami kuzangena impisi eziphangayo phakathi kwenu, zingawuyekeli umhlambi;

³⁰laphakathi kwenu kuzavela amadoda ekhuluma izinto eziduhisayo, ukuhugela abafundi ngemva kwawo.

³¹Ngakho lindani, likhumbule ukuthi okweminyaka emithathu ebusuku lemini kangimanga ukuleluleka omunye lo munye ngenyembezi.

³²Lakhathesi, bazalwane, ngilinikela kuNkulunkulu laselizwini lomusa wakhe, elilamandla okulakha, lokulipha ilifa phakathi kwabo bonke abangcwelisiweyo.

³³Kangihawukelanga isiliva kumbe igolide loba isembatho somuntu.

³⁴Lina-ke uqobo lwenu liyazi ukuthi lezizandla zasebenzela inswelo zami lezalabo ababelami.

³⁵Kukho konke ngilitshengisile, ukuthi kumele ukuthi sisize ababuthakathaka sisebenza ngokunjalo, sikhumbule amazwi eNkosi uJesu, ukuthi yena wathi: Kubusisekile kakhulu ukupha kulokwemukela.

³⁶Njalo esetshilo lezizinto, waguqa ngamadolo akhe, wakhuleka labo bonke.

³⁷Kwaba khona ukukhala kakhulu kwabo bonke; basebewela entanyeni kaPawuli bamanga,

³⁸belosizi kakhulu ngelizwi alitshoyo, elokuthi kabasayikubona ubuso bakhe. Basebemphelekezela baya laye emkhunjini.