Read Ndebele-IBhayibhili Elingcwele 2006 Izenzo Zabapostoli 3 Bible Online

Izenzo Zabapostoli 3 - Ndebele-IBhayibhili Elingcwele 2006 bible

Izenzo Zabapostoli 3

¹UPetro loJohane basebesenyukela bonke ethempelini ngehola lomkhuleko elesificamunwemunye*.

²Kwasekuthwalwa indoda ethile eyisiqhuli kusukela esizalweni sikanina; ababeyibeka insuku ngensuku esangweni lethempeli elithiwa eLihle, ukuthi icele isipho kulabo abangenayo ethempelini.

³Eyathi ibona uPetro loJohane sebezangena ethempelini, yacela isipho.

⁴UPetro waseyijolozela eloJohane, wathi: Sikhangele !

⁵Yasibananzelela, ilindele ukuthi izakwemukela ulutho kubo.

⁶UPetro wasesithi: Isiliva legolide kangilakho; kodwa lokho engilakho, ngikunika khona. Ebizweni likaJesu Kristu umNazaretha, sukuma uhambe.

⁷Waseyibamba ngesandla sokunene wa yi sukumisa; njalo kwahle kwaqiniswa inyawo lenqagala zayo.

⁸Yasisithi lothu yema yasihamba, yangena labo ethempelini, ihamba iseqa idumisa uNkulunkulu.

⁹Njalo bonke abantu bayibona ihamba, idumisa uNkulunkulu;

¹⁰basebeyazi ukuthi yiyo eyayihlalela isipho esangweni eLihle lethempeli; basebegcwala ukumangala lokusanganiseka ngalokho okwenzeka kuyo.

¹¹Kwathi isiqhuli esasisilisiwe sibambelele kuPetro loJohane, bonke abantu bagijimela kubo ndawonye ekhulusini elithiwa elikaSolomoni, bemangala kakhulu.

¹²Kwathi uPetro e ku bona lokho waphendula ebantwini wathi: Madoda maIsrayeli, limangalelani ngalokhu, kumbe lisijolozelelani, ngokungathi ngawethu amandla kumbe ukulunga simenze ukuthi lo ahambe?

¹³UNkulunkulu kaAbrahama lokaIsaka lokaJakobe, uNkulunkulu wabobaba bethu, uyidumisile iNdodana yakhe uJesu; elayinikelayo lina, layiphika phambi kobuso bukaPilatu, yena esequme uku yi khulula.

¹⁴Kodwa lina lamphika oNgcwele loLungileyo, lacela ukuthi liphiwe indoda eng umbulali,

¹⁵labulala uMqali wempilo; amvusayo uNkulunkulu kwabafileyo, esingabafakazi bakho thina.

¹⁶Njalo ngokholo ebizweni lakhe, lo elimbonayo lelimaziyo ibizo lakhe limqinisile; lokholo olungaye lumnike lokhukusila okupheleleyo phambi kwenu lonke.

¹⁷Njalo khathesi, bazalwane, ngiyazi ukuthi lakwenza ngokungazi, njengababusi benu futhi.

¹⁸Kodwa uNkulunkulu wagcwalisa ngalindlela lokhu akukhuluma phambili ngomlomo wabaprofethi bakhe bonke, ukuthi uKristu uzahlupheka.

¹⁹Ngakho phendukani libuye futhi, ukuze kwesulwe izono zenu, ukuze kufike izikhathi zokukhudumala ezivela ebusweni beNkosi,

²⁰njalo ithume lo owamenyezelwa kini phambili, uJesu Kristu;

²¹okumele ukuthi izulu limemukele kuze kufike izikhathi zokubuyisela konke, uNkulunkulu akutshoyo ngomlomo wabo bonke abaprofethi bakhe abangcwele endulo.

²²Ngoba uMozisi wathi kubobaba: INkosi uNkulunkulu wenu izalivusela umprofethi kubazalwane benu onjengami; yena lizamlalela kukho konke azakukhuluma kini.

²³Njalo kuzakuthi, wonke umphefumulo, loba ngubani ongayikumlalela lowomprofethi, uzachithwa ebantwini.

²⁴Njalo labaprofethi bonke, kusukela kuSamuweli labalandelayo, bonke abakhulumayo, bamemezela phambili lezinsuku.

²⁵Lina lingabantwana babaprofethi, labesivumelwano uNkulunkulu asenza labobaba bethu, esithi kuAbrahama: Langenzalo yakho zizabusiswa zonke izizukulwana zomhlaba.

²⁶UNkulunkulu, eseyivusile iNdodana yakhe uJesu, wayithuma kini kuqala ukulibusisa, ngokuliphendula ngulowo lalowo ebubini bakhe.