Read Ndebele-IBhayibhili Elingcwele 2006 Izenzo Zabapostoli 5 Bible Online

Izenzo Zabapostoli 5 - Ndebele-IBhayibhili Elingcwele 2006 bible

Izenzo Zabapostoli 5

¹Kodwa indoda ethile uAnaniya ngebizo, loSafira umkakhe, bathengisa impahla,

²yagodla entengweni, lomkakhe ekwazi, yaletha ingxenye ethile ya yi beka enyaweni zabaphostoli.

³Kodwa uPetro wathi: Ananiya, kungani uSathane egcwalise inhliziyo yakho, uqambe amanga kuMoya oyiNgcwele, njalo ugodle entengweni yesiqinti?

⁴Sisekhona besingesiso esakho, sesithengisiwe besingekho emandleni akho yini? Kungani ukuthi ubeke lesisenzo enhliziyweni yakho? Kawuqambanga amanga ebantwini kodwa kuNkulunkulu.

⁵Kwathi uAnaniya esizwa lamazwi, wawela phansi waphela; lokwesaba okukhulu kwehlela phezu kwabo bonke abazizwayo lezizinto.

⁶Lamajaha asuka amgoqela ase m thwalela ngaphandle a m ngcwaba.

⁷Kwasekusithi sekungaba ngamahola amathathu kwedlule, lomkakhe wangena engakwazi okwenzakeleyo.

⁸UPetro wasemphendula wathi: Ngitshele ukuthi isiqinti lisithengise ngokungaka. Wasesithi: Yebo, ngokungaka.

⁹UPetro wasesithi kuye: Kungani ukuthi livumelane ukulinga uMoya weNkosi? Khangela, inyawo zabangcwabe indoda yakho zisemnyango, lawe bazakuthwalela ngaphandle.

¹⁰Njalo wahle wawela phansi enyaweni zakhe, wasephela; lamajaha engena amfica esefile, ase m thwalela ngaphandle a m ngcwaba eduze kwendoda yakhe.

¹¹Lokwesaba okukhulu kwehlela phezu kwebandla lonke, lakubo bonke abazizwayo lezizinto.

¹²Njalo ngezandla zabaphostoli kwenziwa izibonakaliso lezimangaliso ezinengi ebantwini; babenhliziyonye bonke ekhulusini likaSolomoni.

¹³Kodwa kwabanye kwakungekho olesibindi sokuzihlanganisa labo, kodwa abantu babebahlonipha kakhulu;

¹⁴njalo abakholwayo bengezelelwa banda eNkosini, amaxuku womabili amadoda labesifazana;

¹⁵baze bathwalela phandle emigwaqweni abagulayo, basebe ba beka ezinhlakeni lemacansini, ukuze kuthi lapho uPetro esiza ngitsho isithunzi sibasibekele abanye babo.

¹⁶Njalo lamaxuku avela emizini ezingelezeleyo babuthana ndawonye eJerusalema, beletha abagulayo labahlutshwa ngomoya abangcolileyo, basiliswa bonke.

¹⁷Kwasekusukuma umpristi omkhulu labo bonke ababelaye abangabehlelo labaSadusi, bagcwala umona,

¹⁸babadumela abaphostoli ngezandla zabo, basebebafaka esitokisini sabantu.

¹⁹Kodwa ebusuku ingilosi yeNkosi yavula iminyango yentolongo yabakhupha yathi:

²⁰Hambani, njalo lime likhulume ethempelini ebantwini wonke amazwi alimpilo.

²¹Kwathi sebezwile, bangena ethempelini emadabukakusa, bafundisa. Kodwa kwasekufika umpristi omkhulu lalabo ababelaye, babizela ndawonye umphakathi labo bonke abadala babantwana bakoIsrayeli, bathumela entolongweni ukubaletha.

²²Kodwa kwathi abancedisi befika kababaficanga entolongweni; babuyela emuva babika,

²³besithi: Intolongo siyifice ivaliwe konke kuqinile, labalindi bemi phandle phambi kweminyango; kodwa sesivulile, phakathi kasificanga muntu.

²⁴Njalo kwathi umpristi lenduna yethempeli labapristi abakhulu bezwe lamazwi, badideka kakhulu ngabo, ukuthi lokhu kuzakuba yini.

²⁵Kwasekufika omunye wabatshela wathi: Khangelani, amadoda ebeliwafake entolongweni ami ethempelini afundisa abantu.

²⁶Yasihamba induna labancedisi babaletha, kungeyisikho ngamandla, ngoba babesesaba abantu, ukuze bangakhandwa ngamatshe.

²⁷Sebebalethile ba ba misa phambi komphakathi. Umpristi omkhulu wasebabuza,

²⁸esithi: Kasililayisisanga yini ukuthi lingafundisi ngalelibizo? Kodwa khangelani seligcwalise iJerusalema ngemfundiso yenu, liqonde ukwehlisela igazi lalumuntu phezu kwethu.

²⁹Kodwa uPetro labaphostoli baphendula bathi: Kumele ukulalela uNkulunkulu kulabantu.

³⁰UNkulunkulu wabobaba bethu wamvusa uJesu, elambulala lina, lim phanyeka esihlahleni.

³¹Yena lo, uNkulunkulu wamphakamisa ngesandla sakhe sokunene, abe nguMkhokheli loMsindisi, ukunika uIsrayeli ukuphenduka lothethelelo lwezono.

³²Njalo thina singabafakazi bakhe balezizinto, njalo loMoya oyiNgcwele, uNkulunkulu amnike labo abamlalelayo.

³³Kwathi sebezwile lokhu bathukuthela kakhulu, benza icebo lokubabulala.

³⁴Kwasekusukuma umFarisi othile emphakathini, uGamaliyeli ngebizo, umfundisi womlayo, ohlonitshwa yibo bonke abantu, walaya ukuthi ba khuphele phandle abaphostoli okwesikhatshana.

³⁵Wasesithi kubo: Madoda maIsrayeli, ziqapheleni mayelana lalababantu, elizakwenza.

³⁶Ngoba ngaphambi kwalezinsuku kwasuka uTewuda, esithi yena ungumuntu, lahlanganyela laye inani lamadoda angaba ngamakhulu amane; wabulawa, labo bonke ababemlalela bachitheka baphela.

³⁷Emva kwakhe kwasuka uJudasi umGalili ensukwini zokubalwa, wadonsela abantu abanengi ngemva kwakhe; laye wabhubha, lalabo bonke ababemlalela bachitheka.

³⁸Njalo khathesi ngithi kini: Dedani kulababantu, libayekele; ngoba uba lelicebo kumbe lumsebenzi ungowabantu, uzachitheka;

³⁹kodwa uba ungokaNkulunkulu, lingeke lawuchitha, hlezi lificwe ngitsho lingabalwayo loNkulunkulu.

⁴⁰Basebemlalela; sebebabizele kubo abaphostoli ba ba tshaya, ba ba laya ukuthi bangakhulumi ngebizo likaJesu, basebebakhulula.

⁴¹Ngakho basuka ebusweni bomphakathi, bethokoza ukuthi kwakubafanele ukudunyazwa ngenxa yebizo lakhe.

⁴²Njalo insuku zonke, ethempelini lakundlu ngendlu, kabayekelanga ukufundisa lokutshumayela uJesu Kristu.