Read Ndebele-IBhayibhili Elingcwele 2006 Izenzo Zabapostoli 9 Bible Online

Izenzo Zabapostoli 9 - Ndebele-IBhayibhili Elingcwele 2006 bible

Izenzo Zabapostoli 9

¹Kwathi uSawuli, esaphefumula insongo lokubulala emelane labafundi beNkosi, waya kumpristi omkhulu,

²wacela kuye incwadi zokuya eDamaseko kumasinagoge, ukuze kuthi uba ethola abanye baleyondlela amadoda kanye labafazi, a ba lethe eJerusalema bebotshiwe.

³Kwathi ekuhambeni, kwenzeka ukuthi esesondele eDamaseko; njalo kwahle kwamphazimela inhlangothi zonke ukukhanya okuvela ezulwini;

⁴njalo ewela emhlabathini, wezwa ilizwi lisithi kuye: Sawuli, Sawuli, ungizingelelani?

⁵Wasesithi: Ungubani, Nkosi? INkosi yasisithi: Mina nginguJesu omzingelayo; kulukhuni kuwe ukukhahlelana lezincijo.

⁶Ethuthumela njalo emangala wathi: Nkosi, uthanda ukuthi ngenzeni? LeNkosi yathi kuye: Sukuma ungene emzini, njalo uzatshelwa lokho omele ukwenze.

⁷Lamadoda ayehamba laye ayemi engelakukhuluma, esizwa ilizwi, kodwa engaboni muntu.

⁸USawuli wasevuka emhlabathini; kwathi esevule amehlo akhe, kabonanga muntu. Basebe m bamba ngesandla, bamusa eDamaseko.

⁹Wasesiba lensuku ezintathu engaboni, njalo engadli futhi enganathi.

¹⁰Kwakukhona eDamaseko umfundi othile uAnaniya ngebizo; iNkosi yasisithi kuye ngombono: Ananiya! Wasesithi: Khangela ngi lapha, Nkosi.

¹¹INkosi yasisi thi kuye: Sukuma uye endleleni ethiwa iQondile, udinge endlini kaJudasi umuntu, uSawuli ngebizo, weTarsu; ngoba khangela uyakhuleka,

¹²njalo ubonile ngombono umuntu, uAnaniya ngebizo, engena ebeka isandla phezu kwakhe, ukuze emukele ukubona.

¹³Kodwa uAnaniya waphendula wathi: Nkosi, ngizwile ngabanengi ngalindoda, kungakanani okubi akwenzileyo kwabangcwele bakho eJerusalema;

¹⁴lalapha ulamandla avela kubapristi abakhulu, okubopha bonke labo ababiza ibizo lakho.

¹⁵Kodwa iNkosi yathi kuye: Hamba, ngoba lowo uyisitsha sami esikhethiweyo, ukuphatha ibizo lami phambi kwezizwe lamakhosi, labantwana bakoIsrayeli;

¹⁶ngoba mina ngizamtshengisa ukuthi umele ukuhlupheka kangakanani ngenxa yebizo lami.

¹⁷UAnaniya wasesuka wangena endlini, wabeka izandla zakhe phezu kwakhe esithi: Sawuli mzalwane, iNkosi ingithumile, uJesu obonakele kuwe endleleni oze ngayo, ukuze ubuye ubone njalo ugcwaliswe ngoMoya oNgcwele.

¹⁸Kwahle kwawa emehlweni akhe kwangathi zinkwethu, wahle wabuye wabona, njalo esukuma wabhabhathizwa,

¹⁹njalo esedlile wathola amandla. USawuli wasehlala labafundi ababeseDamaseko insuku ezithile.

²⁰Wahle-ke watshumayela uKristu emasinagogeni, ukuthi yena uyiNdodana kaNkulunkulu.

²¹Njalo bonke abezwayo basanganiseka bathi: Lo kayisuye yini owachitha eJerusalema labo ababiza lelibizo, lalapha uzele lokho ukuthi abaqhube bebotshiwe abase kubapristi abakhulu?

²²Kodwa uSawuli waqiniswa kakhulu, waphithizelisa amaJuda akhileyo eDamaseko, eqinisa ukuthi lo unguye uKristu.

²³Kwathi sezigcwalisiwe insuku ezinengi, amaJuda enza icebo ndawonye ukuthi ambulale;

²⁴kodwa iqhinga lawo laziwa nguSawuli. Aselinda emasangweni emini lebusuku, ukuze ambulale;

²⁵kodwa abafundi bamthatha ebusuku, ba m ehlisela emthangaleni be m ehlisa ngesilulu.

²⁶Kwathi uSawuli esefikile eJerusalema, wazama ukuzihlanganisa labafundi; kodwa bonke bamesaba, bengakholwa ukuthi ungumfundi.

²⁷Kodwa uBarnabasi wamthatha wa m usa kubaphostoli, wabalandisela ukuthi uyibone njani iNkosi endleleni, lokuthi ikhulumile kuye, lokuthi eDamaseko ukhulume njani ngesibindi ebizweni likaJesu.

²⁸Wasehlala labo engena ephuma eJerusalema,

²⁹wasekhuluma ngesibindi ngebizo leNkosi uJesu, wakhuluma njalo futhi ephikisana lamaHelenisiti*; kodwa bazama ukumbulala.

³⁰Kodwa abazalwane sebekwazi bamehlisela eKesariya, basebemthuma eTarsu.

³¹Ngakho amabandla kuyo yonke iJudiya leGalili leSamariya aba lokuthula, esakheka, ehamba ekwesabeni iNkosi langenduduzo kaMoya oNgcwele, anda.

³²Kwasekusithi uPetro edabula indawo zonke wehlela lakwabangcwele abahlala eLida.

³³Wasefica khona umuntu othile uEneya ngebizo, owayeselele ecansini iminyaka eyisificaminwembili, eyisigoga.

³⁴UPetro wasesithi kuye: Eneya, uJesu Kristu uyakusilisa; sukuma uzendlalele icansi. Njalo wahle wasukuma.

³⁵Basebembona bonke abakhileyo eLida leSaroni, abaphendukela eNkosini.

³⁶Kwakukhona eJopha umfundikazi othile, uTabitha ngebizo, okungokuchasiswa kuthiwa nguDorkasi; lo wayegcwele imisebenzi emihle lemisebenzi yomusa ayenzayo.

³⁷Kwasekusithi kulezonsuku wagula wafa; sebemgezisile ba m lalisa endlini ephezulu.

³⁸Njalo njengoba iLida yayiseduze leJopha, abafundi sebezwile ukuthi uPetro wayekhona kulo, bathuma amadoda amabili kuye, be m ncenga ukuthi angaphuzi ukuza kubo.

³⁹UPetro wasesukuma wahamba labo; okwathi esefikile ba m thatha ba m usa endlini ephezulu, labafelokazi bonke bema laye bekhala bemtshengisa izembatho lezigqoko uDorkasi ayezenzile eselabo.

⁴⁰Kodwa uPetro esebakhuphele phandle bonke eguqa ngamadolo wakhuleka; esetshibilikela esidunjini, wathi: Tabitha, vuka ! Wasevula amehlo akhe; wabona uPetro, walulama.

⁴¹Wamelulela isandla, wamsukumisa; esebize abangcwele labafelokazi, wa ba nika ephila.

⁴²Kwasekusaziwa kuyo yonke iJopha, labanengi bakholwa eNkosini.

⁴³Kwenzeka ukuthi ahlale eJopha insuku ezinengi loSimoni othile umtshuki wezikhumba.