Read Ndebele-IBhayibhili Elingcwele 2006 Kweberoma 12 Bible Online

Kweberoma 12 - Ndebele-IBhayibhili Elingcwele 2006 bible

Kweberoma 12

¹Ngakho, bazalwane, ngiyalincenga ukuthi, ngezihawu zikaNkulunkulu, linikele imizimba yenu ibe ngumhlatshelo ophilileyo, ongcwele, owemukelekayo kuNkulunkulu, kube y inkonzo yenu yokuqedisisa.

²Njalo lingalingisi lumhlaba, kodwa liguqulwe ngokwenziwa zibentsha ingqondo zenu, ukuze lihlolisise okuyintando kaNkulunkulu elungileyo leyemukelekayo lepheleleyo.

³Ngoba ngomusa engiwuphiweyo, ngithi kuwo wonke ophakathi kwenu ukuthi angacabangi ukuthi mkhulu kulalokho afanele ukukucabanga, kodwa acabange ngokuqonda, njengalokhu uNkulunkulu abele ngulowo lalowo isilinganiso sokholo.

⁴Ngoba njengoba silezitho ezinengi emzimbeni munye, kodwa izitho zonke kazilamsebenzi ofananayo;

⁵kunjalo thina esibanengi singumzimba munye kuKristu, kodwa siyizitho omunye komunye.

⁶Njalo silezipho ezehlukeneyo ngokomusa esiwuphiweyo; zingaba yikuprofetha, asiprofethe ngokwesilinganiso sokholo;

⁷kumbe yikukhonza, asisebenze enkonzweni; kumbe ofundisayo, ekufundiseni;

⁸kumbe olayayo, ekulayeni; ophanayo, kanike ngobuqotho; obusayo, ngokukhuthala; olesihawu, ngentokozo.

⁹Uthando kalube qotho. Yenyanyani okubi, libambelele kokulungileyo.

¹⁰Thandanani kakhulu ngothando lobuzalwane; ekuhloniphaneni phathani abanye ngcono kulani;

¹¹lingabi ngamavila ekukhuthaleni; livuthe emoyeni; likhonza iNkosi;

¹²lithokoza ethembeni; libekezela ekuhluphekeni; liphikelela emkhulekweni;

¹³yabelani kunswelo zabangcwele; likhuthalele ukuphana kuzihambi.

¹⁴Babusiseni abalizingelayo; busisani, lingaqalekisi.

¹⁵Thokozani labathokozayo, likhale labakhalayo.

¹⁶Kalibe lenhliziyonye komunye lomunye. Lingakhumbuli ngezinto eziphakemeyo, kodwa lihlangane labathobekileyo. Lingazitshayi abahlakaniphileyo.

¹⁷Lingaphindiseli muntu okubi ngokubi. Linakane okudumisekayo phambi kwabantu bonke.

¹⁸Uba kungenzeka, ng okukini, hlalani ngokuthula labantu bonke.

¹⁹Bathandiweyo, lingaziphindiseli, kodwa nikani ulaka indawo; ngoba kulotshiwe ukuthi: Ngeyami impindiselo, mina ngizabuyisela, kutsho iNkosi.

²⁰Ngakho nxa isitha sakho silambile, siphe ukudla; nxa somile, sinathise; ngoba ngokwenza lokho, usibekela amalahle avuthayo phezu kwekhanda laso.

²¹Unganqotshwa ngokubi, kodwa nqoba okubi ngokuhle.