Read Ndebele-IBhayibhili Elingcwele 2006 Kweberoma 14 Bible Online

Kweberoma 14 - Ndebele-IBhayibhili Elingcwele 2006 bible

Kweberoma 14

¹Lowo obuthakathaka ekholweni memukeleni, kungabi ngokokuphikisana kwemibono.

²Omunye ukholwa ukuthi a nga dla konke, kodwa obuthakathaka udla imibhida.

³Lowo odlayo kangamdeleli ongadliyo, longadliyo kangamgwebi odlayo; ngoba uNkulunkulu umemukele.

⁴Ungubani wena ogweba inceku yomunye? Ukuma kumbe ukuwa kungokweyayo inkosi. Izakuma isibili; ngoba uNkulunkulu ulamandla okuyimisa.

⁵Omunye wazisa usuku kulo lunye usuku, omunye wazisa insuku zonke. Kakube ngulowo lalowo aqiniseke kweyakhe ingqondo.

⁶Owazisa usuku, u l wazisa eNkosini; longalwazisiyo usuku, ka l wazisi eNkosini. Lodlayo udla eNkosini, ngoba ebonga uNkulunkulu; longadliyo akadli eNkosini, njalo ebonga uNkulunkulu.

⁷Ngoba kakho phakathi kwethu oziphilelayo, njalo kakho ozifelayo.

⁸Ngoba uba siphila, siphilela iNkosi; uba-ke sisifa, sifela iNkosi; ngakho loba siphila, loba sisifa, singabeNkosi.

⁹Ngoba kulokhu uKristu laye wafa, wavuka, wabuya waphila, ukuze abe yiNkosi yabafileyo kanye labaphilayo.

¹⁰Wena-ke umgwebelani umzalwane wakho? Kumbe lawe umdelelelani umzalwane wakho? Ngoba sonke sizakuma phambi kwesihlalo sokwahlulela sikaKristu.

¹¹Ngoba kulotshiwe ukuthi: Mina ngiyaphila, itsho iNkosi; lonke idolo lizaguqa phambi kwami, lalo lonke ulimi luzamvuma uNkulunkulu.

¹²Ngakho ngulowo lalowo wethu uzaziphendulela ngokwakhe kuNkulunkulu.

¹³Ngakho kasingabe sisahlulelana; kodwa ahlulelani lokho ikakhulu, ukuthi singambekeli umzalwane isikhubekiso loba ulutho lokumwisa.

¹⁴Ngiyazi njalo ngiqinisekisile eNkosini uJesu, ukuthi kakulalutho olungcolileyo ngokwalo; ngaphandle kwalowo ocabangela ulutho ukuthi lungcolile, kuye lungcolile.

¹⁵Kodwa uba umzalwane wakho ekhutshwa yikudla, kawusahambi ngokothando. Ungambhubhisi ngokudla kwakho lowo, amfelayo uKristu.

¹⁶Ngakho okuhle kini kakungahlanjazwa;

¹⁷ngoba umbuso kaNkulunkulu kawusikho ukudla lokunatha, kodwa ukulunga lokuthula lentokozo kuMoya oNgcwele.

¹⁸Ngoba okhonza uKristu kulezizinto uyemukeleka kuNkulunkulu, njalo ukholekile ebantwini.

¹⁹Ngakho asidingisise izinto zokuthula, lezinto zokwakhisana.

²⁰Ungawuchithi umsebenzi kaNkulunkulu ngenxa yokudla. Konke kuhlambulukile, kanti kubi kumuntu odla ngokukhubekisa.

²¹Kuhle ukungadli inyama, lokunganathi iwayini, lokunye umzalwane wakho akhubeka ngakho kumbe acunulwe kumbe abebuthakathaka.

²²Ulokholo yini? Woba la lo ngokwakho phambi kukaNkulunkulu. Ubusisiwe lowo ongazigwebiyo ngalokho akuvumelayo !

²³Kodwa othandabuzayo, uba esidla, ulahliwe, ngoba aku veli ekholweni; njalo konke okungaveli ekholweni, kuyisono.