Read Ndebele-IBhayibhili Elingcwele 2006 Kweberoma 6 Bible Online

Kweberoma 6 - Ndebele-IBhayibhili Elingcwele 2006 bible

Kweberoma 6

¹Ngakho sizakuthini? Sizahlala yini esonweni, ukuze kwande umusa?

²Phinde ! Thina esafa mayelana lesono, sizaphila njani kuso futhi?

³Kalazi yini ukuthi thina sonke esabhabhathizelwa kuKristu Jesu, sabhabhathizelwa ekufeni kwakhe?

⁴Ngakho sangcwatshwa laye ngobhabhathizo ekufeni; ukuze, njengoba uKristu wavuswa kwabafileyo ngobukhosi bukaYise, ngokunjalo lathi sihambe ebutsheni bempilo.

⁵Ngoba uba sihlanyelwe kanye laye ekufananeni kokufa kwakhe, sizakuba njalo ekufananeni kokuvuka kwakhe;

⁶sisazi lokhu, ukuthi umuntu wethu omdala ubethelwe la ye, ukuze umzimba wesono ubhujiswe, ukuze singabe sisakhonza isono;

⁷ngoba ofileyo ukhululiwe esonweni.

⁸Njalo uba sifile kanye loKristu, siyakholwa ukuthi sizaphila futhi kanye laye;

⁹sisazi ukuthi uKristu esevusiwe kwabafileyo kasafi futhi; ukufa kungeke kusabusa phezu kwakhe.

¹⁰Ngoba lokhu wafa, wafela isono kanye; kodwa lokhu ephila, uphilela uNkulunkulu.

¹¹Ngokunjalo lani zinakaneni sibili lifile esonweni, kodwa liphilele uNkulunkulu kuKristu Jesu iNkosi yethu.

¹²Ngakho kakumelanga isono sibuse emzimbeni wenu ofayo, lize lilalele inkanuko zawo;

¹³njalo linganikeli izitho zenu zibe yizikhali zokungalungi esonweni; kodwa zinikeleni lina kuNkulunkulu njengabaphilayo kwabafileyo, njalo linikele izitho zenu kuNkulunkulu zibe yizikhali zokulunga;

¹⁴ngoba isono kasiyikubusa phezu kwenu; ngoba kalikho ngaphansi komlayo, kodwa ngaphansi komusa.

¹⁵Pho-ke? Sizakona yini, ngoba singekho ngaphansi komlayo, kodwa ngaphansi komusa? Phinde !

¹⁶Kalazi yini ukuthi lowo elizinikela kuye ukuze libe yizigqili zoku m lalela, liyizigqili zakhe elimlalelayo, loba ezesono kube yikufa, loba ezokulalela kube yikulunga?

¹⁷Kodwa kabongwe uNkulunkulu, ukuthi lina lake laba yizigqili zesono, kodwa se lilalela enhliziyweni isibonelelo semfundiso elanikelwa kuso;

¹⁸njalo likhululiwe esonweni, lenziwe izigqili zokulunga.

¹⁹Ngikhuluma ngokwabantu ngenxa yobuthakathaka benyama yenu; ngoba njengalokho lanikela izitho zenu njeng ezigqili zamanyala lokubi kube ngokubi, ngokunjalo zinikeleni izitho zenu khathesi njeng ezigqili zokulunga, kube yibungcwele.

²⁰Ngoba lapho liyizigqili zesono, lalikhululekile ekulungeni.

²¹Ngakho sithelobani elilaso ezintweni ngalesosikhathi eselilenhloni ngazo? Ngoba ukucina kwalezizinto yikufa.

²²Kodwa khathesi-ke selikhululiwe esonweni, njalo selenziwe izigqili kuNkulunkulu, lilesithelo senu kube yibungcwele, lokucina kuyimpilo elaphakade.

²³Ngoba inkokhelo yesono iyikufa, kodwa isipho somusa sikaNkulunkulu siyimpilo elaphakade ngoKristu Jesu iNkosi yethu.