Read Ndebele-IBhayibhili Elingcwele 2006 Kweberoma 7 Bible Online

Kweberoma 7 - Ndebele-IBhayibhili Elingcwele 2006 bible

Kweberoma 7

¹Kalazi yini, bazalwane (ngoba ngikhuluma lalabo abawaziyo umlayo), ukuthi umlayo ubusa umuntu selokhu esaphila?

²Ngoba umfazi owendileyo ubotshelwe ngomlayo endodeni ephilayo; kodwa uba indoda isifile, ukhululiwe emlayweni wendoda.

³Ngakho uba indoda isaphila, uzathiwa yisifebe uba esiba ngowenye indoda; kodwa uba indoda isifile, ukhululekile emlayweni, ukuze angabi yisifebe uba esiba ngowenye indoda.

⁴Ngakho, bazalwane bami, selenziwe lafa lani emlayweni ngomzimba kaKristu, ukuze libe ngabomunye, ngabalowo owavuswa kwabafileyo, ukuze sithelele uNkulunkulu izithelo.

⁵Ngoba sathi sisenyameni, inkanuko zesono ezingomlayo zasebenza ezithweni zethu ukuthelela ukufa izithelo.

⁶Kodwa khathesi-ke sesikhululiwe emthethweni, sifile mayelana lalokho esasibanjwe yikho, ukuze sikhonze ngobutsha bomoya, njalo kungeyisikho ngobudala bokulotshiweyo.

⁷Pho-ke sizakuthini? Umthetho uyisono yini? Phinde ! Kodwa bengingasazi isono, ngaphandle ngomthetho; ngoba bengingawazi umhawu futhi, uba umthetho ubungatshongo ukuthi: Ungabi lomhawu.

⁸Kodwa isono, sizuze ithuba ngomthetho, sasebenza kimi umhawu wonke; ngoba ngaphandle komlayo isono sifile.

⁹Mina-ke ngake ngaphila ngaphandle komlayo; kodwa kwathi sekufike umthetho, isono savuka, njalo ngafa mina;

¹⁰njalo umthetho ongowempilo, wona waficwa yimi ungowokufa;

¹¹ngoba isono, sizuze ithuba ngomthetho, sangikhohlisa, sangibulala ngawo.

¹²Ngakho umthetho ungcwele, lomlayo ungcwele njalo ulungile, futhi muhle.

¹³Ngakho okulungileyo kwaba yikufa kimi yini? Phinde! Kodwa isono, ukuze sibonakaliswe ukuthi siyisono, sisebenza ukufa kimi ngokulungileyo; ukuze isono ngomthetho sibe yikonakala okukhulu kakhulu.

¹⁴Ngoba siyazi ukuthi umthetho ungowomoya; kanti mina ngingowenyama, ngithengisiwe ngaphansi kwesono.

¹⁵Ngoba lokhu engikwenzayo, angivumelani lakho; ngoba kakusikho engikuthandayo, lokho engikwenzayo; kodwa lokho engikuzondayo, yikho engikwenzayo.

¹⁶Uba ngisenza lokho engingakuthandiyo, ngiyawuvumela umthetho ukuthi ulungile.

¹⁷Kodwa khathesi-ke kakuseyimi engikwenzayo, kodwa yisono esihlala kimi.

¹⁸Ngoba ngiyazi ukuthi kimi, lokhu kuyikuthi enyameni yami, kakuhlali okuhle; ngoba kukhona ukuthanda kimi, kodwa ukwenza okuhle kangikutholi.

¹⁹Ngoba okuhle engikuthandayo, kangikwenzi; kodwa okubi engingakuthandiyo, yikho engikwenzayo.

²⁰Kodwa uba ngisenza lokho mina engingakuthandiyo, kakuseyimi engikwenzayo, kodwa yisono esihlala kimi.

²¹Ngakho ngithola umthetho wokuthi lapho ngithanda ukwenza okuhle, okubi kukhona kimi.

²²Ngoba ngiyathokoza emthethweni kaNkulunkulu ngomuntu ophakathi;

²³kodwa ngibona ezithweni zami omunye umthetho olwa lomthetho wengqondo yami, longithumbela emthethweni wesono osezithweni zami.

²⁴Mina muntu olusizi! Ngubani ozangikhulula kulumzimba walokhukufa?

²⁵Ngiyabonga uNkulunkulu ngoJesu Kristu iNkosi yethu. Ngalokho-ke mina ngokwami ngikhonza umthetho kaNkulunkulu ngengqondo, kodwa ngenyama umthetho wesono.