Read Ndebele-IBhayibhili Elingcwele 2006 Kweberoma 9 Bible Online

Kweberoma 9 - Ndebele-IBhayibhili Elingcwele 2006 bible

Kweberoma 9

¹Ngikhuluma iqiniso kuKristu, kangiqambi manga, isazela sami sifakazelana la mi ngoMoya oNgcwele,

²ukuthi ngilokudabuka okukhulu, lobuhlungu obungapheliyo enhliziyweni yami.

³Ngoba ngifisa ukuthi mina uqobo ngiqalekiswe kuKristu ngenxa yabazalwane bami, izihlobo zami ngokwenyama;

⁴abangamaIsrayeli, okungokwabo ukuma kwabantwana, lenkazimulo, lezivumelwano, lokunikwa komlayo, lenkonzo kaNkulunkulu, lezithembiso,

⁵abangababo obaba, njalo avela kubo uKristu ngokwenyama, ophezu kwakho konke, uNkulunkulu obongekayo kuze kube nininini. Ameni.

⁶Kodwa kakunjengokuthi ilizwi likaNkulunkulu lehlulekile. Ngoba kakusibo bonke abavela kuIsrayeli, abanguIsrayeli;

⁷kungesikuthi ngoba bayinzalo kaAbrahama, bonke bangabantwana; kodwa: NgoIsaka inzalo izabizelwa kuwe.

⁸Lokhu kutsho ukuthi, kakusibo abantwana benyama, bona bangabantwana bakaNkulunkulu; kodwa abantwana besithembiso bathiwa yinzalo.

⁹Ngoba ilizwi lesithembiso yileli elokuthi: Ngalesisikhathi ngizafika, njalo uSara uzakuba lendodana.

¹⁰Kakusikho lokhu kuphela, kodwa loRebeka esekhulelwe ngomunye, ubaba wethu uIsaka;

¹¹ngoba abantwana bengakazalwa, bengakenzi okuhle loba okubi, ukuze icebo likaNkulunkulu elingokokukhetha lime, kungaveli emisebenzini, kodwa kuvele kobizayo,

¹²kwatshiwo kuye ukuthi: Omkhulu uzakhonza omncinyane,

¹³njengokulotshiweyo ukuthi: UJakobe ngamthanda, kodwa uEsawu ngamzonda.

¹⁴Pho-ke sizakuthini? Kukhona ukungalungi kuNkulunkulu yini? Phinde !

¹⁵Ngoba uthi kuMozisi: Ngizakuba lomusa kwengilomusa kuye, njalo ngimhawukele engimhawukelayo.

¹⁶Ngakho ka ku sikho kothandayo, njalo ka ku sikho kogijimayo, kodwa ngo kukaNkulunkulu olesihawu.

¹⁷Ngoba umbhalo uthi kuFaro: Ngakuphakamisela khona lokho, ukuze ngibonakalise amandla ami ngawe, njalo ukuze ibizo lami litshunyayelwe emhlabeni wonke.

¹⁸Ngakho uhawukela lowo athanda ukumhawukela; njalo amenze abe lukhuni lowo athanda ukumenza lukhuni.

¹⁹Ngakho uzakuthi kimi: Usasolelani? Ngoba ngubani ongamelana lentando yakhe?

²⁰Hatshi bo, muntu, ungubani wena ophikisana loNkulunkulu? Okubunjiweyo kungatsho yini kowa ku bumbayo ukuthi: Wangenzelani ngabanje?

²¹Kumbe umbumbi kalagunya yini phezu kwebumba, ukuthi ngesigaqa sisinye enze isitsha esinye esihloniphekayo, lesinye esingahloniphekiyo?

²²Njalo uba uNkulunkulu ethanda ukubonakalisa ulaka lwakhe, lokwazisa amandla akhe, wathwala ngokubekezela okukhulu izitsha zolaka ezilungiselwe ukubhujiswa;

²³njalo ukuze azise inotho yenkazimulo yakhe phezu kwezitsha zomusa, ayezilungisele ngaphambili inkazimulo,

²⁴azibizileyo futhi esiyizo thina, kungeyisikho kumaJuda kuphela, kodwa lakwabezizwe?

²⁵Njengalokhu akutsho lakuHoseya: Abangeyisibo abantu bami ngizababiza ngokuthi ngabantu bami; lowayengathandwa ngokuthi ngothandekayo;

²⁶njalo kuzakuthi, endaweni lapho kwathiwa kibo: Kalisibo abantu bami, lapho bazabizwa ngokuthi ngabantwana bakaNkulunkulu ophilayo.

²⁷LoIsaya umemeza ngoIsrayeli esithi: Lanxa inani labantwana bakoIsrayeli lingangetshebetshebe lolwandle, insali izasindiswa;

²⁸ngoba uqeda isenzo njalo a si qume ngokulunga; ngoba iNkosi izakwenza isenzo siqunywe ngokuphangisa emhlabeni.

²⁹Njalo njengoba uIsaya watsho ngaphambili ukuthi: Uba iNkosi yamabandla ibingasitshiyelanga inzalo, besizakuba njengeSodoma, njalo besizakwenziwa sifanane leGomora.

³⁰Pho sizakuthini? Ukuthi abezizwe abangadingisisi ukulunga, bakubambile ukulunga, ukulunga-ke okungokholo;

³¹kodwa uIsrayeli, edingisisa umlayo wokulunga, kawufinyelelanga umlayo wokulunga.

³²Ngani? Ngoba kaba dingisis anga ngokholo, kodwa ngokungathi ngemisebenzi yomlayo; ngoba bakhubeka elitsheni lokukhubekisa,

³³njengokulotshiweyo ukuthi: Khangela ngibeka eSiyoni ilitshe lokukhubekisa ledwala lokuwisa; laye wonke okholwa kuye kayikuyangeka.