Read Ndebele-IBhayibhili Elingcwele 2006 1 Kwebekorinte 3 Bible Online

1 Kwebekorinte 3 - Ndebele-IBhayibhili Elingcwele 2006 bible

1 Kwebekorinte 3

¹Lami-ke, bazalwane, bengingelakukhuluma lani njengabomoya, kodwa njengakwabakwenyama, njengakwabayizingane kuKristu.

²Ngalinathisa uchago, kungeyisikho ukudla okuqinileyo; ngoba belingakenelisi, kodwa lakhathesi kalikenelisi;

³ngoba lisengabenyama; ngoba lokhu kukhona phakathi kwenu umhawu lokuphikisana lokwehlukana, kalisibo abenyama, lihamba ngokwabantu yini?

⁴Ngoba nxa omunye esithi: Mina ngingokaPawuli, lomunye athi: Mina okaApolosi, kalisibo yini abenyama?

⁵Kanti uPawuli uyini, loApolosi uyini, kodwa izisebenzi elakholwa ngazo, lanjengoba iNkosi yanika kulowo lalowo?

⁶Mina ngahlanyela, uApolosi wathelela, kodwa uNkulunkulu wakhulisa.

⁷Ngakho ohlanyelayo kasilutho, loba othelelayo, kodwa uNkulunkulu okhulisayo.

⁸Ohlanyelayo kanye lothelelayo banye; kodwa ngulowo lalowo uzakwemukela owakhe umvuzo njengowakhe umsebenzi.

⁹Ngoba siyizisebenzi zikaNkulunkulu kanye laye; liy insimu kaNkulunkulu, liyisakhiwo sikaNkulunkulu.

¹⁰Ngokomusa kaNkulunkulu engiwuphiweyo, njengomakhi omkhulu ohlakaniphileyo ngabeka isisekelo, lomunye wakha phezu kwaso. Kodwa kakube ngulowo lalowo abone ukuthi wakha njani phezu kwaso.

¹¹Ngoba akulamuntu ongabeka esinye isisekelo ngaphandle kwaleso esibekiweyo, esinguJesu Kristu.

¹²Kodwa uba umuntu esakhela phezu kwalesisisekelo igolide, isiliva, amatshe aligugu, izigodo, utshani, inhlanga,

¹³umsebenzi walowo lalowo uzavela obala; ngoba usuku luza wu dalula, ngoba luzavezwa emlilweni; umlilo uzahlola umsebenzi walowo lalowo ukuthi unjani.

¹⁴Uba umsebenzi womuntu awakhe phezulu usima, uzakwemukela umvuzo.

¹⁵Uba umsebenzi womuntu uzatshiswa, uzalahlekelwa; kodwa yena uqobo ezasindiswa, kodwa ngokunjalo njengangomlilo.

¹⁶Kalazi yini ukuthi lina lilithempeli likaNkulunkulu, lokuthi uMoya kaNkulunkulu uhlala kini?

¹⁷Uba umuntu echitha ithempeli likaNkulunkulu, uNkulunkulu uzamchitha yena; ngoba ithempeli likaNkulunkulu lingcwele, eliyini.

¹⁸Kakungabi khona ozikhohlisayo; uba umuntu phakathi kwenu ecabanga ukuthi uhlakaniphile kulumhlaba, kumele abe yisithutha, ukuze ahlakaniphe.

¹⁹Ngoba inhlakanipho yalumhlaba iyibuthutha kuNkulunkulu. Ngoba kulotshiwe ukuthi: Ubamba abahlakaniphileyo ebuqilini babo;

²⁰njalo lo kuthi: INkosi iyayazi imicabango yabahlakaniphileyo, ukuthi iyize.

²¹Ngakho kakungabi khona ozincoma ngabantu; ngoba zonke izinto ngezenu,

²²loba uPawuli, loba uApolosi, loba uKefasi, loba umhlaba, loba impilo, loba ukufa, loba izinto ezikhona, loba izinto ezizayo; konke ngokwenu,

²³lina-ke lingabakaKristu, loKristu ngokaNkulunkulu.