Read Ndebele-IBhayibhili Elingcwele 2006 2 Kwebekorinte 3 Bible Online

2 Kwebekorinte 3 - Ndebele-IBhayibhili Elingcwele 2006 bible

2 Kwebekorinte 3

¹Siqala siphinde ukuziveza yini? Kumbe siyadinga yini, njengabanye, izincwadi zoku si veza kini, loba zokuvezwa okuvela kini?

²Lina liyincwadi yethu, ebhalwe enhliziyweni zethu, eyaziwa ifundwe ngabantu bonke;

³libonakalisa ukuthi liyincwadi kaKristu esetshenziswa yithi, ebhalwe hatshi ngeyinki, kodwa ngoMoya kaNkulunkulu ophilayo, kungeyisikho ezibhebheni zamatshe, kodwa ezibhebheni zenyama yenhliziyo.

⁴Lethemba elinjalo silalo ngoKristu kuNkulunkulu;

⁵kungesikuthi siyenelisa thina ngokwethu ukucabanga ulutho njengoluvela kithi, kodwa ukwenelisa kwethu kuvela kuNkulunkulu;

⁶owasenza futhi senelisa ukuba yizikhonzi zesivumelwano esitsha, esingeyisiso sokulotshiweyo kodwa esikaMoya; ngoba okulotshiweyo kuyabulala, kodwa uMoya uyaphilisa.

⁷Kodwa uba inkonzo yokufa, emazwini, abazwe ematsheni, yafikela enkazimulweni, kwaze kwathi abantwana bakoIsrayeli behluleka ukujolozela ubuso bukaMozisi ngenxa yenkazimulo yobuso bakhe, eyenziwa yaphela,

⁸pho ingebe nkulu kangakanani inkonzo kaMoya izakuba enkazimulweni?

⁹Ngoba uba inkonzo yokulahlwa iyinkazimulo, kangakanani inkonzo yokulunga yengeziwe enkazimulweni.

¹⁰Ngoba lalokho okwake kwaba yinkazimulo, akuzange ngitsho kukhazimule ngalindlela, ngenxa yalinkazimulo eyidlulayo kakhulu.

¹¹Ngoba uba lokho okwenziwa kwaphela ku lenkazimulo, kangakanani lokho okumiyo, kusenkazimulweni.

¹²Ngakho silethemba elinje, sisebenzisa isibindi esikhulu ekukhulumeni;

¹³njalo kasinjengoMozisi owafaka isimbombozo ebusweni bakhe, ukuze abantwana bakoIsrayeli bangajolozeli isiphetho sento eyenziwa yaphela;

¹⁴kodwa ingqondo zabo zenziwa lukhuni; ngoba kuze kube lamuhla isimbombozo esifananayo sihlezi ekufundeni isivumelwano esidala singambombozwanga, esenziwa saphela kuKristu.

¹⁵Kodwa kuze kube lamuhla, nxa kufundwa uMozisi, isimbombozo siphezu kwenhliziyo yabo.

¹⁶Loba nini nxa ebuyela eNkosini, isimbombozo siyasuswa.

¹⁷LeNkosi inguMoya; lalapho akhona uMoya weNkosi, lapho kukhona inkululeko.

¹⁸Thina-ke, sonke esilobuso obembuliweyo sibona inkazimulo yeNkosi esibukweni, siyaguqulelwa esimeni esifananayo sisuka enkazimulweni sisiya enkazimulweni, njengokuvela kuMoya weNkosi.