Read Ndebele-IBhayibhili Elingcwele 2006 2 Kwebekorinte 5 Bible Online

2 Kwebekorinte 5 - Ndebele-IBhayibhili Elingcwele 2006 bible

2 Kwebekorinte 5

¹Ngoba siyazi ukuthi uba indlu yethu yemhlabeni yedumba idilizwa, silesakhiwo esivela kuNkulunkulu, indlu engenziwanga ngezandla, ephakade emazulwini.

²Ngoba lakule siyabubula, silangatha ukwembeswa ngendlu yethu evela ezulwini;

³uba lathi sesembathisiwe singaficwa size.

⁴Ngoba lathi esikhona ku leli dumba siyabubula sisindwa; ngoba kasifisi ukwembulwa kodwa ukwembeswa, ukuze okubhubhayo kuginywe yimpilo.

⁵Owasilungisela-ke khona lokhu nguNkulunkulu, futhi owasipha isibambiso sikaMoya.

⁶Ngakho silesibindi ngesikhathi sonke, sisazi ukuthi sisekhona ekhaya emzimbeni sikhatshana leNkosi,

⁷ngoba sihamba ngokholo, kungeyisikho ngokubona;

⁸ngakho silesibindi, njalo siyathaba kakhulu ukuba khatshana lomzimba, lokuba sekhaya leNkosi.

⁹Ngalokho-ke siyafisa kakhulu, loba sisekhaya, kumbe sikhatshana lekhaya, ukuthi sibe ngabemukelekayo kuye.

¹⁰Ngoba sonke simele ukubonakala phambi kwesihlalo sokwahlulela sikaKristu, ukuze ngulowo lalowo azamukelele izinto ezenziwe ngomzimba, njengalokhu akwenzileyo, loba kuhle kumbe kubi.

¹¹Ngakho sisazi ukwesabeka kweNkosi siyabancenga abantu, kodwa sibonakalisiwe kuNkulunkulu; njalo ngithemba ukuthi sibonakalisiwe lezazeleni zenu.

¹²Ngoba kasizivezi futhi kini, kodwa silinika ithuba lokuzincoma ngathi, ukuze libe la kho ukumelana labo abazincomayo ebusweni, kungeyisikho enhliziyweni.

¹³Ngoba uba sihlanya, ku kuNkulunkulu; uba siqondile, ku kini.

¹⁴Ngoba uthando lukaKristu luyasiqhubezela, sibona lokhu, ukuthi uba omunye wafela bonke, ngakho bonke bafa;

¹⁵njalo wafela bonke ukuze abaphilayo bangabe besaziphilela, kodwa lowo owabafelayo wabuye wavuka.

¹⁶Ngakho kusukela khathesi thina kasazi muntu ngokwenyama; lanxa lathi samazi uKristu ngokwenyama, kodwa khathesi kasisa m azi.

¹⁷Ukuze kuthi uba umuntu ekuKristu, uy isidalwa esitsha; okudala sekudlule, khangela konke sekukutsha.

¹⁸Konke lokhu-ke kuvela kuNkulunkulu, owabuyisana lathi ngoJesu Kristu kuye, wasinika inkonzo yokubuyisana;

¹⁹okunjengokuthi uNkulunkulu wayekuKristu ebuyisana lomhlaba kuye, engababaleli iziphambeko zabo, ebeka kithi ilizwi lokubuyisana.

²⁰Ngakho siyizithunywa esikhundleni sikaKristu, njengokungathi uNkulunkulu uyancenga ngathi; siyancenga esikhundleni sikaKristu sithi: Buyisanani loNkulunkulu.

²¹Ngoba lowo ongasazanga isono wamenza isono esikhundleni sethu, ukuze thina sibe yikulunga kukaNkulunkulu kuye.