Read Ndebele-IBhayibhili Elingcwele 2006 2 Kwebekorinte 8 Bible Online

2 Kwebekorinte 8 - Ndebele-IBhayibhili Elingcwele 2006 bible

2 Kwebekorinte 8

¹Sesiyalazisa, bazalwane, umusa kaNkulunkulu ophiwe emabandleni eMakedoniya;

²ukuthi ekulingweni okukhulu kwenhlupho, ukwengezelelwa kwentokozo yabo lobuyanga babo obujulileyo bengezelela enothweni yokuphana kwabo.

³Ngoba babekhululekile njengokwamandla abo, ngiyafakaza, langaphezu kwamandla abo,

⁴ngesicelo esikhulu basincenga, ukuthi semukele isipho lokuhlanganyela koncedo olungolwabangcwele;

⁵njalo kaku ba nga njengoba sathemba, kodwa bazinikela kuqala eNkosini, lakithi ngentando kaNkulunkulu.

⁶Kwaze kwathi sakhuthaza uTitosi ukuthi, njengalokhu wayeseqalile phambili, ngokunjalo awuqede futhi kini lumsebenzi womusa.

⁷Kodwa njengalokhu lisengezelela kukho konke, ekholweni, lelizwini, lelwazini, lekutshisekeni konke, lethandweni lwenu kithi, ukuze lakulumsebenzi womusa lengezelele.

⁸Kangikhulumi njengokulawula, kodwa ngokutshiseka kwabanye ngihlola lobuqotho bothando lwenu.

⁹Ngoba liyawazi umusa weNkosi yethu uJesu Kristu, ukuthi lanxa wayenothile, waba ngumyanga ngenxa yenu, ukuze ngobuyanga bakhe lina linothe.

¹⁰Lakulokhu ngipha umbono; ngoba lokhu kuluncedo kini, abaqala phambili nyakenye, kungeyisikwenza kuphela, kodwa lokufisa;

¹¹kodwa khathesi-ke qedani futhi ukwenza, ukuze, njengalokhu kukhona ukukhuthalela ukufisa, ngokunjalo kukhona lokuqedisa ngalokho elilakho.

¹²Ngoba uba kukhona ukufisa, umuntu uyemukeleka ngalokho alakho, kungeyisikho ngalokho angelakho.

¹³Ngoba kungeyisikuthi abanye babe lenkululeko, lina-ke libe lohlupho; kodwa ngokulingana, okwalesisikhathi isengezo senu sibe ngesenswelo yabo,

¹⁴ukuze kuthi lesengezo sabo sibe ngesenswelo yenu, ukuze kube khona ukulingana,

¹⁵njengokulotshiweyo ukuthi: O wabutha okunengi, kabanga lokusalayo; lo wabutha okuncinyane kasilelanga.

¹⁶Kodwa kabongwe uNkulunkulu ofaka inkuthalo efananayo ngani enhliziyweni kaTitosi,

¹⁷ukuthi isibili wemukela isikhuthazo, kodwa etshiseka kakhulu, wasuka waya kini ngesifiso sakhe.

¹⁸Njalo sithuma kanye laye umzalwane, odumo lwakhe evangelini ludabule emabandleni wonke;

¹⁹kungeyisilokhu kuphela, kodwa ukhethiwe futhi ngamabandla ukuthi asiphelekezele lalo umusa owasetshenzwa yithi kube ludumo lweNkosi efananayo, lekukhuthaleni kwenu;

²⁰sivikela lokhu, hlezi umuntu asisole kulesisengezo esisetshenzwe yithi;

²¹sinakekela okuhle kungekho phambi kweNkosi kuphela kodwa laphambi kwabantu.

²²Sasesithuma kanye labo umzalwane wethu, esimfice ezintweni ezinengi kanengi ekhuthele, kodwa khathesi ukhuthele kakhulukazi ngenxa yokulithemba okukhulu.

²³Kumbe ngoTitosi, ungumhlanganyeli lesisebenzi kanye lami kini; loba abazalwane bethu, bayizithunywa zamabandla, bayinkazimulo kaKristu.

²⁴Ngakho bonakalisani kubo ubufakazi bothando lwenu labokuzincomela kwethu lina, laphambi kwamabandla.