Read Ndebele-IBhayibhili Elingcwele 2006 Kwebegalatiya 4 Bible Online

Kwebegalatiya 4 - Ndebele-IBhayibhili Elingcwele 2006 bible

Kwebegalatiya 4

¹Kodwa ngithi, ngaso sonke isikhathi indlalifa iseyingane, kayehlukananga ngalutho esigqilini lanxa ingumnikazi wakho konke;

²kodwa ingaphansi kwabaphathi lababonisi, kuze kufike isikhathi esamiswa nguyise.

³Ngokunjalo lathi, lapho si se yizingane, sasiyizigqili ngaphansi kwemfundiso zakuqala zomhlaba;

⁴kodwa kwathi ukuphelela kwesikhathi sekufikile, uNkulunkulu wathuma iNdodana yakhe, yenziwa ngowesifazana, yenziwa ngaphansi komthetho,

⁵ukuze ihlenge abangaphansi komlayo, ukuze semukele ukuma kwabantwana.

⁶Njengoba lingamadodana, uNkulunkulu wathuma uMoya weNdodana yakhe enhliziyweni zenu, ememeza esithi: Aba*, Baba !

⁷Ngakho kawuseyiso isigqili, kodwa indodana; njalo uba uy indodana, futhi uy indlalifa kaNkulunkulu ngoKristu.

⁸Kodwa ngalesosikhathi, lingamazi uNkulunkulu, laliyizigqili kulabo abangeyisibo onkulunkulu ngemvelo;

⁹kodwa khathesi lokhu selimazi uNkulunkulu, kodwa kangithi lisaziwa nguNkulunkulu, libuyela njani futhi kumfundiso zakuqala ezibuthakathaka leziyibuyanga, elifuna ukuba yizigqili zazo futhi butsha?

¹⁰Ligcina izinsuku, lezinyanga lezikhathi, leminyaka.

¹¹Ngilovalo ngani, hlezi ngitshikatshikele ize kini.

¹²Banini njengami, ngoba lami nginjengani, bazalwane, ngiyalincenga. Kalingonanga nga lutho;

¹³liyazi-ke ukuthi ngobuthakathaka benyama ngatshumayela ivangeli kini ngokokuqala,

¹⁴lokulingwa kwami okwakusenyameni yami kalikudelelanga njalo kalikwenyanyanga, kodwa langemukela njengengilosi kaNkulunkulu, njengoKristu Jesu.

¹⁵Ngakho sasiyini isibusiso senu? Ngoba ngiyalifakazela ukuthi, uba kungenzeka, lalingakhupha amehlo enu linginike.

¹⁶Ngakho sengibeyisitha senu ngokulitshela iqiniso yini?

¹⁷Bayalitshisekela ngokungekuhle; kodwa bafuna ukulivalela ngaphandle, ukuze litshisekele bona.

¹⁸Kodwa kuhle ukuthi litshisekelelwe kokuhle isikhathi sonke, njalo kungabi sebukhoneni bami lani kuphela.

¹⁹Bantwana bami abancane, engilomhelo futhi wokulizala aze uKristu abunjwe kini,

²⁰kodwa bengingathanda ukuba khona lani khathesi, ngiphendule ilizwi lami, ngoba ngididekile ngani.

²¹Ngitshelani, lina elithanda ukuba ngaphansi komlayo, kaliwuzwa yini umlayo?

²²Ngoba kulotshiwe ukuthi uAbrahama wayelamadodana amabili; enye ingeyesigqilikazi, lenye ingeyokhululekileyo.

²³Kodwa eyesigqilikazi yazalwa ngokwenyama, kodwa eyokhululekileyo ngesithembiso.

²⁴Okuyizinto ezingumfuziselo; ngoba laba bayizivumelwano ezimbili; esinye esentabeni iSinayi, esizalela ebugqilini, esinguAgari.

²⁵Ngoba lokhu, uAgari, kuyintaba iSinayi eseArabhiya, njalo imele iJerusalema yalamuhla, futhi iyisigqili kanye labantwana bayo.

²⁶Kodwa iJerusalema ephezulu ikhululekile, engumama wethu sonke;

²⁷ngoba kulotshiwe ukuthi: Thokoza, nyumba engazaliyo; kekela umemeze, wena ongawuzwanga umhelo; ngoba abantwana botshiyiweyo banengi okwedlula kakhulu kulaye olendoda.

²⁸Kodwa thina, bazalwane, njengoIsaka singabantwana besithembiso.

²⁹Kodwa njengakulesosikhathi owazalwa ngokwenyama wamzingela yena ongowokoMoya, kunjalo lakhathesi.

³⁰Kodwa umbhalo uthini? Uthi: Xotsha isigqilikazi lendodana yaso; ngoba indodana yesigqilikazi kayisoze idle ilifa kanye lendodana yokhululekileyo.

³¹Ngakho, bazalwane, kasisibo abantwana besigqilikazi, kodwa bokhululekileyo.