Read Ndebele-IBhayibhili Elingcwele 2006 Kwebegalatiya 6 Bible Online

Kwebegalatiya 6 - Ndebele-IBhayibhili Elingcwele 2006 bible

Kwebegalatiya 6

¹Bazalwane, uba-ke umuntu esehlelwa yisiphambeko esithile, lina abakaMoya mlungiseni onjalo ngomoya wobumnene, uziqaphele, hlezi lawe ulingwe.

²Thwalisanani imithwalo yenu, langokunjalo gcwalisani umlayo kaKristu.

³Ngoba uba umuntu ezitsho ukuthi uyilutho, engesilutho, uyazikhohlisa;

⁴kodwa ngulowo lalowo kahlole owakhe umsebenzi, khona-ke ezakuba lokuzincoma ngokungokwakhe yedwa, njalo kungabi ngokomunye.

⁵Ngoba ngulowo lalowo uzathwala owakhe umthwalo.

⁶Lofundiswayo ilizwi kahlanganyele ezintweni zonke ezinhle lalowo ofundisayo.

⁷Lingakhohliswa, uNkulunkulu kahlekwa usulu; ngoba loba yini ayihlanyelayo umuntu yiyo leyo azayivuna.

⁸Ngoba ohlanyela kweyakhe inyama, uzavuna ukubhubha enyameni; kodwa ohlanyela kuMoya uzavuna impilo elaphakade okuvela kuMoya.

⁹Kodwa kasingadinwa ekwenzeni okuhle; ngoba ngesikhathi esifaneleyo sizavuna, uba singadinwanga.

¹⁰Ngakho-ke njengoba silethuba, asenze okuhle kibo bonke, kodwa ikakhulu kwabendlu yokholo.

¹¹Bonani amabala amakhulu kangaka engilibhalela ngawo ngesami isandla.

¹²Bonke abafuna ukubukeka enyameni, yibo abalicindezela ukuthi lisokwe, kuphela ukuze bangazingelwa ngenxa yesiphambano sikaKristu.

¹³Ngoba ngitsho lalabo abasokwayo kabawugcini umlayo, kodwa bafuna ukuthi lisokwe, ukuze bazincome enyameni yenu.

¹⁴Kodwa kimi kakungabi khona ukuzincoma ngaphandle kwesiphambanweni seNkosi yethu uJesu Kristu, okubethelwe ngaso umhlaba kimi, lami kuwo umhlaba.

¹⁵Ngoba kuKristu Jesu ukusoka kumbe ukungasoki kakulamandla, kodwa isidalwa esitsha.

¹⁶Njalo bonke abazahamba ngalesisimiso, ukuthula kakube phezu kwabo, lesihawu, laphezu kukaIsrayeli kaNkulunkulu.

¹⁷Kusukela khathesi, kakungabi lamuntu ongihluphayo; ngoba mina ngithwele emzimbeni wami impawu zeNkosi uJesu.

¹⁸Umusa weNkosi yethu uJesu Kristu kawube lomoya wenu, bazalwane. Ameni.