Read Ndebele-IBhayibhili Elingcwele 2006 Kwebe-efesu 1 Bible Online

Kwebe-efesu 1 - Ndebele-IBhayibhili Elingcwele 2006 bible

Kwebe-efesu 1

¹UPawuli, umphostoli kaJesu Kristu ngentando kaNkulunkulu, kubo abangcwele abaseEfesu, labathembekileyo kuKristu Jesu:

²Umusa kawube kini lokuthula okuvela kuNkulunkulu uBaba wethu leNkosini uJesu Kristu.

³Ubusisiwe uNkulunkulu loYise weNkosi yethu uJesu Kristu, osibusisileyo ngaso sonke isibusiso somoya ezintweni zezulwini kuKristu;

⁴njengoba wasikhetha kuye ngaphambi kokusekelwa komhlaba, ukuthi sibe ngcwele, njalo singasoleki phambi kwakhe ethandweni,

⁵esesimisele ngaphambili ekumeni kwabantwana kuye ngoJesu Kristu, njengokufisa okuhle kwentando yakhe,

⁶kube ludumo lobukhosi bomusa wakhe, asiphe ngawo umusa koThandiweyo;

⁷esilohlengo kuye ngegazi lakhe, uthethelelo lweziphambeko, njengokwenotho yomusa wakhe,

⁸awengezelele kithi kuyo yonke inhlakanipho lokuqonda,

⁹esesazisile imfihlo yentando yakhe, njengokufisa kwakhe okuhle, akumisa kuye ngokwakhe,

¹⁰ukuze, ekuphatheni kokugcwaliseka kwezikhathi, ahlanganise ndawonye izinto zonke kuKristu, zombili ezisemazulwini lezisemhlabeni;

¹¹ngitsho kuye, lathi esabelwa ilifa kuye, esamiselwa ngaphambili njengokwesimiso sakhe owenzayo izinto zonke njengokwecebo lentando yakhe,

¹²ukuze sibe ngabodumo lobukhosi bakhe, esathemba kuKristu kuqala;

¹³eseli themba kuye lani, selizwile ilizwi leqiniso, ivangeli losindiso lwenu, kuye selikholiwe lani laphawulwa nguMoya oNgcwele wesithembiso,

¹⁴oyisibambiso selifa lethu, ehlengweni lokuzuziweyo, kudumo lobukhosi bakhe.

¹⁵Ngenxa yalokho lami sengizwile ngokholo lwenu eNkosini uJesu lothando kubo bonke abangcwele,

¹⁶kangiyekeli ukulibongela, ngiliphatha emikhulekweni yami;

¹⁷ukuze uNkulunkulu weNkosi yethu uJesu Kristu, uYise wodumo, alinike umoya wenhlakanipho lowesembulo elwazini lwakhe;

¹⁸amehlo engqondo yenu akhanyiswe, ukuze lazi ukuthi liyini ithemba lobizo lwakhe, lokuthi iyini inotho yodumo lwelifa lakhe kwabangcwele,

¹⁹lokuthi buyini ubukhulu bamandla akhe obudlula amalawulo kithi esikholwa njengokusebenza kobuninimandla bamandla akhe,

²⁰awasebenzisa kuKristu, ngokumvusa kwabafileyo, njalo e m hlalisa ngakwesokunene sakhe e ndaw eni zezulu,

²¹engqongeni yakho konke ukubusa lobukhulu lamandla lobukhosi, lebizo lonke elibizwayo, kungeyisikho kulesisikhathi kuphela, kodwa lakwesizayo;

²²wasebeka konke ngaphansi kwenyawo zakhe, wamnikela ukuba yinhloko phezu kwakho konke kulo ibandla,

²³elingumzimba wakhe, ukugcwala kwalowo ogcwalisa konke kukho konke.