Read Ndebele-IBhayibhili Elingcwele 2006 Kwebe-efesu 5 Bible Online

Kwebe-efesu 5 - Ndebele-IBhayibhili Elingcwele 2006 bible

Kwebe-efesu 5

¹Ngakho banini ngabalandeli bakaNkulunkulu, njengabantwana abathandekayo;

²njalo lihambe ethandweni, njengalokhu uKristu laye wasithanda, wazinikelela thina abe ngumnikelo lomhlatshelo kuNkulunkulu ukuba luqhatshi olumnandi.

³Kodwa ubufebe lakho konke ukungcola kumbe umhawu kakungaphathwa lakanye phakathi kwenu, njengoba kufanele abangcwele;

⁴lamanyala, lokukhuluma okuyize, kumbe ukusoma okulenhlamba, okuy izinto ezingafanelanga; kodwa kulalokhu ukubonga.

⁵Ngoba lokhu liyakwazi, ukuthi sonke isifebe, kumbe ongcolileyo, kumbe olomhawu, ongumkhonzi wezithombe, kalalifa embusweni kaKristu lokaNkulunkulu.

⁶Kakungabi lamuntu olikhohlisayo ngamazwi ayize; ngoba ngenxa yalezizinto ulaka lukaNkulunkulu luyehlela phezu kwabantwana bokungalaleli.

⁷Ngakho lingabi ngabahlanganyeli labo.

⁸Ngoba lake laba ngumnyama, kodwa khathesi liyi kukhanya eNkosini; hambani njengabantwana bokukhanya,

⁹ngoba isithelo sikaMoya sikubo bonke ubuhle lokulunga leqiniso,

¹⁰lihlolisise okuthokozisayo eNkosini;

¹¹njalo lingahlanganyeli lemisebenzi yobumnyama engelazithelo, kodwa-ke kulalokho solani;

¹²ngoba izinto ezenziwa yibo ekusithekeni kuthelela inhloni ngitsho ukukhuluma ngazo.

¹³Kodwa konke okusolwayo yikukhanya kuyabonakaliswa; ngoba konke okubonakaliswayo kuyikukhanya,

¹⁴ngakho uthi: Phaphama wena oleleyo uvuke kwabafileyo, njalo uKristu uzakukhanyisela.

¹⁵Ngakho qaphelani ukuthi lihamba njani ngonanzelelo, kungabi njengezithutha, kodwa njengabahlakaniphileyo,

¹⁶lihlenga isikhathi, ngoba insuku zimbi.

¹⁷Ngakho lingabi yizithutha, kodwa liqedisisa okuyintando yeNkosi.

¹⁸Njalo lingadakwa liwayini, okukulo umsindo, kodwa gcwaliswani nguMoya,

¹⁹likhulumisana ngezihlabelelo langamahubo okudumisa langezingoma zomoya, lihlabelele licule eNkosini enhliziyweni yenu,

²⁰limbonga njalo uNkulunkulu loBaba ngazo zonke izinto ebizweni leNkosi yethu uJesu Kristu,

²¹lizehlisela ngaphansi omunye komunye ekumesabeni uNkulunkulu.

²²Bafazi, zehliseleni ngaphansi kwawenu amadoda, njengeNkosini,

²³ngoba indoda iyinhloko yomfazi, njengoba uKristu laye eyinhloko yebandla, njalo yena unguMsindisi womzimba.

²⁴Kodwa njengoba-ke ibandla lehliselwe ngaphansi kukaKristu, ngokunjalo labafazi kwawabo amadoda kuyo yonke into.

²⁵Madoda, thandani abenu abafazi, njengoKristu laye walithanda ibandla, wasezinikelela lona;

²⁶ukuze azingcwelisele lona, ese li hlambulule ngesihlambo samanzi ngelizwi,

²⁷ukuze azimisele lona lilenkazimulo, ibandla elingelachatha, kumbe umxhele kumbe okunye nje, kodwa ukuze libe ngcwele lingelacala.

²⁸Ngokunjalo amadoda afanele ukuthanda abawo abafazi njengeyawo imizimba. Othanda owakhe umfazi, uyazithanda yena;

²⁹ngoba kakho owake wazonda eyakhe inyama, kodwa uya y ondla ayiphathe kuhle, njengalokhu leNkosi isenza ku bandla;

³⁰ngoba siyizitho zomzimba wakhe, okwenyama yakhe lokwamathambo akhe.

³¹Ngenxa yalokhu umuntu uzatshiya uyise lonina uzanamathela kumkakhe, njalo laba ababili bazakuba nyamanye.

³²Inkulu le imfihlo; kodwa mina ngikhuluma ngoKristu lebandla.

³³Ngalokho lonke ngokukhethekileyo lani-ke, ngulowo lalowo kathande ngokunjalo owakhe umfazi njengaye; lomfazi ukuze ahloniphe indoda.