Read Ndebele-IBhayibhili Elingcwele 2006 Kwebefilipi 1 Bible Online

Kwebefilipi 1 - Ndebele-IBhayibhili Elingcwele 2006 bible

Kwebefilipi 1

¹UPawuli loTimothi, izinceku zikaJesu Kristu, kubo bonke abangcwele kuKristu Jesu abaseFiliphi, kanye lababonisi labadikoni:

²Umusa kawube kini lokuthula okuvela kuNkulunkulu uBaba wethu leNkosini uJesu Kristu.

³Ngiyambonga uNkulunkulu wami ekulikhumbuleni konke,

⁴ngezikhathi zonke kuwo wonke umkhuleko wami ngani lonke ngenza umkhuleko ngentokozo,

⁵ngokuhlanganyela kwenu evangelini, kusukela esukwini lokuqala kuze kube khathesi;

⁶ngithemba khona lokhu, ukuthi owaqalisa umsebenzi omuhle kini uza wu phelelisa kuze kube sesukwini lukaJesu Kristu;

⁷njengoba kulungile kimi ukuthi ngikhumbule lokhu ngani lonke, ngoba ngilani enhliziyweni, ukuthi lekubotshweni kwami, l e kuvikel eni l e kuqinisel eni ivangeli, lina lonke lingabahlanganyeli bomusa wami.

⁸Ngoba uNkulunkulu ungumfakazi wami, wokuthi ngililangatha kangakanani lonke emibilini kaJesu Kristu.

⁹Njalo ngikhuleka lokhu, ukuthi uthando lwenu luvame-ke lusanda ngokwanda elwazini lekuqedisiseni konke,

¹⁰ukuze lizivume izinto ezinhle kakhulu, ukuze lihlambuluke lingasoleki kuze kube sesukwini lukaKristu,

¹¹ligcwaliswe ngezithelo zokulunga ezingoJesu Kristu, ebukhosini lodumo lukaNkulunkulu.

¹²Kodwa ngithanda ukuthi lazi, bazalwane, ukuthi izinto ezangehlelayo zenza kakhulu ukuqhutshelwa phambili kwevangeli;

¹³zize izibopho zami kuKristu zibonakale esigodlweni sonke lakwabanye bonke,

¹⁴labazalwane abanengi eNkosini, beqiniswe ngezibopho zami, sebelesibindi esikhulu sokukhuluma ilizwi ngokungesabi.

¹⁵Abanye kambe batshumayela uKristu ngomona langombango, kodwa abanye kambe ngenhliziyo enhle;

¹⁶laba batshumayela uKristu ngokuphikisana, bengelaqiniso, bekhumbula ukuthi baletha ukuhlupheka ekubotshweni kwami;

¹⁷kodwa labo ngothando, besazi ukuthi ngimiselwe ukuvikela ivangeli.

¹⁸Kuyini pho? Loba kunjalo kuyo yonke indlela, loba ekuzenziseni, kumbe eqinisweni, uKristu uyatshunyayelwa; kulokhu-ke ngiyathokoza, yebo ngizathokoza futhi.

¹⁹Ngoba ngiyazi ukuthi lokhu kuzaphendukela kimi esindisweni ngomkhuleko wenu, langokwelekelela kukaMoya kaJesu Kristu,

²⁰njengokulindela okukhulu lethemba lami, ukuthi kangiyikuyangiswa ngalutho, kodwa ngesibindi sonke, njengesikhathi sonke, lakhathesi uKristu uzakhuliswa emzimbeni wami, loba ngempilo, kumbe ngokufa.

²¹Ngoba kimi ukuphila kunguKristu, lokufa yinzuzo.

²²Kodwa uba ukuphila enyameni kuyisithelo somsebenzi kimi, lengizakukhetha kangikwazi.

²³Ngoba ngiminyezelwe ngokubili; ngilesifiso sokusuka lokuba loKristu, okungcono kakhulukazi;

²⁴kodwa ukuhlala enyameni kuyasweleka kakhulu ngenxa yenu.

²⁵Lalokhu ngithemba ngiyazi ukuthi ngizakuba khona, ngihlale lani lonke, ekuqhubekeni kwenu lentokozweni yokholo,

²⁶ukuze ukuzincoma kwenu ngami kwengezwe kuKristu Jesu kimi, ngobukhona bami kini futhi.

²⁷Kuphela hambani ngokufanele ivangeli likaKristu, kuze kuthi, loba ngifika ngilibona, loba ngingekho, ngizwe indaba zenu, zokuthi limi emoyeni munye, ngengqondonye lilwela ukholo lwevangeli ndawonye,

²⁸njalo lingethuswa ngalutho ngabaphikisayo; okuyisibonakaliso kibo sokubhubha, kodwa kini sosindiso, njalo lokhu kuvela kuNkulunkulu;

²⁹ngoba lanikwa ngesihle esikhundleni sikaKristu, kungeyisikho ukukholwa kuye kuphela, kodwa lokumhluphekela;

³⁰lilokulwa okufananayo njengalokho elakubona kimi, lelikuzwa kimi khathesi.