Read Ndebele-IBhayibhili Elingcwele 2006 Kwebefilipi 2 Bible Online

Kwebefilipi 2 - Ndebele-IBhayibhili Elingcwele 2006 bible

Kwebefilipi 2

¹Ngakho uba kukhona inkuthazo kuKristu, uba kukhona induduzo yothando, uba kukhona ukuhlanganyela kukaMoya, uba kukhona imihelo lesihawu,

²gcwalisani intokozo yami, ukuze libe ngqondonye, libe lothando olufananayo, libe lenhliziyonye, ukuqonda kunye;

³li ng enz i lutho ngokubangisana kumbe ngokuziqhenya, kodwa ngokuthobeka liphakamise omunye komunye ngcono kulani;

⁴ngulowo lalowo angakhathaleli okwakhe, kodwa ngulowo lalowo lokwabanye.

⁵Ngoba kawube kini lowomqondo owawukhona lakuKristu Jesu;

⁶owathi esesimeni sikaNkulunkulu, kanakananga ukuthi kuyikuphanga ukulingana loNkulunkulu,

⁷kodwa wazidela, ethatha isimo senceku, enziwe esimeni sabantu;

⁸njalo eficwe elesimo njengomuntu, wazithoba, waba ngolalelayo kwaze kwaba sekufeni, yebo ukufa kwesiphambano.

⁹Ngakho laye uNkulunkulu wamphakamisa kakhulu, wamnika ibizo eliphezu kwalo lonke ibizo;

¹⁰ukuze kuthi ebizweni likaJesu lonke idolo liguqe, elabezulwini, lelabemhlabeni, lelabangaphansi komhlaba,

¹¹lenlimi zonke zivume ukuthi uJesu Kristu uyiNkosi, kube ludumo kuNkulunkulu uYise.

¹²Ngakho, bathandiweyo bami, njengalokho lilalela ngezikhathi zonke, kungenjengebukhoneni bami kuphela, kodwa khathesi ikakhulukazi ngingekho, phelelisani usindiso lwenu ngokwesaba langokuthuthumela;

¹³ngoba kunguNkulunkulu osebenza kini kokubili ukuthanda lokwenza njengentando yakhe enhle.

¹⁴Yenzani zonke izinto kungelakusola lokuphikisana,

¹⁵ukuze lingasoleki libe msulwa, abantwana bakaNkulunkulu abangelasici phakathi kwesizukulwana esigobileyo lesiphambeneyo, elikhanya phakathi kwaso njengokukhanya emhlabeni,

¹⁶libonakalise ilizwi lempilo, ekuzincomeni kwami esukwini lukaKristu, ukuthi kangigijimelanga ize, njalo kangitshikatshikelanga ize.

¹⁷Yebo, uba lami ngithululwa njengomnikelo wokunathwayo phezu komhlatshelo lenkonzo yokholo lwenu, ngiyathokoza njalo ngithokoza kanye lani lonke;

¹⁸ngenxa yalokho-ke thokozani lani njalo lithokoze kanye lami.

¹⁹Ngiyathemba-ke eNkosini uJesu ukuthuma uTimothi kini masinyane, ukuze lami ngithokoze ngokwazi indaba zenu.

²⁰Ngoba kangilaye olengqondo enjengeyakhe, ozananzelela indaba zenu ngobuqotho,

²¹ngoba bonke bazidingela okwabo, kungeyisikho okukaKristu Jesu.

²²Kodwa liyazi ukuqinisa kwakhe, ukuthi njengomntwana kuyise, usebenzile lami evangelini.

²³Ngiyathemba-ke ukuhle ngimthume yena, nxa sengibonisisile okuqondene lami;

²⁴kodwa ngiyathemba eNkosini, ukuthi lami ngizakuza kini masinyane.

²⁵Kodwa ngibone kufanele ukuthi ngithume kini uEpafrodithu, umzalwane lesisebenzi lolibutho kanye lami, kodwa isithunywa senu, lesisebenzi sokuswela kwami;

²⁶njengoba wayelilangatha lonke, njalo ekhathazekile kakhulu, ngoba lezwa ukuthi wayegula;

²⁷ngoba njalo wagula waphosa wafa, kodwa uNkulunkulu wamhawukela, njalo kungeyisuye yena yedwa, kodwa lami, ukuze ngingabi losizi phezu kosizi.

²⁸Ngakho ngitshisekela kakhulu ukumthuma, ukuze kuthi, nxa limbona, lithokoze futhi, losizi lwami lunciphe.

²⁹Memukeleni-ke eNkosini ngentokozo yonke, libahloniphe abanjalo-ke;

³⁰ngoba ngenxa yomsebenzi kaKristu waphose wafa, edela impilo, ukuze aphelelise okusileleyo komsebenzi wenu kimi.