Read Ndebele-IBhayibhili Elingcwele 2006 Kwebekolose 1 Bible Online

Kwebekolose 1 - Ndebele-IBhayibhili Elingcwele 2006 bible

Kwebekolose 1

¹UPawuli umphostoli kaJesu Kristu ngentando kaNkulunkulu, loTimothi umzalwane,

²kibo abangcwele labazalwane abathembekileyo kuKristu abaseKolose: Umusa kawube kini lokuthula okuvela kuNkulunkulu uBaba wethu leNkosini uJesu Kristu.

³Siyambonga uNkulunkulu loYise weNkosi yethu uJesu Kristu, sikhuleka ngani njalonjalo,

⁴sesizwile ngokholo lwenu kuKristu Jesu, langothando olukwabangcwele bonke,

⁵ngethemba elibekelwe lona emazulwini, elezwa ngalo ngaphambili ngelizwi leqiniso levangeli,

⁶eselifikile kini, njengalokhu lemhlabeni wonke, njalo lithela izithelo, njengoba kunjalo laphakathi kwenu, kusukela ngosuku elezwa laseliwazi umusa kaNkulunkulu ngeqiniso;

⁷njengalokhu lani lafunda kuEpafra othandekayo wethu inceku kanye lathi, oyisikhonzi esithembekileyo sikaKristu ngani,

⁸ositshele futhi ngothando lwenu kuMoya.

⁹Ngakho lathi, kusukela ngosuku esezwa ngalo, kasiyekeli ukulikhulekela, lokucela ukuthi ligcwaliswe ngolwazi lwentando yakhe ngenhlakanipho yonke lokuqedisisa okungomoya,

¹⁰ukuze lihambe ngokufanele iNkosi kukho konke okuthokozisayo, lithela izithelo kuwo wonke umsebenzi olungileyo njalo likhule elwazini lukaNkulunkulu;

¹¹liqiniswe ngamandla wonke njengokwamandla obukhosi bakhe, ekubekezeleni konke lesineke, lenjabulo;

¹²sibonge uBaba owasenza safanela ekuhlanganyeleni kwelifa labangcwele ekukhanyeni,

¹³owasikhulula emandleni obumnyama, wase si sa embusweni weNdodana yothando lwakhe,

¹⁴esilohlengo kuyo ngegazi layo, uthethelelo lwezono.

¹⁵Engumfanekiso kaNkulunkulu ongabonwayo, izibulo lesidalwa sonke;

¹⁶ngoba kuyo zonke izinto zidalwa, ezisemazulwini lezisemhlabeni, ezibonwayo lezingabonwayo, loba izihlalo zobukhosi, loba ubuphathamandla, loba imibuso, loba amandla; zonke izinto zidalwa ngayo zadal el wa yona;

¹⁷yona-ke ingaphambi kwazo zonke izinto, lezinto zonke zimi ndawonye ngayo.

¹⁸Njalo yona yinhloko yomzimba, olibandla; eyikuqala, izibulo kwabafileyo, ukuze yona ibe ngeyokuqala ezintweni zonke;

¹⁹ngoba kwa m thokozisa uBaba ukuthi ukugcwala konke kuhlale kiyo,

²⁰njalo ngayo enze izinto zonke zibuyisane laye oqobo, esenze ukuthula ngegazi lesiphambano sayo, ngayo, loba yizinto ezisemhlabeni loba ezisemazulwini.

²¹Lani elalikade lenziwe abemzini lezitha ngengqondo emisebenzini emibi, kodwa khathesi usebuyisene lani

²²emzimbeni wenyama yayo ngokufa ukuthi alimise phambi kwakhe lingcwele njalo lingelacala njalo lingasoleki,

²³uba-ke lihlala ekholweni lisekelwe liqinile, lingasuswa ethembeni levangeli elalizwayo, elatshunyayelwa kuso sonke isidalwa esingaphansi kwezulu, engenziwe isikhonzi salo mina Pawuli.

²⁴Khathesi-ke ngiyathokoza ekulihluphekeleni kwami, njalo okusileleyo kwenhlupheko zikaKristu ngiyakugcwalisa enyameni yami esikhundleni somzimba wakhe, olibandla;

²⁵mina engenziwa isikhonzi salo, njengokwesimiso sikaNkulunkulu enganikwa sona maqondana lani, ukugcwalisa ilizwi likaNkulunkulu,

²⁶imfihlo ebifihliwe kusukela ezikhathini zendulo njalo kusukela kuzizukulwana; kodwa khathesi ibonakaliswe kwabangcwele bakhe,

²⁷kubo uNkulunkulu wathanda ukubazisa ukuthi iyini inotho yobukhosi balimfihlo phakathi kwabezizwe, enguKristu phakathi kwenu, ithemba lenkazimulo;

²⁸esimtshumayelayo thina, sixwayisa wonke umuntu, sifundisa wonke umuntu ngayo yonke inhlakanipho, ukuze silethe wonke umuntu ephelele kuKristu Jesu;

²⁹engikutshikatshikelayo lami, ngisilwa njengokusebenza kwakhe, okusebenza kimi ngamandla.