Read Ndebele-IBhayibhili Elingcwele 2006 Kwebekolose 2 Bible Online

Kwebekolose 2 - Ndebele-IBhayibhili Elingcwele 2006 bible

Kwebekolose 2

¹Ngoba ngithanda ukuthi lazi ukuthi kukhulu kangakanani ukulwa engilakho ngani labaseLawodikeya, njalo ngobunengi balabo abangabonanga ubuso bami enyameni,

²ukuze inhliziyo zabo ziduduzwe, behlanganiswe ethandweni, lenothweni yonke yokuqinisekiswa okupheleleyo kokuqedisisa, elwazini lwemfihlo kaNkulunkulu loBaba, lekaKristu,

³okufihlwe kuye izinto zonke eziligugu zenhlakanipho lezolwazi.

⁴Ngitsho lokhu-ke, ukuze kungabi lamuntu olikhohlisayo ngamazwi ayengayo.

⁵Ngoba lanxa ngingekho ngenyama, kanti ngilani ngomoya, ngithokoza ngibona ukuhlela kwenu, lokuqina kokholo lwenu kuKristu.

⁶Ngakho njengalokho limemukele uKristu Jesu iNkosi, hambani kuye,

⁷ligxilile lakhiwe kuye, njalo liqiniswe ekholweni, njengokufundiswa kwenu, lengeze kulo ekubongeni.

⁸Nanzelelani hlezi kube khona olithumbayo ngolwazi lwenhlakanipho langenkohliso eyize, njengokomkhuba wabantu, njengokwemfundiso zakuqala zomhlaba, njalo kungenjengokukaKristu;

⁹ngoba kuhlala kuye ukugcwala konke kobuNkulunkulu ngomzimba,

¹⁰njalo liphelelisiwe kuye, oyinhloko yakho konke ukubusa lamandla;

¹¹elasokelwa kuye lani ngokusoka okungenziwanga ngezandla, ngokuhlubula umzimba wezono zenyama, ekusokeni kukaKristu,

¹²lingcwatshwe kanye laye ebhabhathizweni, elavuswa lani kanye laye kulo ngokholo lokusebenza kukaNkulunkulu, owamvusa kwabafileyo.

¹³Lani lifile eziphambekweni lokungasoki kwenyama yenu, ulenze laphila kanye laye, eselithethelele zonke iziphambeko,

¹⁴esesule incwadi yezimiso emelana lathi, ephambene lathi, wayisusa phakathi, eseyibethele esiphambanweni;

¹⁵ebahlubule ababusi lamandla, wabaveza obala, wathakazelela ukubanqoba ngaso.

¹⁶Ngakho kakungabi khona olilahla ekudleni kumbe ekunatheni, loba endabeni yomkhosi loba yokuthwasa kwenyanga kumbe yamasabatha;

¹⁷eziyisithunzi sezinto ezizayo, kodwa umzimba ngokaKristu.

¹⁸Kakungabi lamuntu olemuka umvuzo wenu ngobuqili ethanda uku z enza othobekileyo lokukhonza izingilosi, engena ezintweni angazibonanga, ezikhukhumeza ngeze ngengqondo yenyama yakhe,

¹⁹njalo engabambi inhloko, umzimba wonke ngamalunga lemisipha wondliwa njalo uhlanganiswa ngayo, ukhula ngokukhula kukaNkulunkulu.

²⁰Ngakho uba lafa kanye loKristu emfundisweni zakuqala zomhlaba, libophekeleni ngemikhuba ngokungathi liphila elizweni,

²¹(ungabambi, unganambithi, ungathinti,

²²ezizaphela zonke ngokusetshenziswa ) njengokwemilayo lezimfundiso zabantu?

²³Ezilesimo senhlakanipho ekukhonzeni kokuzenzela lekuzithobeni lekuphatheni nzima umzimba, kakusizi lutho ukumelana lokusuthisa inyama.