Read Ndebele-IBhayibhili Elingcwele 2006 Kwebekolose 3 Bible Online

Kwebekolose 3 - Ndebele-IBhayibhili Elingcwele 2006 bible

Kwebekolose 3

¹Ngakho uba livuswe loKristu, dingani okwaphezulu, lapho akhona uKristu ehlezi ngakwesokunene sikaNkulunkulu.

²Nakanani ngezinto eziphezulu, kungeyisikho ngezinto ezisemhlabeni.

³Ngoba selifile, lempilo yenu ifihlwe loKristu kuNkulunkulu.

⁴Nxa ebonakaliswa uKristu, oyimpilo yethu, ngalesosikhathi lani lizabonakaliswa laye enkazimulweni.

⁵Ngakho bulalani amalunga enu asemhlabeni, ukuphinga, ukungcola, inkanuko embi, ukufisa okubi, lomhawu, oyikukhonza izithombe,

⁶okwehla ngazo ulaka lukaNkulunkulu phezu kwabantwana bokungalaleli;

⁷elake lahamba kuzo lani, lapho lalihlezi phakathi kwazo.

⁸Kodwa khathesi lani khuphani konke lokhu, ulaka, ukuthukuthela, inzondo, inhlamba, ukukhuluma amanyala emlonyeni wenu;

⁹lingaqambelani amanga, lokhu selimhlubule umuntu omdala lezenzo zakhe,

¹⁰selembethe omutsha, owenziwa kutsha elwazini njengomfanekiso walowo owamdalayo;

¹¹okungekho umGriki lomJuda, ukusoka lokungasoki, owezizweni, umSikethiya, isigqili, okhululekileyo; kodwa uKristu uyikho konke lakukho konke.

¹²Ngakho yembathani, njengabakhethiweyo bakaNkulunkulu, abangcwele labathandekayo, imihelo yesihawu, ububele, ukuzithoba, ubumnene, ukubekezela;

¹³libekezelelane, lithethelelane uba umuntu elensolo komunye; njengoba loKristu walithethelela, ngokunjalo lani;

¹⁴phezu kwakho konke-ke yembathani uthando, oluyisibopho sokuphelela.

¹⁵Lokuthula kukaNkulunkulu kakubuse enhliziyweni zenu, elibizelwa kukho lani emzimbeni munye; futhi banini ngababongayo.

¹⁶Ilizwi likaKristu kalihlale phakathi kwenu ngokwenotho enhlakaniphweni yonke; lifundisane lilayane, ngezihlabelelo, lamahubo odumo, lengoma zomoya, lihlabelela lilomusa enhliziyweni zenu eNkosini.

¹⁷Njalo konke loba yini eliyenzayo, elizwini loba esenzweni, konke kwenzeni ebizweni leNkosi uJesu, libonge uNkulunkulu loBaba ngaye.

¹⁸Bafazi, zehliseleni ngaphansi kwawenu amadoda, njengokufanele eNkosini.

¹⁹Madoda, thandani omkenu, lingabi lokubaba kibo.

²⁰Bantwana, lalelani abazali ezintweni zonke; ngoba lokhu kuyayithokozisa iNkosi.

²¹Bobaba, lingabathukuthelisi abantwana benu, ukuze bangadani.

²²Zisebenzi, lalelani ezintweni zonke labo abangamakhosi njengokwenyama, kungeyisikho ngokukhonza amehlo njengabathokozisa abantu, kodwa ngobuqotho benhliziyo, lisesaba uNkulunkulu;

²³njalo yonke loba yini eliyenzayo, yenzeni ngenhliziyo, njengeNkosini, njalo kungeyisikho ebantwini;

²⁴lisazi ukuthi eNkosini lizakwemukela umvuzo welifa; ngoba likhonza iNkosi uKristu.

²⁵Kodwa owenza okubi uzazemukelela okubi akwenzileyo; njalo kakukho ukubandlulula umuntu.