Read Ndebele-IBhayibhili Elingcwele 2006 Kwebekolose 4 Bible Online

Kwebekolose 4 - Ndebele-IBhayibhili Elingcwele 2006 bible

Kwebekolose 4

¹Makhosi, nikani izisebenzi okulungileyo lokulingeneyo, lisazi ukuthi lani lileNkosi emazulwini.

²Khuthalani emkhulekweni, lilinde kuwo ngokubonga;

³likhuleke ngesikhathi esifananayo ngathi futhi, ukuthi uNkulunkulu asivulele umnyango welizwi, ukukhuluma imfihlo kaKristu, engibotshwe lami ngenxa yayo;

⁴ukuthi ngiyibonakalise, njengalokhu ngifanele ukukhuluma.

⁵Hambani ngenhlakanipho mayelana labangaphandle, lihlenga isikhathi.

⁶Ilizwi lenu kalihlale emuseni, linambitheke ngetswayi, ukuze lazi ukuthi kulifanele njani ukuphendula ngulowo lalowo.

⁷Konke okumaqondana lami uzalitshela uTikiko, umzalwane othandekayo lesikhonzi esithembekileyo lesisebenzi kanye lathi eNkosini;

⁸engimthume kini kukho lokhu, ukuze azi indaba zenu lokuthi aduduze inhliziyo zenu;

⁹kanye loOnesimo umzalwane othembekileyo lothandekayo, owakini. Bazalazisa konke okulapha.

¹⁰Uyalibingelela uAristako oyisibotshwa kanye lami, loMarko umzawakhe kaBarnabasi, elemukela imilayo ngaye; uba efika kini, memukeleni,

¹¹loJesu othiwa nguJustusi, owa bo kusoka; laba bodwa yizisebenzi kanye la mi embusweni kaNkulunkulu, ababayinduduzo kimi.

¹²Uyalibingelela uEpafra owakini, inceku kaKristu, elilwela emikhulekweni ngezikhathi zonke, ukuze lime liphelele ligcwaliswe entandweni yonke kaNkulunkulu.

¹³Ngoba ngiyafakaza kuye ukuthi uyalitshisekela kakhulu labaseLawodikeya labaseHiyerapoli.

¹⁴Uyalibingelela uLuka umelaphi othandekayo, loDema.

¹⁵Bingelelani abazalwane abaseLawodikeya, loNimfa, lebandla elisemzini wakhe.

¹⁶Njalo nxa isifundiwe lincwadi phakathi kwenu, bonani ukuthi ifundwe lebandleni labeLawodikeya, njalo ukuthi lani liyifunde leyo evela eLawodikeya.

¹⁷Limtshele uArkipho lithi: Qaphela inkonzo oyemukele eNkosini, ukuthi uyiphelelise.

¹⁸Isibingelelo ngesami isandla esikaPawuli. Khumbulani izibopho zami. Umusa kawube lani. Ameni.