Read Ndebele-IBhayibhili Elingcwele 2006 Ujotjhuwa 12 Bible Online

Ujotjhuwa 12 - Ndebele-IBhayibhili Elingcwele 2006 bible

Ujotjhuwa 12

¹Lala ngamakhosi elizwe abantwana bakoIsrayeli abawatshayayo, badla ilifa lelizwe lawo ngaphetsheya kweJordani ngempumalanga, kusukela esifuleni seArinoni kusiya entabeni yeHermoni, lamagceke wonke ngempumalanga:

²USihoni inkosi yamaAmori owayehlala eHeshiboni, ebusa kusukela eAroweri esekhunjini lwesifula seArinoni laphakathi kwesifula, lengxenye eyodwa kwezimbili yeGileyadi kuze kufike esifuleni iJaboki, umngcele wabantwana bakoAmoni,

³lamagceke kuze kufike elwandle lweKinerothi, kuze kube selwandle lwamagceke, uLwandle lweTswayi, empumalanga, indlela yeBeti-Jeshimothi, njalo kusukela eningizimu ngaphansi kweAshidodi-Pisiga;

⁴lomngcele kaOgi inkosi yeBashani owensali zeziqhwaga owayehlala eAshitarothi leEdreyi,

⁵wabusa entabeni yeHermoni leSaleka leBashani lonke, kuze kube semngceleni wamaGeshuri lamaMahakathi, lengxenye eyodwa kwezimbili yeGileyadi, umngcele kaSihoni inkosi yeHeshiboni.

⁶UMozisi inceku ye Nkosi labantwana bakoIsrayeli babatshaya. UMozisi inceku ye Nkosi waselinika abakoRubeni labakoGadi lengxenye eyodwa kwezimbili yesizwe sakoManase ukuba yilifa.

⁷Lala ngamakhosi elizwe uJoshuwa labantwana bakoIsrayeli abawatshayayo nganeno kweJordani entshonalanga, kusukela eBhali-Gadi esihotsheni seLebhanoni kusiya entabeni elugwadule eyenyukela eSeyiri. UJoshuwa walinika-ke izizwe zakoIsrayeli laba yilifa njengokwehlukaniswa kwazo:

⁸Ezintabeni, lezihotsheni, lemagcekeni, lemawatheni, lenkangala, leningizimu: AmaHethi, amaAmori, lamaKhanani, amaPerizi, amaHivi, lamaJebusi.

⁹Inkosi yeJeriko, eyodwa; inkosi yeAyi, eseceleni kweBhetheli, eyodwa;

¹⁰inkosi yeJerusalema, eyodwa; inkosi yeHebroni, eyodwa;

¹¹inkosi yeJarimuthi, eyodwa; inkosi yeLakishi, eyodwa;

¹²inkosi yeEgiloni, eyodwa; inkosi yeGezeri, eyodwa;

¹³inkosi yeDebiri, eyodwa; inkosi yeGederi, eyodwa;

¹⁴inkosi yeHorma, eyodwa; inkosi yeAradi, eyodwa;

¹⁵inkosi yeLibhina, eyodwa; inkosi yeAdulamu, eyodwa;

¹⁶inkosi yeMakeda, eyodwa; inkosi yeBhetheli, eyodwa;

¹⁷inkosi yeTapuwa, eyodwa; inkosi yeHeferi, eyodwa;

¹⁸inkosi yeAfeki, eyodwa; inkosi yeLasharoni, eyodwa;

¹⁹inkosi yeMadoni, eyodwa; inkosi yeHazori, eyodwa;

²⁰inkosi yeShimironi-Meroni, eyodwa; inkosi yeAkishafi, eyodwa;

²¹inkosi yeThahanakhi, eyodwa; inkosi yeMegido, eyodwa;

²²inkosi yeKedeshi, eyodwa; inkosi yeJokineyamu eKharmeli, eyodwa;

²³inkosi yeDori emngceleni weDori, eyodwa; inkosi yezizwe zeGiligali, eyodwa;

²⁴inkosi yeTiriza, eyodwa; wonke amakhosi angamatshumi amathathu lanye.