Read Ndebele-IBhayibhili Elingcwele 2006 Ujotjhuwa 15 Bible Online

Ujotjhuwa 15 - Ndebele-IBhayibhili Elingcwele 2006 bible

Ujotjhuwa 15

¹Lenkatho yesizwe sabantwana bakoJuda ngokwensendo zabo yayisemngceleni weEdoma, inkangala yeZini ngeningizimu ephethelweni eningizimu.

²Lomngcele wabo weningizimu wawusuka ephethelweni loLwandle lweTswayi, kusukela ethekwini elikhangela eningizimu.

³Waphuma waya eningizimu emqansweni weAkirabimi, wedlulela eZini, wenyuka usuka eningizimu kusiya eKadeshi-Bhaneya, wedlulele eHezironi, wenyukele eAdari, uphendukele eKarika,

⁴wedlulele eAzimoni, uphumele esifuleni seGibhithe; lokuphuma komngcele kwakuselwandle. Lo uzakuba ngumngcele wenu eningizimu.

⁵Njalo umngcele wempumalanga wawuluLwandle lweTswayi, kusiya ephethelweni leJordani. Lomngcele ehlangothini lwenyakatho wasukela ethekwini lolwandle, kusukela ephethelweni leJordani.

⁶Lomngcele wenyukela eBeti-Hogila, wedlula kusuka enyakatho kusiya eBeti-Araba; lomngcele wenyukela elitsheni likaBohani indodana kaRubeni.

⁷Lomngcele wenyukela eDebiri kusuka esihotsheni seAkori, usiya enyakatho ukhangele eGiligali, omaqondana lomqanso weAdumimi, ongeningizimu kwesifula. Lomngcele wedlula usiya emanzini eEni-Shemeshi, lokuphuma kwawo kwakuseEni-Rogeli.

⁸Lomngcele wenyuka ngesihotsha sendodana kaHinomu usiya ehlangothini lwamaJebusi eningizimu, okuyiJerusalema. Lomngcele wenyukela engqongeni yentaba ephambi kwesihotsha seHinomu entshonalanga, elisephethelweni lesihotsha seziqhwaga enyakatho.

⁹Lomngcele wadwetshwa usuka engqongeni yentaba kuze kube semthonjeni wamanzi eNefitowa, waphumela emizini yentaba yeEfroni. Lomngcele wadwetshwa usiya eBhahala, okuyiKiriyathi-Jeyarimi.

¹⁰Lomngcele wabhoda usuka eBhahala ngentshonalanga waya entabeni yeSeyiri, wedlulele eceleni kwentaba yeJeyarimi, eyiKesaloni, wehlele eBeti-Shemeshi, wedlule eThiminathi.

¹¹Lomngcele waphuma uye eceleni kweEkhironi enyakatho; lomngcele wadwetshwa uye eShikeroni, wedlula intaba yeBhahala, waphumela eJabineli; lokuphuma komngcele kwakuselwandle.

¹²Lomngcele wentshonalanga wawululwandle olukhulu lokhumbi. Lo ngumngcele wabantwana bakoJuda inhlangothi zonke ngokwensendo zabo.

¹³Wasemupha uKalebi indodana kaJefune isabelo phakathi kwabantwana bakoJuda, ngokomlayo we Nkosi kuJoshuwa, iKiriyathi-Arba, uyise kaAnaki, eyiHebroni.

¹⁴UKalebi wasexotsha elifeni amadodana amathathu kaAnaki asuke lapho, uSheshayi loAhimani loTalimayi, abantwana bakaAnaki.

¹⁵Wasesenyuka esuka lapho waya kwabakhileyo beDebiri. Lebizo leDebiri kuqala laliyiKiriyathi-Seferi.

¹⁶UKalebi wasesithi: Lowo otshaya iKiriyathi-Seferi, ayithumbe, ngizamupha uAkisa indodakazi yami abe ngumka khe.

¹⁷UOthiniyeli indodana kaKenazi, umnawakhe kaKalebi, waseyithumba; wasemnika uAkisa indodakazi yakhe ukuba ngumka khe.

¹⁸Kwasekusithi ekufikeni kwakhe wamkhuthaza ukuthi acele kuyise insimu; wasesehla kubabhemi, uKalebi wasesithi kuye: Ukhala ngani?

¹⁹Wasesithi: Ngipha isibusiso. Njengoba ungiphe ilizwe elomileyo, ngipha njalo imithombo yamanzi. Wasemnika imithombo engaphezulu lemithombo engaphansi.

²⁰Leli yilifa lesizwe sabantwana bakoJuda ngokwensendo zabo.

²¹Lemizi esukela ekucineni kwesizwe sabantwana bakoJuda kusiya emngceleni weEdoma yile: IKabhiseyeli leEderi leJaguri

²²leKina leDimona leAdada

²³leKedeshi leHazori leIthinani,

²⁴iZifi leTelema leBeyalothi

²⁵leHazori-Hadatha leKeriyothi, iHezironi okuyiHazori,

²⁶iAmama leShema leMolada

²⁷leHazari-Gada leHeshimoni leBeti-Peleti

²⁸leHazari-Shuwali leBherishebha leBiziyothiya,

²⁹iBhahala leIyimi leEzema

³⁰leElitoladi leKesili leHorma

³¹leZikilagi leMadimana leSansana

³²leLebayothi leShilihimi leEni leRimoni. Yonke imizi ingamatshumi amabili lesificamunwemunye lemizana yayo.

³³Esihotsheni: IEshitawoli leZora leAshina

³⁴leZanowa leEni-Ganimi, iTapuwa leEnama,

³⁵iJarimuthi leAdulamu, iSoko leAzeka

³⁶leShaharayimi leAdithayimi leGedera leGederothayimi; imizi elitshumi lane lemizana yayo.

³⁷IZenani leHadasha leMigidali-Gadi

³⁸leDileyani leMizipa leJokhitheyeli,

³⁹iLakishi leBhozikhathi leEgiloni

⁴⁰leKhabhoni leLahimasa leKitilishi

⁴¹leGederothi, iBeti-Dagoni, leNahama, leMakeda; imizi elitshumi lesithupha lemizana yayo.

⁴²ILibhina leEtheri leAshani

⁴³leJifitha leAshina leNezibhi

⁴⁴leKeyila leAkizibi leMaresha; imizi eyisificamunwemunye lemizana yayo.

⁴⁵IEkhironi lemizi yayo lemizana yayo.

⁴⁶Kusukela eEkhironi kusiya elwandle, yonke eseceleni kweAshidodi lemizana yayo:

⁴⁷IAshidodi, imizi yayo lemizana yayo; iGaza, imizi yayo lemizana yayo; kusiya esifuleni seGibhithe, lolwandle olukhulu, lomngcele.

⁴⁸Lezintabeni: IShamiri leJatiri leSoko

⁴⁹leDana leKiriyathi-Sana okuyiDebiri,

⁵⁰leAnabi leEshithemo leAnimi

⁵¹leGosheni leHoloni leGilo; imizi elitshumi lanye lemizana yayo.

⁵²IArabi leDuma leEshani

⁵³leJanumi leBeti-Tapuwa leAfeka

⁵⁴leHumta leKiriyathi-Arba, okuyiHebroni, leZiyori; imizi eyisificamunwemunye lemizana yayo.

⁵⁵IMayoni, iKharmeli leZifi leJuta

⁵⁶leJizereyeli leJokideyama leZanoya,

⁵⁷iKayini, iGibeya leTimina; imizi elitshumi lemizana yayo.

⁵⁸IHalihuli, iBeti-Zuri leGedori

⁵⁹leMarathi leBeti-Anothi leElitekoni; imizi eyisithupha lemizana yayo.

⁶⁰iKiriyathi-Bhali, okuyiKiriyathi-Jeyarimi, leRaba; imizi emibili lemizana yayo.

⁶¹Enkangala: IBeti-Araba, iMidini leSekaka

⁶²leNibishani, lomuzi wetswayi, leEngedi; imizi eyisithupha lemizana yayo.

⁶³Kodwa amaJebusi, abahlali beJerusalema, abantwana bakoJuda babengelakho ukuwaxotsha elifeni; ngakho amaJebusi ahlala labantwana bakoJuda eJerusalema kuze kube lamuhla.